Ec 4:1 - Chuj San Sebastian Bible

¹ 'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.

Chuj San Mateo Bible

¹ Ix in naancot yuj masanil tas man̈ vach'oc tzuji d'a yolyib'an̈q'uinal tic. Ix vilani to ay eb' tz'ixtaji, tz'oc' eb', palta malaj mach scolan eb', yujto a eb' tz'ixtan eb' chi', aton eb' ay yopisio.

Ec 4:1 Iomraidhean Croise

Job 16:4

Q'uinloc to ax tic, 'ixtc eyaj 'icha wal waj tic, an̈jtona 'in, tecn am tztac' waln 'ayx 'icha tzeyutj eyaln 'ayn tic. Ton̈j am tzin yuc in jolm ex in tzetzni, til am wal tas tz'el waln 'ayex.

Job 35:9

A eb' 'anma til wal tz'aj yixtxi, til wal sc'acw eb', tzlaj 'el yaw eb' yic tzlaj sayn eb' mach tzcoln 'el 'a yol sc'ab' eb' tz'ixtn cha.

Job 6:29

'Actjec eyaln jun tzo'n̈ chi 'a wib'an̈; comnoc tzeyojquej 'eli, to yel jun tzo'n̈ tzwal tic.

Job 9:24

A yic tzcan yolyib'n̈q'uinl tic 'a yol sc'ab' eb' 'anma maysch'olnil snab'en, tzmacn sat eb' 'aych juezal. Toto man̈oc Dios 'ixta tz'utni, ¿mach pax b'in jun?

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 142:4

'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.

Salmos 142:5

Ax 'aych xwal in b'a, 'ix waln 'aych 'ixtic: Mamin Jehová a 'aych wach' in coln in b'a, nib'b'ilch wuj 'a yib'n̈ smasnil tas 'ay 'ayn oj 'a sat lum lum tic, xin chi.

Salmos 42:3

Sc'ual yac'wlil woq'ui, axn̈ej yal in sat 'aych yec'b'oc in wejel, yec'b'oc in tacn̈ti'al. Ya' sb'a cha, ax 'a junjn c'u tzc'anb'n eb' 'anma 'ayn 'ixtic: ¿'Aj wal til 'ay jun a Diosal cha? xchi eb'.

Salmos 42:9

Tzwaln wal 'ixtc 'ayach: Ach in Diosal, in Colmal ach, ¿tas yuj in 'atcn 'a satc'ojlal o'oj? ¿Tas wal yuj cusc'ojlaln̈ej wec' yuj eb' 'ajc'ojl yajch 'ayin? xin chi 'ayach.

Salmos 69:20

Yuj wal jun tzo'n̈ b'uchwal paxti cha, yuj cha, a tzwutj wab'ni to xjat in pixn yab'n syail; man̈x in 'anma'oc, man̈x 'a pax wip. Nab'an̈ej 'ix in say mach tz'a'n sniwnal in c'ojol, yet' mach tz'o'ch sc'ojl 'ayin.

Salmos 69:21

'Ix yac' 'ejm eb' veneno 'a scal tas tzin c'uxu, ax yic xtacj in ti', xya'n eb' wuc' vinagre.

Salmos 80:5

A qui cusc'ojlal on̈ yet' yal qui sat on̈, a 'ix ac' qui b'ut'jub'oc on̈.

Ex 1:16

—A yic tzeyiln yalj yune eb' 'ix israel cha, cojn yic tz'alj junc 'unn chi muc'uc, tze sayn eyila'; toto 'ix 'unin, q'uib' cab'i', palta toto winc 'unin, tze mil chamoc, xchi win rey cha.

Ex 1:22

A yic 'ix yiln win rey chajtlto matz tac' 'ixta', yuj cha, 'ix yaln win 'ixtc 'a smasnil eb' schon̈b' cha: A smasnil eb' winc 'unn tz'alj 'a scal eb' israel tic, tze xutcn 'at eb' 'a yojl a Nilo, palta toto 'ix 'unin, q'uib' cab'i', xchi win rey cha.

Pr 19:7

A eb' meb'a', tzpatquilx can 'el eb' yuj eb' yican, ocxom eb' swach'c'ojl eb', ¿tom at eb' chi ma'oj 'actnoc can eb'? Nab'axoj tzsay eb' tas tzyutj yawtn cot eb'.

Pr 28:3

Toto a junc meb'a tz'och yajlil, ax tz'aji caw wal tz'ixtx eb' yit meb'a'il chi yu'uj. A jun cha, lajn wal 'icha junc niwquil yaxn̈ab', c'uxn tzlajw 'el smasnil sat 'awb'en yu'uj.

Pr 29:2

A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

Ec 3:16

A 'aj tzb'eyc'ojlax eb' 'anma 'a yolyib'n̈q'uinl tic, smoj wal to 'ay wach'il yet' tojlal, palta xwilni to cojn maysch'olnil tzb'o ta'.

Ec 5:8

Man̈ sat qui c'ojlec quiln tz'aj yixtx eb' meb'a 'a 'aj matz yiclx tojlal, yujto a eb' 'ay yopiso, tzcolx eb' yuj jun tzo'n̈ xo eb' niwc yopiso. Ax eb' cha, tzcolx eb' yuj jun tzo'n̈ xo eb' yel xo niwc yopiso 'a yib'n̈ eb'.

