Ec 4:4 - Chuj San Sebastian Bible

⁴ Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Chuj San Mateo Bible

⁴ Ix vilanpaxi to ay b'aj squixtej co b'a co munlaji yic sco nib'an nivan tz'aj quelc'och yed' tastac ay d'ayon̈ d'a yichan̈ juntzan̈xo eb'. Malaj yelc'och b'aj squic'chaan̈ co b'a chi', yujto lajan val icha b'aj sco nib'ej sco yam ic', palta max yamchajlaj cuuj.

Ec 4:4 Iomraidhean Croise

Gn 26:14

Til wal scalnelu, swacax, yet' schecab'; yuj cha, caw xchichn 'och ewin filisteo chi 'a 'a.

Gn 31:1

Ax xyab'n win Jacob to a ewin yunnal win Labán, wan yaln 'el ewin 'ixtic: Yujn̈ej smasnil tas xyij 'ec' Jacob 'a qui mam, yuj cha, rico ticnec, xchi ewinac.

Pr 27:4

A c'a'lc'ojlal yel xo wal tu', niwn tas tzjuw 'el yu'uj. Ax pax chichnc'ojlal, toc 'ay mach tztac' scoln sb'a 'a 'a.

Ec 1:14

Ata snachj 'el wu'uj, to a smasnil tas tzcob' qui b'oc 'a yolyib'n̈q'uinl tic, matz c'och qui c'ojlec yu'uj, 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 2:21

'Ay eb' caw c'asan, jeln eb' sb'on smunljel yet' tas yojtac, palta ax tz'aji, chucx mach 'aj tzcani. A junc cha, man̈x 'a syaloc 'a 'a, yujto man̈oc xyab' syal smunlji, palta a tz'i'n can smasnil. A jun tzo'n̈ cha, nab'an̈ej wal b'i'an, caw wal man̈ smojc 'ixta'.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 4:16

Wach'xam til wal sb'isl 'anma stzalj ya'n 'och win quelm chi reyal, palta ax yic b'aq'uin̈, man̈x 'a mach 'oj alnoc wach'l winac. An̈jtona jun tic, caw nab'an̈ej paxi, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 6:11

Yel ton tas tzalxi: A 'aj niwn tas tzcalec, 'ay paxti man̈x 'a yel'chi, may jac tas wach' qui'nec 'a spatquil yic niwn tas tzcalc cha.

Ec 6:9

Yel xo wach' jab' cab' tas 'ay 'ayn̈ec, 'a yib'n̈ pax to tzqui nib'jec nan̈loc xo. A jun tic, caw nab'an̈ej paxi, lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Mt 27:18

'Ixta xyal winac, yujto yojc xoni, to yuj schichnc'ojlal ewin sat ya'mal 'och sti eb' 'anma 'a Dios, 'ix ya'n 'och ewin Jesús 'a yol sc'ab'.

A Tas Sc'ulejnac Eb' Schecab' Jesús Hechos 7:9

A eb' qui mam quichmec cha, 'ay jun yu'tac eb' José sb'i. Ax 'a jun 'el, sutmjnac eb' schichn 'och 'a 'a. Yuj cha, schon̈n can 'at eb' 'a chon̈b' Egipto. Palta ax Dios, 'ochnc yet' José cha.

Santiago 4:5

¿Tom tze na'a, to may yel'ch tas tzyal spaxti Dios 'a Ch'an̈ U'un̈ 'a 'aj tzyal 'ixtic: A Dios 'ix 'a'n 'och cajn Yespíritu 'ayn̈ junjn on̈. Caw wal tznib'j Yespíritu cha, to yic on̈cn̈ej 'a jun 'ejmn̈ej, xchi.

1 Jn 3:12

Yuj cha, matz tac' lajn tzcutjec qui b'a 'icha yutjnac sb'a win Caín. A win cha, yic win diablo winac. Yuj cha, smiln cham win jun yu'tac. 'Ixta yutjnac sb'a winac, yujto tojl snab'en jun yu'tac cha. Ax winac, man̈ tojloc snab'en.