Ec 2:22 - Chuj San Sebastian Bible

²² Yuj cha, ¡toc 'ay wal tzca'c ganar yic cob' caw niwn qui munljelec tzqui b'o'o! Til wal tz'och qui t'ucc yu'uj.

Chuj San Mateo Bible

²² Yuj chi', ¿tas val scac' yala' ayic te nivan munlajel sco b'o yed' jantac tas sco na' yuuj?

Ec 2:22 Iomraidhean Croise

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Pr 16:26

A mach tznib'j sb'o junc tas, wach' yico'; yujto a tas tznib'j cha, a chi tzpechn munljoc.

Ec 1:3

¿Tas wal tzyac' ganar eb 'anma', yic til wal munljel tzb'o eb' a yolyib'n̈q'uinl tic?

Ec 2:11

Xlaj in yamn 'och in b'eyc'ojlan in munljel xlaj in b'o', atn jun tzo'n̈ munljel teb'il b'onc wu'uj, ata xwil coti to a smasnil jun tzo'n̈ cha, may jac yel'chi. Lajn jun tzo'n̈ chi 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni. May jac tas wach' qui'nec 'a yolyib'n̈q'uinl tic.

Ec 3:9

¿Toc 'ay jac qui ganarec yic tzon̈ cob' munljec an̈ 'anman̈ec tic?

Ec 4:6

Palta an xo tic tzwal pax 'ixtic: Yel xo wach' jab' wal tas 'ay 'ayn̈ec toto tzaljc'ojlal cajec, 'a yib'n̈ to cob' niwn tas 'ay 'ayn̈ec, palta yel xo tzquixtjec qui b'a qui sayni, xin chi.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Ec 8:15

Yuj cha, tzwaln an tic, ya' sb'a 'ayn̈ec 'ec' 'a yolyib'n̈q'uinl tic, to smoj wal tzon̈ tzaljec, tzqui c'uxnec tas tzqui c'uxu, tzcu'nec tas tzcuq'uej, atn yuj cha, tzon̈ munljec; tzalj coyc pax yuj qui q'uinl tzyac' Dios.

Mt 16:26

Q'uinloc tzquique'ej smasnil tas 'ay 'a yolyib'n̈q'uinl tic, palta toto tzsatcn 'el qui pixn 'a jun 'ejmn̈ej, ¿tast wal qui ganar 'ixta'? ¿Tast wal 'oj cac' smannb'ilc colchjoc qui pixan?

Mt 6:11

Tzac' tas tzqui c'ux 'a jun c'u tic on̈.

Mt 6:25

Yuj cha, tzwal 'ayex, man̈ ex 'och 'il yuj e tzatzl 'a tic, yuj tas 'oj e c'uxu', mto yuj tas 'oj eyuc'; man̈ e na yuj e pichl tzeya'chi. A Dios x'a'n qui tzatzlec, ocxo tas tzqui c'uxec, ¿tom ma'oj yac'a'? A x'a'n qui niwnalec tic, ocxom wal qui pichlec, ¿tom ma'oj yac'a'?

Mt 6:34

Yuj cha, man̈ ex 'och 'il yuj tas eyaj q'uic'an. Yujto man̈ eyojcoc tas 'oj jawc q'ui'n cha, matz tac' tze na yu'uj. Colb'iln̈ej tzqui nac yuj tas tzjaw 'a quib'n̈ec 'a junjn c'u.

Lc 12:22

Xlajw cha, xyaln Jesús 'a eb' scuywum 'ixtic: Tzwal 'ayex, man̈ ex 'och 'il yuj e tzatzil, yet' yuj tas 'oj e c'uxu'. Man̈ e na pax yuj e pichl tzeya'chi.

Lc 12:29

Yuj cha, caw man̈ ex 'och 'il. Man̈ e na yuj tas 'oj e c'uxu', yet' yuj tas 'oj eyuc'.

1 Co 16:16

Tzin tew wal 'ayex, to tzeyiclj tas tzyal eb'. Tzeyiclj pax jantcn̈ej eb' lajn tzyutj sb'a 'icha eb', yujto caw tzcolwj eb', tzmunlj eb' 'a Cajlilec.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.

1 Ti 6:8

Yuj cha, toto tzchax tas tzqui c'ux 'a junjn c'u, toto 'ay pax qui pichul, tzalj con̈.

A Sb'ab'el Carta San Pedro 5:7

Jantcn̈ej quilc'ojlalec ca'c 'och 'a yol sc'ab' Dios, yujto a 'aych 'il on̈ yilnec.