Ec 7:7

A q'uen c'ultac tumin, a q'uen tz'a'n yixtc 'el sb'a eb' jelan, lajn xoj tz'ajcn eb' 'icha eb' may snab'en.

Ec 8:9

Smasnil jun tzo'n̈ tic, 'ix wila yic xwa'n 'ip wojcan 'el tas 'ay 'a yolyib'n̈q'uinl tic. 'Ay 'aj 'ay eb' 'aych yajlil 'a scal eb' yit 'anma'il, ax tz'aji, a eb' tz'ixtn pax eb' 'anma cha.

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Is 51:23

Ata 'oj wa'x 'a eb' tzlaj ex 'ixtn cha, atn eb' xlaj aln 'ayx 'ixtic: E'n̈ec teln 'a sat lum tic, ax qui b'atj 'ec' 'a eyib'n̈ on̈, xchi eb' 'ayex; ex 'ec' teln 'a sat lum cha, ex ste'wtan̈n eb' 'icha pococ, xchi Dios.

Is 59:7

Caw wal yajn̈ej tzex 'at 'a scal maysch'olnil, yajn̈ej tze miln cham eb' 'anma may smul. Cojn milj 'anma chi 'aych 'a e nab'en. A 'aj tzex laj 'eq'ui, til wal tas tze satcn 'eli.

Jeremías 16:7

Man̈x 'a mach 'oj b'onc tas tzc'uxx yuj junc chaml cha, man̈x 'a mach 'oj 'a'nc sniwnal sc'ojl eb' yican jun tzcham cha, wach'xam to a win mamb'il mto a 'ix nunb'il tzchami.

Lm 1:16

Yuj wal jun tzo'n̈ tic tzon̈ 'oc' on̈. Caw wal jichlji yem yal qui sat. Toc 'ayt mach tz'a'n jac sniwnal qui c'ojol, man̈x 'a mach tz'a'n ste'nal qui nab'en on̈. Scal yailal xcan smasnil eb' cunnal on̈, yujto caw wal jeln eb' 'ajc'ojl chi 'a quib'n̈ on̈, xchi eb'.

Lm 1:17

An̈ 'aj Sión on̈c tic, 'ix cob' b'a'cht qui c'ab' yic tzcalnec qui b'a 'a junc mach, palta may xon junc mach x'a'n sniwnal qui c'ojlec. A Jehová 'ix aln 'a eb' cajn 'a qui tz'eyec, yic tzya'n eb' owl quet'ec. Caw wal spatquilj can 'el eb' chon̈b' Jerusalén tic, xchi winac.

Lm 1:2

Lajn 'icha junc 'ix 'ix ji'jmtac yoc' 'a junjn 'ac'wal; jichlji yem yal sat 'a spac'b'il sti'. Ax eb' nacion̈ wach' cob' yaj yet'oc, may junc eb' tz'a'n sniwnal sc'ojol. Smasnil eb' swach'c'ojl cha, 'ix meltzj 'och eb' 'ajc'ojlal 'a 'a.

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Am 3:10

A Jehová a tzaln 'ixtic: Caw man̈ yojcoc eb' sb'on jac tas tojol. A 'a yol yatut eb', ata molb'il tas ton̈j tzyij 'ec' eb' 'a eb' 'anma', xchi.

Am 3:9

Alc 'el jun tzo'n̈ tic 'a scuartel Asdod, yet' 'a jun tzo'n̈ cuartel 'a Egipto: Cotn̈ec 'a lum jolmctac witz 'a Samaria. 'Iltec wal tz'aj somchj chan̈ eb' 'anma yuj yixtm 'anma'il, xe chi.

Malaquías 2:13

Ax tic, 'ay wal junx tas tze b'o'o: Caw wal tzlojx 'el yet'l xajmb'al yuj yal e sat eyoq'ui, tzex 'oc' wal si'mb'il yujto man̈xtzac schaj Jehová eyofrenda 'a tzaljc'ojlal.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Mt 26:56

Palta 'ixtn tic tz'aji, sec tz'el'ch tas tz'ib'b'il can yuj eb' schecb' Dios 'a Ch'an̈ U'un̈, xchi 'a ewinac. Ax eb' scuywum cha, xyactj can eb' sch'ocoj, 'ix 'at eb' 'elc smasnil.

Dt 28:33

A smasnil sb'al sat e lu'um, yet' sat smasnil eyawb'en, a eb' 'anma man̈ eyojcoc, a eb' 'oj c'uxnoc, 'oj eyab' wal syail, caw 'oltac 'oj eyaji.

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.

Santiago 5:4

A eb' e majn xmunlj 'ayex, 'in ma'ix e toj eb', ton̈j xeyixtj paxti eb'. Yuj cha, tz'awj chan̈ eb' 'a e patic, tzyaln eb' e mul. Ax yaw eb' cha, tzc'och 'a Cajlil 'a satcha'an̈.

Jueces 4:3

A win Jabín cha, 'ay b'aln̈e ciente scaruaje win yic owal, 'aych q'uen hierro 'a spatquil. Junc'l ab'il xcan eb' israel 'a yol sc'ab' winac. Caw wal x'ixtx eb' si'mb'il, yuj cha, xtew eb' 'a Jehová, sec tzcolx eb' yu'uj.