Ec 2:21 - Chuj San Sebastian Bible

²¹ 'Ay eb' caw c'asan, jeln eb' sb'on smunljel yet' tas yojtac, palta ax tz'aji, chucx mach 'aj tzcani. A junc cha, man̈x 'a syaloc 'a 'a, yujto man̈oc xyab' syal smunlji, palta a tz'i'n can smasnil. A jun tzo'n̈ cha, nab'an̈ej wal b'i'an, caw wal man̈ smojc 'ixta'.

Chuj San Mateo Bible

²¹ Ay b'aj jelan co b'oan co munlajel chi', te vach' scutej yuj tastac cojtac, palta axo tz'aji a d'a junoc max munlaj jab'oc, ata' scani. A jun chi' nab'an̈ej, man̈ smojoc icha chi'.

Ec 2:21 Iomraidhean Croise

2 Cr 34:2

Caw tojl tas 'ix 'el sb'on 'a sat Jehová. 'Ix sb'eylb'ej sb'eyb'al David, atn smam yicham, toxn ma'ix yij 'el sb'a jac 'a 'a.

2 Cr 35:18

Mant 'a 'aj tznax q'uin̈ yic yel eb' israel 'a libre jun 'ejmoc 'icha jun cha, yictax 'a yol stiempoal Samuel win schecb' Dios. May pax junc sreyl chon̈b' Israel 'ix nan jun q'uin̈ 'icha jun 'ix sna rey Josías. To 'a smasnil sc'ojol 'ix snan q'uin̈ yet' eb' ya'mal 'och sti eb' 'anma 'a Dios, eb' levita, eb' 'anma 'aj Judá, yet' eb' israel 'ayc' ta', yet' pax eb' cajn 'a Jerusalén.

Salmos 39:7

Ax ticnec Mamin, ¿tas wach' tzin tan̈wej? Cojxn̈ej ach 'aych 'och yipc in c'ojol.

Salmos 49:10

'In tzquilec to jun lajnn̈ej scham eb' 'anma smasnil, tzcham eb' jelan, tzcham pax eb' 'emnc sc'ojlani, ax sricoal eb', chucx mach 'aj tzcani.

Salmos 49:11

Wach'xam niwn lum lu'um tzman eb' yico'oc, palta nab'an̈ej. A 'aj mucn eb', ata 'ayc'n̈ej eb' 'a jun 'ejmn̈ej. Smasnil tiempo 'oj can eb' ta'

Ec 2:20

A yic tzwiln 'och smasnil in munljel xlaj in b'o cha, tznan sb'a in c'ojol, to nab'an̈ej tzwixtj in b'a in munlji.

Ec 4:4

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Ec 9:18

Yel xo niwn yel'ch jelnal, 'a yib'n̈ yamc'ab' yic owal, yujto yel xo niwn tas tzjuw 'el cujec toto man̈ wach'c tzcutjec qui nani yic tzqui b'on junc tas.

Jeremías 22:15

¿Tom tza na'a, to yujn̈ej 'aych 'ec' 'a yol junc n̈a nab'a c'ute 'aych 'a 'a, yuj cha, ax a b'inax reyl si'mb'il? A 'a mam, caw 'ix yac' tzaljoc sc'ojol, yujto tojl xyutj sb'a, wach'n̈j tas sb'o'o, yuj cha, wach' 'ix 'aj 'el'chi.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.