Ec 10:1 - Chuj San Sebastian Bible

¹ A yuj sjab' junc no chamnc yax a'ay, tzjuw 'el sjab' junc perjuma caw su'q'ui. 'Ixta pax junc mach tzb'inax yuj cob' sjelnal, q'uinloc 'ay tas tu tzb'o'o, caw tzjuw 'el sb'inab'ilal cha.

Chuj San Mateo Bible

¹ Yujn̈ej junoc noc' chamnac yax a'ay tz'ixtaxb'at sjab' perfume te vach'. Icha pax chi' junoc mach b'inajnac yuj sjelanil, tato sc'ulej jab'oc chucal, satel sb'inajnaquil chi'.

Ec 10:1 Iomraidhean Croise

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

Nehemías 13:26

'Ixtn tic x'aj yoch smul Salomón sreyl Israel. Wach'xam may junc xo rey lajn yet' 'a jun tzo'n̈ xo nacion̈, to 'ay schamc'ojlal Dios 'a 'a, 'ix 'ajx 'och qui reyloc an̈ israel on̈c tic, palta 'ix 'ijx 'at 'a maysch'olnil yuj eb' 'ix chuc chon̈b'al.

Nehemías 6:13

Tojb'ilx yuj eb', yic tzin xib'tni, sec tz'och in mul yaln eb', sec maysch'olnil in b'inaxi, yic tz'el in q'uixwel.

Job 6:3

Tecn yel xo 'al 'a yib'n̈ q'uen arena 'ay 'a sti a mar. Yuj cha, yajn̈ej xwaln jun tzo'n̈ in paxti chi muc'uc.

Ex 30:25

A junc mach yojc sb'on perjuma, a cab' tzb'oni, wach' cab' tz'aj sb'o'i yujto wicn̈ej tz'aji, to a tzc'anlb'axi yic tz'och junc tas wico'oc.

Ec 9:18

Yel xo niwn yel'ch jelnal, 'a yib'n̈ yamc'ab' yic owal, yujto yel xo niwn tas tzjuw 'el cujec toto man̈ wach'c tzcutjec qui nani yic tzqui b'on junc tas.

Hageo 2:12

Q'uinloc 'ay junc winc 'et'jnac jac chib'ej, pichb'il 'och yuj 'a yol spichul, q'uinloc wic yaj jac chib'j cha, yujto 'ix 'ajx xajmb'alil. Toto tztench sb'a sti spichl chi 'a 'ixm pan, mto 'a junc schib'l wal tajnac xo, mto 'a te yal uva, mto 'a aceite, mto 'a jun tzo'n̈ocx tas tzc'uxxi, ¿tom yuj cha, yic Dios tz'ajcn jun tzo'n̈ tas tzc'uxx cha? xa chi 'a eb'. Ax yaln eb' ya'mal 'och sti eb' 'anma cha, chajtlto ma'ay, xchi 'ayin.

Hageo 2:13

Yuj cha, xin c'anb'n pax 'ixtc 'a eb': Q'uinloc 'ay junc mach tzyamn sniwnal junc chamnc 'anma', man̈ wach'c tz'ajcn yuj 'icha yaln ley, ax tz'aji tzyamn jun tzo'n̈ xwal tic, ¿tom man̈ wach'c tz'ajcn jun tzo'n̈ cha, mto ma'ay? xin chi 'a eb'. 'Ix ta'w eb' ya'mal 'och sti eb' 'anma cha: Yel toni, man̈ wach'c tz'ajcni, xchi eb'.