Ec 4:13 - Chuj San Sebastian Bible

¹³ Yel xo wach' yic junc win quelm to meb'a to 'ay snab'en, 'a yib'n̈ pax junc win rey 'ichm xo to may snab'en, man̈xtzac schaj yab' junc nab'en.

Chuj San Mateo Bible

¹³ Yelxo te vach' yic junoc vin̈ quelem meb'a' ay spensar, d'a yichan̈ pax junoc vin̈ rey icham vinacxo to malaj spensar, maxtzac schalaj yab' razón.

Ec 4:13 Iomraidhean Croise

Gn 37:2

Atn yab'xil smasnil eb' yunnal tic. A José 'ayx uclajn̈e ab'il sq'uinal, tzax 'ec' 'ilj calnelu yet' eb' yu'tac, atn ewin yune 'ix Bilha, yet' ewin yune 'ix Zilpa, eb' 'ix schab'l 'istzil win Jacob cha. A José a tz'i'n 'at yab'xil eb' yu'tac chi 'a smam, yujto tu tas tzlaj sb'o eb'.

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

2 Cr 25:16

Palta a yic xyaln jun schecb' Dios jun tzo'n̈ cha, 'ix ta'w win rey, xyaln win 'a 'ixtic: —¿Tom xwal 'ayach, to ach tzac' in nab'enoc an rey in tic? 'Actj aln jun tzo'n̈ cha. ¿Mto tza nib'j tzach milx chamoc? xchi win 'a 'a. Ax jun schecb' Dios cha, man̈xtoc 'ix tew 'och 'a 'a, palta 'ix yaln can 'a win 'ixtic: —Wojc an tic, nab'ilx yuj Dios to 'oj ach yac' lajwoc, yujto xa b'o jun tic, ma'ix a yiclj tas 'ix wala, xchi 'a 'a.

Pr 19:1

A eb' meb'a to wach'n̈j tzyutj sb'a, yel xo wach' yic eb' 'a yib'n̈ eb' tu snab'en to 'a'm 'es.

Pr 28:6

Wach'xam meb'a 'on̈ec, toto wach' qui nab'enec, yel xo wach' quiquec 'a yib'n̈ junc rico to cojn maysch'olnil nab'il yu'uj.

Ec 4:12

A junc mach sch'ocoj, yajn̈ej tz'ajx ganar yuj junc 'ajc'ojol, palta ax yic chawn̈ sb'ey eb', tztac' ste'wtzan sb'a eb', 'icha junc lasu 'oxe yol sat, man̈ comnoc tzn̈i'chji.

Ec 7:19

A junc mach jelan, tz'ajx ste'nal yuj sjelnal cha, 'ec'b'al yip 'a yib'n̈ lajn̈wan̈oc eb' soldado jeln 'a junc chon̈ab'.