Ec 12:9 - Chuj San Sebastian Bible

⁹ A yic in jelnb'i, til wal tas wach' xwac' yojcoc 'el eb' wit 'anma'il. An̈jtona', til wal jun tzo'n̈ xo paxti xlaj in cuyu', xlaj wa'n 'och eb' 'a stzolil.

Chuj San Mateo Bible

⁹ A val yuj in jelanil, man̈ jantacoc tas vach' ix vac' yojtaquejel eb' vetanimail. An̈ejtona' jantac pax juntzan̈ lolonel ix in sic'cani, ix lajvi chi' ix in ch'olb'itaneli, ix vac'anoch d'a stzolal.

Ec 12:9 Iomraidhean Croise

A Ch'an̈ B'ab'el Libro Yic Yab'ixal Eb' Rey 10:8

¡Caw wach' yic eb' 'anma tzmunlj 'ayach, wach' pax yic eb' a checb' 'ayc'n̈ej 'a a tz'ey yic tzyab'n eb' a jelnal!

A Ch'an̈ B'ab'el Libro Yic Yab'ixal Eb' Rey 4:32

'Ix yalcn 'el 'oxe mil paxti yic jelnal, sb'on pax 1,005 b'it.

A Ch'an̈ B'ab'el Libro Yic Yab'ixal Eb' Rey 5:12

A Jehová 'ix yac' sjelnal Salomón, 'icha 'ix yutj yalni. 'Ix sb'ocn jun strato yet' Hiram, yuj cha, caw 'ay junc'ojlal 'a scal eb' schawn̈il.

Pr 1:1

A jun tzo'n̈ tic spaxti Salomón, win yunnal David sreyl chon̈b' Israel.

Pr 10:1

A jun tzo'n̈ tic spaxti Salomón: A junc 'unnab'il 'ay snab'en, tzyac' tzaljb'oc sc'ojl smam snun, palta ax eb' may snab'en, caw tzyac' eb' cus sc'ojl sman snun cha.

Pr 25:1

An̈jtona', spaxti Salomón jun tzo'n̈ xo tic, ax eb' yajtz'ib' win rey Ezequías, win sreyl Judá, a eb' x'i'n 'elt scopiail. 'Ixtc yaln jun tzo'n̈ paxti cha:

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.