Ec 2:7 - Chuj San Sebastian Bible

⁷ 'Ay ewin in moso xlaj in mana', 'ay pax eb' 'ix wa'mal servil; 'ay pax eb' 'aljnac 'a watut. An̈jtona', til wal x'aj in wacax yet' in calnelu 'a yib'n̈ eb' 'e'nc 'a Jerusalén tic 'a yic yaln̈taxi.

Chuj San Mateo Bible

⁷ Ay eb' vin̈ in checab' yed' eb' ix in checab' ix in mana', ay pax eb' ix alji d'a in pat. An̈ejtona' jantac pax ix aj noc' in vacax yed' noc' in calnel d'a yichan̈ eb' ec'nac cajan d'a Jerusalén d'a pecataxo.

Ec 2:7 Iomraidhean Croise

Gn 13:2

A Abram, caw rico, til wal oro 'a 'a, yet' plata, til wal no noc' cajb'il yu'uj.

Gn 14:14

A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan.

A Ch'an̈ B'ab'el Libro Yic Yab'ixal Eb' Rey 4:23

lajn̈wan̈ no mam wacx caw b'a'ch yajx servil, junc'l no tzcot 'a potrero, jun ciente pax no calnelu, chuc pax yaj smasnil c'aj e no c'ultquilchej, yet' pax no ch'ic caw b'a'ch yajx servil.

A Ch'an̈ Schab'il Libro Yic Yab'ixal Eb' Rey 3:4

A win Mesá sreyl Moab, cajm calnelu win yet' smasnil eb' 'anma cajn 'a jun chon̈b' cha. Yowlal tzyac' win stojlb'al 'a win sreyl chon̈b' Israel, 100 mil no quelm calnelu, yet' slanail 100 mil no mam calnelu tzyac' a' junjn ab'il.

2 Cr 26:10

Sb'on pax jun tzo'n̈ cuartel chi 'a lum cusltac lu'um. Caw niwn jun tzo'n̈ c'ob'a sjoyo, yujto caw niwn scajb'en noc' 'ay 'a lum pan̈n 'a'lic, yet' pax 'a yich eb' lum witz. An̈jtona', caw 'ay eb' smunljum tzmunlj 'a 'awj uva, yet' 'a jun tzo'n̈ xo 'awb'ente 'ay 'a lum jolm witz. Caw wal pitz'n 'och 'a sc'ojl smunlji.

Esdras 2:55

A mach 'ay yin̈tl eb' x'a'n servil Salomón, atn eb' yin̈tl Sotai, eb' yic Soferet, eb' yic Peruda, eb' yic Jaala, eb' yic Darcón, eb' yic Gidel, eb' yic Sefatías, eb' yic Hatil, eb' yic Poqueret-hazebaim, yet' eb' yic Ami.

Esdras 2:58

A smasnil eb' tz'a'n cuenta yatut Dios yet' eb' yin̈tl eb' ya'mal servil Salomón, 'ay 392 eb' 'a smasnil.

Nehemías 7:57

Ax eb' yin̈tl eb' ya'mal servil Salomón, atn eb' yin̈tl Sotai, eb' yic Soferet, eb' yic Perida, eb' yic Jaala, eb' yic Darcón, eb' yic Gidel, eb' yic Sefatías, eb' yic Hatil, eb' yic Poqueret-hazebaim, yet' eb' yic Amón.

Job 42:12

'Ix ya'n pax Dios niwtjoc tas 'ay 'a Job, 'ec'b'al 'ix yutj ya'n pax 'icha xon tas 'ay 'a win 'a yic yalan̈. Yujto 'ix q'uexc'och sb'isl scalnelu win 'a chan̈lajn̈e mil, waque mil scameyo, jun mil mojn̈ smam swacax, jun mil no 'axna.

Lc 12:45

Palta q'uinloc tzna jun moso cha, to mant 'oj jawc spatron̈ cha. Yuj cha, tzyamn 'och sma'n eb' yit mosoal, yet' eb' yit munljumal cha. Ton̈j tzya'ch snab'en swa'i, tz'och pax 'u'm 'an̈il.