Dt 9:24 - Chuj San Sebastian Bible

²⁴ ¡Yictax ex wojcan 'eli, xin yamn 'och wilni to caw wal pit tzeyutj e b'a 'a Jehová!

Chuj San Mateo Bible

²⁴ Atax yic ex vojtacaneli voch ijan vilani to te pitn̈ej tzeyutej e b'a d'a Jehová.

Dt 9:24 Iomraidhean Croise

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

Ex 32:22

'Ix ta'w Aarón 'ixtic: —Mamin, comnoc matz cot owl 'ayin. 'In ojc wal snab'en eb' 'anma tic, caw wal tznib'j eb' sb'o maysch'olnil.

Is 48:8

Yel toni, a jun tic mant 'a 'aj eyab'jnac, mant eyojcoc, an̈jtona mantzac eyab' pax ticnec. Yujto wojtac to man̈ ex yiclumoc, tenmtacx xon 'a yic mantzac ex 'alji.

Jeremías 4:17

'Oj 'och oyn eb' 'a spatquil chon̈b' Jerusalén, 'icha yajch oyn eb' stan̈mal junc munljel 'ay 'a b'esan. An Jehová in, an tzwala, to 'ixta 'oj 'aj eb', yujto caw tenmtac xyutj sb'a eb' 'ayin.

Ez 20:8

Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Nm 14:9

Palta comnoc matz eyij 'el e nab'en 'a Jehová, man̈ ex comn xiw yuj eb' 'anma chi 'ay 'a lum lum cha. 'Ichan̈ej wal qui wan junc pan, 'ixta 'oj 'aj eb' satl cujec, toc 'ay mach 'oj colnc 'el eb' 'ayn̈ec. An̈ec xo tic, a Jehová a 'aych quet'ec. Yuj cha, man̈ ex comn xiwoc, xchi eb'.

Nm 17:10

Yuj cha, xyaln Jehová 'a Moisés 'ixtic: 'A'x 'och te sc'occh Aarón chi 'a yojltac 'elt scaxail in trato, ata tza mol te', tz'ochcn te snanb'ilc cot eb' 'anma tenmtac tic, sec 'oj 'och wan eb' yaln tu paxti'al 'a wojltac, sec ma'oj cham pax eb', xchi.

Nm 23:21

A 'a scal eb' israel, atn eb' yin̈tl Jacob, may cusc'ojlal yet' yailal tz'ilchj 'a scal eb', yujto a Jehová sDiosal eb'. A 'ayc'n̈ej yet' eb', a syajlil eb' yaji.

Nm 32:14

Ax tic, yunnal ex eb' tenmtac cha, tze nib'j tze b'eylb'ej sb'eyb'al eb' e mam eyichm cha. ¿Tom tze nib'j eyic' paxt yowl sc'ojl Jehová jun 'ejm xo 'a quib'n̈ec?

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

Dt 31:27

Yujto wojtac, to ax tic caw wal pit ex, tenmtac ex. 'Aynto cob' 'ec' eyet'oc, palta 'in toxn to tenmtac tzeyutj e b'a 'a Jehová Dios, ¿ocxom wal yic 'oj in chami?

Dt 9:4

A yic tox xlajw 'el eb' 'anma chi 'a eyojltac yuj Jehová, 'ayx cob' 'oj eyal 'ixtic: Yuj wal qui wach'il, yuj cha, on̈ yi'nec cot Jehová 'a jun lugar tic, 'oj e chioc. Palta yuj smul eb' 'anma 'a jun lugar cha, yuj cha, tzsatn 'el Dios eb'.