Dt 9:5 - Chuj San Sebastian Bible

⁵ Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

Chuj San Mateo Bible

⁵ Man̈ yujoc e vach'il, man̈ yujoc pax svach'il e b'eyb'al yuj chi' ol ex c'och cajan d'a sat luum. Palta yuj schucal juntzan̈ chon̈ab' chi', ol satjoccanel eb' d'a eyichan̈, yic vach' tz'elcanc'och tas yalnac Jehová d'a eb' co mam quicham, aton d'a vin̈aj Abraham, d'a vin̈aj Isaac yed' d'a vin̈aj Jacob.

Dt 9:5 Iomraidhean Croise

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 13:15

A smasnil jun lum wan eln 'at tic, an tzwac' 'aych 'a jun 'ejmn̈ej, yic pax smasnil eb' en̈tl b'aq'uin̈.

Gn 15:16

Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.

Gn 15:7

'Ix yaln pax Dios: —An ton tic Jehová in, an ach wij 'elt 'a chon̈b' Ur 'a yol yic eb' caldeo yuj wa'n jun lum tic eco'oc, xchi 'a 'a.

Gn 17:8

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

Gn 19:29

Palta a yic 'ix ya'n Dios lajwc jun tzo'n̈ chon̈b' 'a jun pan̈n 'aj 'ix 'ec' cajn win Lot cha, 'ix snan cot tas 'ix sc'an Abraham, yuj cha, xcolx can 'elt Lot yuj 'a jun niwquil yailal cha.

Gn 26:4

Caw 'oj wac' niwtjoc sb'isl eb' en̈tl 'icha c'anal 'a satcha'an̈, ax wa'n jun lum tic 'ayach. An̈jtona', yujn̈ej eb' en̈tl cha, ax schan smasnil nacion̈ in yaxilal.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Ex 32:13

Comnoc tza na cot tas aljnac can yet' eb' a checb' 'a pecti', atn Abraham, Isaac yet' Israel. A 'a eb' aljnac can 'ixtic: 'Oj wac' q'uib' sb'isl eb' eyin̈tl b'aq'uin̈, lajn wal 'oj 'aj sb'isl eb' 'icha c'anal 'a satcha'an̈. A smasnil lum lum tic, 'ix wac' in ti wa'n 'a eb' eyin̈til, yic eb' tz'aj lum 'a smasnil tiempo, 'in xa chi, xchi Moisés cha.

Ez 20:14

Palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' israel 'a Egipto cha.

Ez 36:22

Ax ticnec, al yab' eb' et israelal tic, to an Jehová in, an tzwal 'ixtic: A tas 'oj in b'o', man̈ eyujoc tzin b'oni, palta wu'uj, yujto caw tu yaln eb' 'anma chi 'ayn eyu'uj, atn eb' 'aj tzex laj pucn coti.

Ez 36:32

Ex israel, man̈ yujoc e wach'il tzin b'on jun tzon̈ cha; palta to smoj eyecn q'uixwc e b'a yuj e b'eyb'al.

Lv 18:24

Man̈ eyixtc 'el e b'a yet' jun tzo'n̈ tic, yujto a yet' jun tzo'n̈ tic, xyixtj 'el sb'a jun tzo'n̈ nacion̈ 'oj in satl 'a eyojltac.

Lv 18:25

Yuj jun tzo'n̈ cha, xjuw 'el slum eb' chi 'a in sat. Wan xo wa'n yowlal 'a slum eb' cha, ax slum eb' chi wan laj satn 'eli.

Miqueas 7:20

'Ayn̈j 'ec' a wach'c'ojlal yet' a chamc'ojlal 'ayn̈ on̈ Mamin, 'icha otjnac a'n can a ti 'a eb' qui mam quichm 'a yictax pecti 'on̈, atn 'a Abraham yet' 'a Jacob, xchi Miqueas.

A Tas Sc'ulejnac Eb' Schecab' Jesús Hechos 3:25

Ax tic, eyit chon̈b' can e b'a yet' eb' schecb' Dios quet' on̈. Yuj cha, a yic ya'n can Dios strato 'a eb' qui mam quichmec, ya'n can pax 'ayn̈ec yet' eb'. Atn jun strato tic ya'jnac 'a Abraham, 'a yic yaln can 'ixtic: Yuj en̈til, 'oj wac' in yaxilal 'a eb' 'anma 'a junjn chon̈b' 'a yolyib'n̈q'uinl tic, xchi Dios 'a Abraham.

Ro 11:28

A eb' wit israelal cha, 'ajc'ojl yajch eb' 'a Dios, yujto matz ya'ch eb' sc'ojl 'a jun wach' 'ab'x yic colnb'il. 'Ixta tz'aj eb', sec ax xo tztac' e colchji. Palta an̈ja schamc'ojlan Dios eb', yujto a si'jnac can 'el smam yichm eb'.

Ro 15:8

Tzwalb't jun tzo'n̈ tic 'ayex, yujto a Cristo wul ya'jnac sb'a ya'malc servil eb' quit israelal. A wul 'a'jnac 'el'choc tas yaljnac can Dios 'a eb' qui mam quichmec, yic ya'n can sti 'a eb'. 'Ixta yutjnac Cristo sch'oxni, to caw yel tzyal Dios.

Dt 1:8

An ton 'ix wac' jun lum chi 'ayex. A ticnec 'ixquec, 'at cajc lu'um, yujto wa'jnac in ti 'a eb' e mam eyicham, atn Abraham, Isaac, yet' Jacob to tzwac' lum 'a yin̈tl eb', xchi Dios 'ayn̈ec.

Dt 12:31

Man̈ 'ichaoc tzyutj sb'a eb' cha, man̈ 'ixta'oc tzeyutj e b'a 'a Jehová, yujto a jun tzo'n̈ cha, yajb'il 'el eb' yuj Jehová Dios. A jun tzo'n̈ yajb'il 'el yuj cha, atn sb'eylb'ej eb' 'anma cha, yic tzyi'n 'ejm sb'a eb' 'a sdiosal. 'Ay wal eb' yel may snab'en, xyac' eb' tz'a yunnal yet' yisl xajmb'al-l 'a sdiosal cha.

Dt 18:12

Yujto a eb' tzb'on jun tzo'n̈ tic, caw yajb'il 'el eb' yuj Jehová. Yuj wal to tzb'o eb' nacion̈ jun tzo'n̈ cha, yuj cha, a Jehová qui Diosalec, 'oj 'i'nc 'el eb' 'a eyojltac.

Dt 18:9

A yic 'oj e c'och 'a lum lum 'oj yac' Jehová qui Diosalec eyico'oc, man̈ e b'eylb'oc sb'eyb'al eb' 'anma 'ayc' 'a jun tzo'n̈ chon̈b' cha.

Dt 20:18

sec ma'oj ex scuy eb' e b'on jun tzo'n̈ tas yajb'entac tzlaj sb'o', yic tzya'n 'ejm sb'a 'a jun tzo'n̈ scomn diosal eb'. Tze satl eb' sec matz 'och e mul 'a Jehová Dios yuj eb'.

Tito 3:5

Yuj cha, on̈ colchj yu'uj. Man̈ yujoc junc tas wach' xqui b'o'o, on̈ colchji. Palta yujn̈ej to a Dios, 'ix 'o'ch sc'ojl 'ayon̈. A yic on̈ sacb'tzan yuj qui mul, 'icha to on̈ 'alj pax 'a scha'ejmal. Yuj Yespíritu 'ix jelmj qui nab'en.