Dt 8:2 - Chuj San Sebastian Bible

² Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

Chuj San Mateo Bible

² Naeccot sic'lab'il, 40 ab'il on̈ ec' d'a taquin̈ luum yuj Jehová co Diosal. Ix yac'an co yaelal, on̈ yac'an proval yic syila' tato sco c'anab'ajej schecnab'il, mato maay.

Dt 8:2 Iomraidhean Croise

Gn 22:1

'Ix 'ec' jun tiempoal, 'ix 'ajx prowal win Abraham yuj Dios, toto caw yel tzya'ch win sc'ojl 'a 'a, x'awtx cot win yuj Dios, 'ix ta'w win 'a 'ixtic: —Waj 'a tic Mamin, xchi.

2 Cr 32:31

Ax eb' yajl 'a Babilonia, 'ix chec cot eb' schecab' yic tzwul sc'anb'noc eb' yab' jun milagro satjub'tac 'ix uj 'a Judá. A Dios 'ix schaj sc'ojl sb'on Ezequías tas tznib'j sb'o', yic tz'ajx prowal yu'uj sec tzcheclj 'el smasnil tas 'ay 'a snab'en.

2 Cr 33:12

Palta ax yic xyab'n wal syal cha, 'ix leslwi 'a Jehová sDiosal, xyi'n 'ejm sb'a si'mb'il 'a yojltac sDiosal yet' eb' smam yicham.

2 Cr 33:19

Tz'ib'b'il pax slesal, yet' tas x'aj yo'ch sc'ojl Dios 'a yuj slesl cha. An̈jtona', tz'ib'b'il smasnil smul yet' stenmtaquil, yet' jun tzo'n̈ macsej sb'o chan̈ 'a jolmctac witz yet' 'a 'aj sb'o 'ejm yechl comn dios tzcuch Aserá yet' jun tzo'n̈ xo yechl comn dios, yic mantzac yij 'ejm sb'a 'a Dios. A jun tzo'n̈ cha, ata tz'ib'b'il can 'a ch'an̈ libro yic yab'xil eb' schecb' Dios.

Nehemías 9:19

palta ach tic, yuj a niwquil chamc'ojlal, ma'ix actjcan eb' 'a lum cusltac lu'um. A jun niwquil 'asun, ma'ix 'el 'a yojltac eb' yic tz'ijx b'ey eb' 'a c'ul yu'uj, yet' jun niwquil c'ac' ma'ix 'el 'a yojltac eb' 'a 'ac'wal, yic tzictajx sb'e eb' 'ajtil tz'ati.

Job 33:17

'Ixta tzyutj Dios eb', sec tzyij 'el sb'a eb' 'a tas maysch'olnil, yic man̈ comnoc tzyij chan̈ sb'a eb'.

Salmos 103:2

Tzwal in wach' paxti 'a 'a, a swach'c'ojlal 'ayin, may b'a'n̈ 'oj 'at satc'ojlal wu'uj.

Salmos 106:7

A yic 'ayc' eb' qui mam quichm 'a Egipto on̈, 'icha to may yel'ch tas xa b'o 'a sat eb'; 'ix ya'n sat eb' sc'ojl 'a a niwn chamc'ojlal, ax 'a sla'nil sti a Chac Mar, ata x'och eb' 'ajc'ojlal 'ayach.

Salmos 136:16

'A x'i'n b'ey eb' schon̈b' 'a lum cusltac lu'um. A schamc'ojlal Dios 'ayn̈j 'a smasnil tiempo.

Salmos 77:11

'Oj in na cot jun tzo'n̈ tas satjub'tac yilx b'ob'il yuj Jehová 'a yictax pecti';

Salmos 81:7

A yic 'ayx 'ec' 'a yol sc'ab' eyailal in eyawtni, yuj cha, ex in coln 'elta. In ta'w 'ayx 'a scal jun 'asn 'aj til wal sc'an̈ c'u; ex wa'n prowal 'a sti a a yic Meriba.

