Ec 2:13 - Chuj San Sebastian Bible

¹³ Ata xnachj 'el wu'uj, to a jelnal, yel xo wach' 'a yib'n̈ man̈ nab'enal, 'icha sacq'uinal, yel xo wach' 'a yib'n̈ q'uic'q'uinal.

Chuj San Mateo Bible

¹³ Icha chi' ix aj snachajel vuuj to a jelanil yelxo te vach' d'a yichan̈ man̈ pensaril, icha yaj saquilq'uinal te vach' d'a yichan̈ q'uic'alq'uinal.

Ec 2:13 Iomraidhean Croise

Salmos 119:105

A 'a paxti', a sacq'uinl yaj 'a wojltac 'icha yoc junc cantil, a tz'a'n sacq'uinl 'a yol in b'e 'aj tzin b'eyi.

Salmos 119:130

A yic tzcham wal yalx jun tzo'n̈ a paxti tic, a tz'a'n sacq'uinal, tzya'n jawc snab'en eb' 'anma 'emmquilal yeq'ui.

Pr 14:8

A sjelnal eb' jelan, a tz'a'n yojcoc 'el eb' tas tzb'o'o, ax sman̈ nab'enal eb' tu snab'en, a tz'ixtn 'el eb'.

Pr 16:16

Yel xo wach' a jelnal tzqui sayc 'ec' 'a yib'n̈ to tzqui sayc 'ec' q'uen oro. Yel xo pax wach' to a wach' nab'enal tzqui sayc 'eq'ui, 'a yib'n̈ to tzqui sayc 'ec' q'uen plata.

Ec 10:10

A yic tz'ec' ye q'uen ch'acab', ax yic tzqui c'annec q'ue'en yowlal caw 'ip qui tzu'nec 'och q'ue'en, yuj cha, yel xo wach' tzqui n̈icc q'ue ye q'ue'en. Toto jeln on̈ec yajn̈ej tzqui nani tas tzcutjec junc chi muc'uc.

Ec 11:7

A sacq'uinal caw wach' yilxi, tzqui nib'nec pax quil yoc c'u.

Ec 7:19

A junc mach jelan, tz'ajx ste'nal yuj sjelnal cha, 'ec'b'al yip 'a yib'n̈ lajn̈wan̈oc eb' soldado jeln 'a junc chon̈ab'.

Ec 9:16

Yuj cha, wach'xam a sjelnal junc win meb'a cha, to may yel'ch 'a sat 'anma', may mach tznib'n 'ab'nc tas tzyala, palta an tic tzwala to yel xo 'ay yel'ch jelnal 'a yib'n̈ yip eb' tzte'wtzej sb'a.

Ec 9:18

Yel xo niwn yel'ch jelnal, 'a yib'n̈ yamc'ab' yic owal, yujto yel xo niwn tas tzjuw 'el cujec toto man̈ wach'c tzcutjec qui nani yic tzqui b'on junc tas.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Mt 6:23

Palta toto 'ayex, tzjuw 'el yol e sat, caw tzex can 'a q'uic'q'uinl yu'uj. A jun tz'a'n sacq'uinl 'ayex, toto tzsutmj 'och q'uic'q'uinlal, caw 'oj e cann̈j 'a q'uic'q'uinl yu'uj.

Ef 5:8

A 'a yic yalan̈, q'uic'q'uinl to yaj qui pixnec yuj qui b'eyb'al. Al ticnec, sacq'uinl xo yaj qui pixnec, yujto junxn̈ej cajc yet' Cajlil. Yic on̈c xo sacq'uinl ticnec. Yuj cha, yowlal wach' tzcutjec qui b'eyb'al.