Ec 2:11 - Chuj San Sebastian Bible

¹¹ Xlaj in yamn 'och in b'eyc'ojlan in munljel xlaj in b'o', atn jun tzo'n̈ munljel teb'il b'onc wu'uj, ata xwil coti to a smasnil jun tzo'n̈ cha, may jac yel'chi. Lajn jun tzo'n̈ chi 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni. May jac tas wach' qui'nec 'a yolyib'n̈q'uinl tic.

Chuj San Mateo Bible

¹¹ Ix lajvi chi', ix vilanoch masanil in munlajel ix in b'o chi', aton juntzan̈ munlajel chi' pural ix b'o vuuj. Icha chi' ix aj snachajel vuuj to a masanil juntzan̈ chi', malaj yelc'ochi. Lajan val icha b'aj sco nib'ej sco yam ic', palta max yamchajlaj cuuj. Icha chi' caji, malaj jab'oc tas vach' squic' d'a yolyib'an̈q'uinal tic.

Ec 2:11 Iomraidhean Croise

Gn 1:31

Xyiln 'och Dios smasnil tas 'ix b'o'i, to caw wach' smasnil. 'Ix 'ec' junx 'ac'wal yet' junx c'u, 'ixta x'aj yec' swacl c'ual.

Salmos 89:47

Na cot nab'an to c'ochn yoc jab' in q'uinl 'ix ac'a. An̈ 'anman̈ tic on̈ jab' wal tiempo tzac' quil on̈.

Ex 39:43

A yic xyiln Moisés to caw wach' x'aj 'el'ch sb'o jun tzo'n̈ tic yuj eb', 'icha yaj yaln can Jehová, 'ixta to b'i'an, xyaln can swach' paxti 'a yib'n̈ eb' chon̈b' cha.

Ec 1:14

Ata snachj 'el wu'uj, to a smasnil tas tzcob' qui b'oc 'a yolyib'n̈q'uinl tic, matz c'och qui c'ojlec yu'uj, 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 1:3

¿Tas wal tzyac' ganar eb 'anma', yic til wal munljel tzb'o eb' a yolyib'n̈q'uinl tic?

Ec 3:9

¿Toc 'ay jac qui ganarec yic tzon̈ cob' munljec an̈ 'anman̈ec tic?

Ec 5:10

Toto caw wal tzqui nib'jec tumin, may b'a'n̈ xon tz'och wan qui nib'nec tumn cha. Toto tzqui nib'jec tzon̈ 'ochc ricoal, may b'a'n̈ 'oj calec, to colb'ilxo tas 'ay 'ayn̈ec, man̈ yujoc cha tzcalec to tzc'och qui c'ojol.

Habacuc 2:13

A smasnil jun tzo'n̈ e munljel 'aj 'ix c'unb' eb' nacion̈ 'emnc eyuj cha, caw nab'an̈ej. A c'ac' 'oj satnc 'el smasnil tas sb'ojnac eb' cha. 'Ixta 'ix yutj Jehová snani, atn jun tztac' yuj smasnil.

1 Ti 6:6

Yel toni, caw niwn swach'l tzqui chaj 'a spatc qui cuynb'il, toto tzqui na'a, colb'il tzyac' jun tzo'n̈ tastc 'ay 'ayn̈ junjn on̈.