Ec 3:11 - Chuj San Sebastian Bible

¹¹ Caw wach' xyutj Dios sb'on smasnil tas, toto tzb'o 'a 'icha sc'ual. 'Ix ya'n pax qui nib'quec yic tzcojcan 'elec smasnil tas tot oj ujc yic b'aq'uin̈, palta matz yac' wal cojcoc 'elec si'mb'il tas tzb'o'o.

Chuj San Mateo Bible

¹¹ Te vach' ix yutej Dios sb'oan masanil tastac, tato sb'o d'a sc'ual smoj sb'oi. Ix yac' Dios co nib'ej cojtacanel tastac ol ujoc d'a b'aq'uin̈, palta max yac'laj nachajel cuuj sic'lab'il tastac van sc'ulani.

Ec 3:11 Iomraidhean Croise

Gn 1:31

Xyiln 'och Dios smasnil tas 'ix b'o'i, to caw wach' smasnil. 'Ix 'ec' junx 'ac'wal yet' junx c'u, 'ixta x'aj yec' swacl c'ual.

Job 11:7

Am wal tzotj a nani, to 'oj ojcoc 'el sjelnal Dios to c'ultac yaji, atn jun Dios tztac' yuj smasnil.

Job 37:23

Matz tac' cojcanec 'eli jantc wal spoder Dios tztac' yuj smasnil, yujto man̈x yalnb'ilc sjelnal. Caw tojl paxi, wach' snab'en, may junc mach tzcomn 'ixtej.

Job 5:9

A Dios til wal tas satjub'tac tzb'o'o, man̈x b'ischjb'enoc tas tzb'o cha.

Salmos 104:24

Mamin Jehová, man̈x alchjb'enoc tas b'ob'il o'oj. Smasnil jun tzo'n̈ tic, xa b'o yet' a jelnal; a lum lum tic, caw b'ut'n lum yet' smasnil a b'ob'en.

Pr 16:4

A Jehová, a xb'on can smasnil tas yic tz'el'ch tas nab'il yu'uj; an̈jtona', a 'ix aln cani to a eb' 'anma maysch'olnil snab'en, a eb' 'ay yaln yic 'a yailal.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Ec 11:5

Man̈ cojcoquec 'aj tzcot 'ic', man̈ cojcoquec pax tas tz'aj sq'uib' junc 'unn 'a yol sc'ojl snun; 'ixtnta pax man̈ cojcoquec tas wan sb'on Dios, atn jun Dios xb'on smasnil tas.

Ec 7:13

Tzcham wal quilnec tas b'ob'il can yuj Dios: A tas coxo yajcn yu'uj, toc tztac' qui tojlb'tzani.

Ec 7:23

A smasnil jun tzo'n̈ tic, xin b'eyc'ojlej eb' yet' in jelnal, yujto 'aych wal 'a in nab'en, to jeln tzin 'aj 'el'chi. Palta matz nachj 'el wu'uj.

Ec 7:29

Cojn tas x'ilchj wu'uj, to an̈ 'anman̈ec tic, caw tojl on̈ 'aj qui b'oc yuj Dios, palta ax ticnec, caw wal yelc'ojlal on̈ juwc 'eli.

Ec 8:17

'Ix wojquej 'eli, to a smasnil tas tzb'o Dios yet' tas tz'ec' 'a tic, matz nachj 'el cujec. Wach'xam tzca'c 'ip cob' cojcanc 'eli, palta ma'oj nachjoc 'el xon cujec. Wach'xam tzcob' yal junc jeln snab'en to yojtac, palta wal yel, may junc mach tztac' yojcan 'eli.

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mr 7:37

Caw wal 'ix sat sc'ojl eb', 'ix laj yalnc eb' 'ixtic: Caw wach' tzyutj sb'on smasnil tas, an̈jtona tzlaj jac schicn eb' chacan̈, tzjaccn pax sti eb' matz uj spaxtini, xchi eb'.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.