Ec 5:10 - Chuj San Sebastian Bible

¹⁰ Toto caw wal tzqui nib'jec tumin, may b'a'n̈ xon tz'och wan qui nib'nec tumn cha. Toto tzqui nib'jec tzon̈ 'ochc ricoal, may b'a'n̈ 'oj calec, to colb'ilxo tas 'ay 'ayn̈ec, man̈ yujoc cha tzcalec to tzc'och qui c'ojol.

Chuj San Mateo Bible

¹⁰ Tato sco nib'ej val och q'uen tumin, malaj b'aq'uin̈ slajvi co nib'an q'ueen. An̈ejtona' tato sco nib'ej tzon̈ och b'eyumal, malaj b'aq'uin̈ scala' to c'ocb'ilxo tas ay d'ayon̈. Palta a jun chi' man̈ pensaril.

Ec 5:10 Iomraidhean Croise

Salmos 52:1

Ach to jeln a'n owal, ¿tas yuj tzej chan̈ a b'a 'a maysch'olnil? A schamc'ojlal Dios 'ayc'n̈ej 'a jun 'ejmn̈ej.

Salmos 52:7

'Iltec wal jun 'anma to man̈oc Dios tzya'ch yipc sc'ojol; cojn wal sricoal tzya'ch yipc sc'ojol, cojxn maysch'olnil tzb'o'o, 'oj schic eb'.

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

Ec 1:8

Smasnil tas tzon̈ tzactzjecn̈ej chan̈ yu'uj, palta man̈ yujoc cha tzcactnec qui matz'ni, mto tzcactnec cab'n junc tas.

Ec 2:10

May 'aj xin tenc' tas tzin nib'ej; 'ix wac' in nab'en in b'on tas nab'il wu'uj. 'Ix wac' tzaljoc in c'ojl yet' smasnil in munljel, a jun in tzaljc'ojlal chi 'ix 'ajx spacc 'ayin.

Ec 2:11

Xlaj in yamn 'och in b'eyc'ojlan in munljel xlaj in b'o', atn jun tzo'n̈ munljel teb'il b'onc wu'uj, ata xwil coti to a smasnil jun tzo'n̈ cha, may jac yel'chi. Lajn jun tzo'n̈ chi 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni. May jac tas wach' qui'nec 'a yolyib'n̈q'uinl tic.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 3:19

Wal yel an̈ 'anman̈ec tic, lajn tzon̈ 'ajc qui satl yet' no noc' cha, yujto tzcham no', tzon̈ chamc paxi. Lajn tzcutjec qui'n quic' yet' no'. Man̈ 'ec'b'aloc quel'chec 'a no'. Smasnil jun tzo'n̈ tic nab'an̈ej.

Ec 4:16

Wach'xam til wal sb'isl 'anma stzalj ya'n 'och win quelm chi reyal, palta ax yic b'aq'uin̈, man̈x 'a mach 'oj alnoc wach'l winac. An̈jtona jun tic, caw nab'an̈ej paxi, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 4:4

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Ec 5:9

Yujto cojxn win rey niwn yel'ch yet' yopiso 'a yib'n̈ jun tzo'n̈ xo eb' yajal, yuj cha, a win yel xo niwn tas tzyij can 'a tas tz'el 'a sat lum lu'um.

Ec 6:7

A smasnil qui munljelec tzqui b'o'o, cojn yuj yoch yopiso 'a qui niwnal, tzqui b'onec, palta may b'a'n̈ tz'och wan qui nib'nec tas tzqui nib'ej.

Mt 6:19

Man̈ qui molb'tzoquec qui ricoal 'a yolyib'n̈q'uinl tic. A jun tzo'n̈ cha, tzlajw yuj no 'ij, tzc'uxmaxi, tz'och eb' 'elc'm 'a 'a.

Mt 6:24

May junc mach tztac' ya'n servil chawn̈oc spatron̈, yujto 'ay jun 'aj 'oj chichnc 'ochi, ax jun 'oj schamc'ojloc, mto 'ay junc 'aj 'oj ya'ch snab'en, ax junc may yel'ch 'a sat. Yuj cha, matz tac' ca'nec servil Dios, tzca'nec pax 'och qui nab'en 'a q'uen tumin.

Lc 12:15

Xlajw cha, xyaln 'ixtc 'a eb' 'anma cha: —Caw tzeyil wal e b'a, sec may junc tas tze comn nib'j 'ochi. Man̈ yujoc to til wal tas 'ay 'ayn̈ec, tzaljc'ojlal que'c 'a yolyib'n̈q'uinl tic, xchi Jesús.

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.