Ec 12:3 - Chuj San Sebastian Bible

³ 'Ay jun c'ual, a e c'ab' tzex coln ticnec, 'oj 'ibxoc cha'an̈. A e yoc to caw 'ay yip, 'oj 'el yip. Man̈x 'a pax e ye 'oj eyac' cach'nc tas tze c'uxu, ax yoch pax 'a e sat.

Chuj San Mateo Bible

³ Yujto ay jun c'ual a e c'ab' tzex colan ticnaic, toxon̈ej ol luclonoc, axo eyoc te tec'an, ol el yip. Man̈xapaxlaj q'uen eye b'aj ol yal e cach'an e vael, ol ixtaxpax yol e sat.

Ec 12:3 Iomraidhean Croise

Gn 27:1

'Ix 'ec' tiempo, 'ix 'och win Isaac 'ichm wincal, man̈xtzac stac' yiln winac. 'Ay jun c'ual, 'ix yawtn cot Esaú atn win sb'ab'l 'unnal xyaln 'a 'ixtic: —¡Ach wunnal! xchi 'a winac. —¿Tas tzal 'ayn mamin? xchi 'a smam cha.

Gn 48:10

Caw 'ichm winc xo win Israel cha, man̈xtzac stac' wal yilni. Snitzn 'och José eb' yunnal 'a stz'ey smam cha, x'och la'n win 'a ewin 'unn cha, stz'ub'n 'elt win sti eb'.

Salmos 102:23

A yic spacl to yaj in q'uinal, 'ix e'n can 'el wip, xa'n can c'ochnb'oc in q'uinl tic.

Salmos 35:14

Caw cusltac in sat tzin 'eq'ui, 'icha wal to a 'in nun, mto junc in wach'c'ojol, mto junc caw wu'tac tzin cus yuj schamlil.

Salmos 38:6

Ñojn xoj waji tzin b'eyi, man̈x 'a tas tz'el walni, caw cusc'ojlal waj 'a smasnil tiempo.

Zacarías 8:4

A eb' 'ichmtac winac yet' eb' chichmtac 'ix, 'oj 'em wocn eb' jun 'ejm xo 'a plas 'a Jerusalén. C'occhtexn̈ej 'oj 'ec' eb', yujto 'ichmtac 'anma eb'.

A Ch'an̈ B'ab'el Libro Samuel 3:2

Palta ax x'aji, 'ix syam 'och sjuw yol sat Elí cha. Man̈xtzac stac' yilni. 'Ay jun 'ac'wal waync 'a yol scuarto.