Ec 2:18 - Chuj San Sebastian Bible

¹⁸ An̈jtona', xin chacl in munljel xlaj in b'o 'a yolyib'n̈q'uinl tic, yujto a win 'oj 'ochx can in jelc 'a wopiso tic, a 'a win 'oj can jun tzo'n̈ cha.

Chuj San Mateo Bible

¹⁸ An̈ejtona' malaj yelc'och masanil juntzan̈ in munlajel ix in b'o d'a yolyib'an̈q'uinal tic, yujto masanil juntzan̈ chi' an̈ej am d'a junocxo mach b'aj ol canoc.

Ec 2:18 Iomraidhean Croise

Salmos 17:14

Coln 'el 'a yol sc'ab' eb' 'anma cojn tas 'ay 'a yolyib'n̈q'uinl tic 'aych yipc sc'ojol. 'A' cot yailal 'a yib'n̈ eb', atn jun yailal to yic xon eb' yaji, yamchj c'och cab' yunnal eb' yet' yixchicn eb'.

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

Salmos 49:10

'In tzquilec to jun lajnn̈ej scham eb' 'anma smasnil, tzcham eb' jelan, tzcham pax eb' 'emnc sc'ojlani, ax sricoal eb', chucx mach 'aj tzcani.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Ec 1:3

¿Tas wal tzyac' ganar eb 'anma', yic til wal munljel tzb'o eb' a yolyib'n̈q'uinl tic?

Ec 2:11

Xlaj in yamn 'och in b'eyc'ojlan in munljel xlaj in b'o', atn jun tzo'n̈ munljel teb'il b'onc wu'uj, ata xwil coti to a smasnil jun tzo'n̈ cha, may jac yel'chi. Lajn jun tzo'n̈ chi 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni. May jac tas wach' qui'nec 'a yolyib'n̈q'uinl tic.

Ec 2:21

'Ay eb' caw c'asan, jeln eb' sb'on smunljel yet' tas yojtac, palta ax tz'aji, chucx mach 'aj tzcani. A junc cha, man̈x 'a syaloc 'a 'a, yujto man̈oc xyab' syal smunlji, palta a tz'i'n can smasnil. A jun tzo'n̈ cha, nab'an̈ej wal b'i'an, caw wal man̈ smojc 'ixta'.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 3:22

'Ix nachj 'el wu'uj, to may junc xo tas wach' qui b'onec, cojn to tzca'c tzaljoc qui c'ojl yet' tas tzquijec 'a qui munljel, yujto 'ixta yajcn 'a quib'n̈ec. ¡Toc 'ayt mach 'oj alnc cab'ec tas 'oj ujc 'a yic chamnc on̈c xo!

Ec 4:3

Wach' yic eb' mantzac alji, yujto mantzac yil eb' tas jun tzo'n̈ maysch'olnil tzb'o 'a yolyib'n̈q'uinl tic.

Ec 5:18

Toto 'ixta', ¿tas wach' tzcutjec qui b'a 'a yolyib'n̈q'uinl tic? A tzin na an tic, ya' sb'a 'ay jaye'oc c'u qui q'uinlec yuj Dios, smoj tzon̈ tzaljec qui wa'i, tzcu'nec tas tzcuq'uej, atn tas tzquijec 'a qui munljel, yujto a chi tzwul yac' qui b'oc 'a yolyib'n̈q'uinl tic.

Ec 9:9

Yujto tzab'n jab' qui q'uinlec 'ix yac' Dios, yuj cha, junjn mach tzalj cab' yet' yistzil chamc'ojlb'il yu'uj. Atn chi tz'ajx spacc 'ayn̈ec yuj Dios yic tzcab'nec syal qui munlj 'a yolyib'n̈q'uinl tic.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

1 Co 3:10

An xo tic, 'icha junc b'om n̈a tznachj 'el sb'on junc n̈a cha, 'ixta 'in yuj swach'c'ojlal Dios. An tic, yic wec' 'a e cal ta', 'icha to 'ec' wa'jnac 'ejm yipnub'al yich junc n̈a. Ax ticnec, chucx mach wan smunlj 'a e cal. 'Icha to wan ya'n q'ue xamit 'a yib'n̈ jun yipnub'al yich cha. A junjn mach tzmunlj ta', yowlal caw tzyila, chajtl tzyutj ya'n q'ue jun tzo'n̈ xamit cha.