Dt 9:3 - Chuj San Sebastian Bible

³ Yuj cha, yowlal tzeyojquej 'el ticnec, to a Jehová qui Diosalec, a 'oj b'ab'ljoc eyu'uj, 'icha wal junc c'ac' tzn̈uswji. A 'oj satnc 'el eb' 'anma chi 'a eyojltac. Ax xo tic, 'oj e pechl eb', ax e satn 'el eb' muc'uc, 'icha wal 'ix yutj Jehová yaln 'ayn̈ec.

Chuj San Mateo Bible

³ Ojtaquejequel ticnaic to a Jehová co Diosal, a b'ab'el sb'at d'a eyichan̈ icha junoc c'ac' satanel masanil tastac. Ol ac'jococh eb' d'a yol e c'ab', yuj chi' ol e satn̈ejel eb', ol e pechanel eb' d'a elan̈chamel, icha ix aj yalan Jehová.

Dt 9:3 Iomraidhean Croise

Ex 23:23

'Oj b'ab'ljoc jun wángel chi eyu'uj, ax ex yi'n 'at 'a lum slum eb' amorreo, eb' hitita, eb' ferezeo, eb' cananeo, eb' heveo yet' eb' jebuseo; 'oj in satl eb' 'a jun 'ejmn̈ej.

Ex 24:17

'Ix sch'ox sb'a stzictznil Jehová 'a scal jun 'asn cha, xyil eb' israel jun chi 'a sjolm lum witz cha. Lajn wal yilx jun chi 'icha junc niwquil c'ac' tzon̈ tz'a yu'uj.

Is 27:4

May wowl 'ay cot 'a 'a. Toto 'ay te q'ui'ix, mto te comn c'ultc tu 'ay 'a scal, tzin satli, tzwa'n tz'a 'a jun 'ejmn̈ej.

Is 30:27

'Iltec wal scot Jehová 'a najat. Caw wal tzcot yowl si'mb'il. Lajn wal yowl sc'ojl chi 'icha jun c'ac' caw tzn̈ilchji, tzq'ue pax stab'il. A spaxti', lajn 'icha jun c'ac' tzn̈usntz'a smasnil tastac.

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Miqueas 2:13

An e Diosal in tic, 'oj in b'ab'lj eyu'uj, yuj in jacn e b'e, ax eyoch tza'n wu'uj. 'Oj eyelcn 'a sti 'el spuertail chon̈ab', 'ixta 'oj eyaj e colchjcan 'eli. An Jehová in, e Reyl in, an b'ab'l in eyu'uj, xchi Dios.

Mt 15:10

Xlajw cha, xyawtn cot eb' 'anma 'a 'a, 'ix yaln 'ixtc 'a eb': —'Ab'ec, nachj cab' 'el eyu'uj tas 'oj wala'.

Mr 7:14

Xlajw cha, 'ix yawtn cot Jesús eb' 'anma chi jun 'ejm xo, 'ix yaln 'a eb' 'ixtic: —'Ab'xnan̈c 'ayn e masnil, nachj cab' 'el eyu'uj tas 'oj wala'.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Ef 5:17

Man̈ eya'ch e b'a man̈ nab'enal, cuyc e b'a sec tznachj 'el eyu'uj, tas wal tznib'j Dios tzqui b'o'ec.

Dt 1:30

A Jehová qui Diosalec, a 'oj b'ab'ljoc cujec, a 'oj 'a'noc owl cujec, 'icha wal cutjnaquec quiln tas 'ix sb'o 'a Egipto,

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Dt 20:4

yujto a Jehová qui Diosalec a 'aych quet'ec. A 'oj 'a'nc owl yet' eb' 'ajc'ojl cha, a 'oj 'a'nc ca'c ganar, xchi cab' winac.

Dt 4:24

A Jehová Dios, caw wal ow 'a junc mach tzyac' 'ejm sb'a 'a junc yechel. A yowl sc'ojl cha, lajn wal 'icha junc c'ac' tz'a smasnil tas yu'uj.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Dt 7:22

Jab'jnal 'oj yi'l Jehová jun tzo'n̈ nacion̈ chi 'a eyojltac. Man̈ jun 'ejmocn̈ej tze satl eb', to ma'ay, 'ay smay sniwtj no calte'al noc' 'a e cal, ax ex schin no'.

Dt 9:6

Yuj cha, yowlal tzeyojquej 'eli, chajtlto man̈ yujoc e wach'il tzya'n Jehová qui Diosalec lum lum chi 'ayex, palta yujto 'ixta snab'en. Alx tic jun, caw wal pitx 'a 'a.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

A Ch'an̈ Carta D'a Eb' Hebreo 12:29

yujto a qui Diosalec, lajn 'icha junc c'ac', caw tzlajw stz'a smasnil tas yu'uj.

Josué 11:12

'Ixta pax xyutj Josué smasnil jun tzo'n̈ xo chon̈b' junn̈j xyutj sb'a cob' yet' jun chon̈b' cha. C'uxn xmilx cham eb' rey 'a jun tzo'n̈ chon̈b' chi yet' q'uen espada, c'uxn satl smasnil tas 'ay 'a junjn chon̈b' cha, 'icha yaj yaln can Moisés, win schecb' Dios.

Josué 11:8

Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Josué 14:12

Yuj cha, tzin c'an 'aych ticnec, to tzac' lum jolmctac witz tic 'ayin, 'icha yutjnac yaln can Jehová. Ab'jnac ach tic 'a yic jun tiempoal cha, chajtlto ata cajn eb' niwc winac, eb' yin̈tl can win Anac; caw niwc yaj schon̈b' eb' sb'oni, wach' pax yajch smuroal schon̈b' eb' cha. Palta an tic, caw tzwa'ch Jehová yipc in c'ojol, to 'oj colwjoc wet'oc yic 'oj wi'nc 'el eb' ta', 'icha yaj yaln cani, xchi Caleb.

Josué 3:11

'Oj eyila', to a te scaxail strato Dios, atn jun Dios 'ay yic lum lum tic, 'oj b'ab'ljoc te cujec yic tzon̈ 'e'c 'a yojl a Jordán tic.

Josué 3:14

Xlajw cha, xyi'n chan̈ eb' israel chi smantiado, 'ix 'ec' eb' 'a yojl a Jordán cha, ax eb' ya'mal 'och sti eb' 'anma 'et'jnac te scaxail trato, xb'ab'lj eb' yuj smasnil eb' chon̈b' cha.

Jueces 4:14

Xlajw cha, xyaln 'ix Débora chi 'a Barac 'ixtic: —'Ixc muc'uc, yujto a ticnec xc'och sc'ul ya'n 'och Jehová win Sísara 'a yol qui c'ab'. B'ab'l xo s'at Jehová 'a cojltac, xchi 'ix. Xlajw cha, x'em paxt Barac 'a lum jolm witz Tabor, tza'n 'och lajn̈e mil soldado yu'uj.