Dt 9:4 - Chuj San Sebastian Bible

⁴ A yic tox xlajw 'el eb' 'anma chi 'a eyojltac yuj Jehová, 'ayx cob' 'oj eyal 'ixtic: Yuj wal qui wach'il, yuj cha, on̈ yi'nec cot Jehová 'a jun lugar tic, 'oj e chioc. Palta yuj smul eb' 'anma 'a jun lugar cha, yuj cha, tzsatn 'el Dios eb'.

Chuj San Mateo Bible

⁴ Ayic toxo ix yiq'uel masanil eb' anima chi' Jehová d'a eyichan̈, man̈ e na' to yuj e vach'il, yuj chi' icha chi' ix aji. Palta yuj schucal juntzan̈ chon̈ab' chi' ol ic'joquel eb' d'a eyichan̈ yuj Jehová.

Dt 9:4 Iomraidhean Croise

Gn 15:16

Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.

Ez 36:22

Ax ticnec, al yab' eb' et israelal tic, to an Jehová in, an tzwal 'ixtic: A tas 'oj in b'o', man̈ eyujoc tzin b'oni, palta wu'uj, yujto caw tu yaln eb' 'anma chi 'ayn eyu'uj, atn eb' 'aj tzex laj pucn coti.

Ez 36:32

Ex israel, man̈ yujoc e wach'il tzin b'on jun tzon̈ cha; palta to smoj eyecn q'uixwc e b'a yuj e b'eyb'al.

Lv 18:3

Man̈ e b'eylb'oc sb'eyb'al eb' 'aj Egipto, atn jun nacion̈ 'aj 'e'nc ex cajan. Man̈ e b'eylb'oc pax sb'eyb'al eb' 'aj Canaán, atn 'aj wan ex wi'n 'ati.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Ro 11:6

Yuj wal swach'c'ojlal cha, si'n can 'el eb', man̈ yujoc junc tas tzb'o eb'. Q'uinloc yuj tas tzb'o eb', si'n 'el eb', to 'ixta', man̈ yujoc swach'c'ojlal Dios tzcolchj eb'.

1 Co 4:4

Toto 'ay junc in paltail man̈ wojcoc, palta an̈ja matz tac' walni, to may jac in paltail, yujto cojn Cajlilec tztac' in sb'eyc'ojlani.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

Dt 12:31

Man̈ 'ichaoc tzyutj sb'a eb' cha, man̈ 'ixta'oc tzeyutj e b'a 'a Jehová, yujto a jun tzo'n̈ cha, yajb'il 'el eb' yuj Jehová Dios. A jun tzo'n̈ yajb'il 'el yuj cha, atn sb'eylb'ej eb' 'anma cha, yic tzyi'n 'ejm sb'a eb' 'a sdiosal. 'Ay wal eb' yel may snab'en, xyac' eb' tz'a yunnal yet' yisl xajmb'al-l 'a sdiosal cha.

Dt 31:27

Yujto wojtac, to ax tic caw wal pit ex, tenmtac ex. 'Aynto cob' 'ec' eyet'oc, palta 'in toxn to tenmtac tzeyutj e b'a 'a Jehová Dios, ¿ocxom wal yic 'oj in chami?

Dt 8:17

'Ayt ex xe na 'ixtic: A jun tzo'n̈ qui ricoal tic, 'ix ca'c ganar yet' quip, xe chi ta.

Dt 9:24

¡Yictax ex wojcan 'eli, xin yamn 'och wilni to caw wal pit tzeyutj e b'a 'a Jehová!

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.