Ec 10:14 - Chuj San Sebastian Bible

¹⁴ A eb' 'ixta tzyutj sb'a cha, matz tzactzj eb' spaxtini. An̈ec xo tic man̈ cojcoquec tas wan sjaw 'a cojltac. Toc 'ay mach tzaln cab'i tas 'oj ujc to b'aq'uin̈.

Chuj San Mateo Bible

¹⁴ max c'unb'i ste loloni. Malaj mach syal yalan tas toto ol ujoc.

Ec 10:14 Iomraidhean Croise

Job 34:37

A Job tic, man̈ cojnoc to 'ay smul, palta to caw tenmtac xyutj sb'a; q'ueln on̈c wal 'och 'a 'a, 'ix b'uchwj 'a Dios, 'ix sten sb'a yet'oc, 'oj schic eb', xchi Eliú 'a Job.

Job 35:16

Palta ach tic mamin Job, a jun tzo'n̈ a paxti cha, toxn may jac tzyal 'el'chi, til wal tas tzcob' ala', palta toxn may jac a nab'en yic tzach paxtin cha, xchi Eliú 'a Job.

Pr 10:19

A eb' niwn tas tzyala, tz'och smul eb' 'a scal spaxti cha; ax eb' jab' wal tas tzyala, caw 'ay snab'en eb'.

Pr 15:2

A yic tzpaxtin eb' 'ay snab'en, caw tzchaj eb' 'anma yab' sjelnal eb' cha; a pax yic tzpaxtin eb' may snab'en, cojn tas may yel'ch tzlaj yal eb'.

Ec 10:15

A eb' may snab'en, ton̈j tzmac' c'unb'oc sb'a eb' smunlji, caw tz'el yip eb', 'ijn man̈xtzac stac' spaxt eb' 'a yol schon̈ab'.

Ec 3:22

'Ix nachj 'el wu'uj, to may junc xo tas wach' qui b'onec, cojn to tzca'c tzaljoc qui c'ojl yet' tas tzquijec 'a qui munljel, yujto 'ixta yajcn 'a quib'n̈ec. ¡Toc 'ayt mach 'oj alnc cab'ec tas 'oj ujc 'a yic chamnc on̈c xo!

Ec 5:3

Yujto a yic til wal tas tzquecc qui na', tzon̈ 'ilwj chan̈ec yu'uj, ax yic niwn tas tzcalec, 'ay paxti man̈ tojloc tzcalc 'a scal qui paxti cha.

Ec 6:12

May junc on̈ec cojtac tas junc tz'och qui wach'loc, yic 'ayn̈ec 'ec' 'a yolyib'n̈q'uinl tic. A qui q'uinlec may jac yel'chi, lajn yec' 'icha junc wewen. ¡Toc 'ayt mach 'oj alnc cab'ec tas tzb'o 'a yolyib'n̈q'uinl tic yic chamnc on̈c xo!

Ec 7:14

Toto wach' cajc tzquila, ca'c tzaljoc qui c'ojol; palta toto man̈ wach'c cajc tzquil jun, qui nac wal si'mb'il, to a Dios 'ixta tz'utn chac'aj tic. An̈ 'anman̈ec tic, man̈ cojcoquec tas tzqui chajec qui b'a yet' 'a cojltac.

Ec 9:1

A wal yic xwa'n 'ip in cuyn jun tzo'n̈ tic, 'ix wojcan 'eli, to a tas tzb'o eb' wach' yet' eb' jelan, a 'a yol sc'ab' Dios 'ayq'ui. May junc on̈c cojtac tas 'ayc' 'a cojltac, tom 'oj qui chamc'ojlaxi mto 'oj qui chacx 'eli.

Ez 35:13

Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.