Ex 15:25

Xlajw cha, 'ix sc'ann Moisés scolwal Jehová; 'ix sch'oxn Dios jun te te', xya'n 'ejm Moisés chi te 'a yojl a a cha, 'ix b'o a yuj te'. Ata 'ix yac' Jehová jun schecnb'il 'a eb', yic tzya'lni prowal eb' toto tzyiclj eb' schecnb'il.

Ex 16:35

A eb' israel cha, chawinc ab'il sc'ux eb' maná, masnto 'ix jaw eb' 'a smon̈jonal lum Canaán.

Ex 16:4

Yuj cha, xyaln Jehová 'a Moisés 'ixtic: —'Oj wa' cot tas 'oj sc'ux eb' 'anma tic 'a satcha'an̈. 'A junjn c'u, ax si'n eb' tas 'oj sc'ux cha, palta cojn tas 'ay tz'och yuj eb' 'a jun c'u cha, a chi 'oj sic' eb'. 'Ixta 'oj wutc wilni toto 'oj syiclc eb' in checnb'il mto ma'ay.

Ex 20:20

'Ix ta'w Moisés 'ixtc 'a eb': —Man̈ ex xiwoc, ton̈j tzwul ex yac' prowal Dios, yic wach' 'ay e xiwc'ojlal 'a 'a, sec ma'oj laj 'och e mul, xchi.

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

Is 2:17

A eb' b'an̈quintac yet' eb' tzyij chan̈ sb'a, 'oj lajwc 'ejm eb' smasnil. A sb'an̈quinal eb' cha, 'oj 'ijxoc can 'ejmi. Cojxn Jehová 'oj 'ijxc chan̈ sb'i 'a jun c'u cha,

Jeremías 2:6

Ma'ix snalb'ej meltzjoc cot sb'a eb' 'ayin, wach'xam an wijnac 'elt eb' 'a Egipto. 'Ix wi'n b'ey eb' 'a lum cusltac lu'um, lum tacn̈ sat, lum pa'ctac, lum 'ajtil caw 'ay smay, lum may junc mach cajn 'a sat, may pax junc mach tz'ec' 'a sat.

Ez 20:19

An Jehová e Diosal in, an tzwal 'ayx 'ixtic: Yiclum cab' tzeyutj e b'a 'a in ley yet' 'a in checnb'il, tze b'eylb'ani.

Am 2:10

Palta ax tic, wijnac 'elt eb' e mam eyichm 'a Egipto, chawinc ab'il wijnac b'ey eb' 'a lum cusltac lu'um, yuj wa'n slum eb' amorreo chi 'a eb'.

Nm 14:33

Ax eb' eyunnal tic, 'icha to 'ilj calnelun̈ej 'oj sb'o eb' chawinc ab'il 'a lum cusltac lum tic. A eb' 'oj tupn lajwc e tenmtacl x'och 'ayin, masnto 'oj lajwc e chamcn ax tic 'a lum cusltac lum tic.

Lc 18:14

An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

Jn 2:25

Man̈ yowlalc tzat alx 'a 'a, tas snab'en junc mach. Toxn yojtac tas 'ay 'a qui nab'en junjn on̈.

Dt 1:3

A yic 'ayx 'och 'a schawinc ab'il yelt eb' israel 'a Egipto, 'a b'ab'l c'u yoch yuxlchil 'uj, ata syamch Moisés yaln 'a eb' chon̈ab' tas tzyutj Jehová yaln 'a yib'n̈ eb'.

Dt 1:33

A Dios b'ab'l scot cujec, yic sayn 'aj wach' on̈ 'ochcwa'an. A 'a 'ac'wal, a jun c'ac' tzon̈ 'i'nec b'eyoc, ax 'a c'ual, a jun 'asn tzon̈ 'i'nec pax b'eyoc, xchi Moisés.

Dt 13:3

man̈ e cha eyab' jun tzo'n̈ chi 'a 'a. A Jehová qui Diosalec, a tzex 'a'n prowal, sec tzyila toto yel tze chamc'ojlej yet' smasnil e c'ojol, yet' smasnil e nab'en.

Dt 2:7

A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.

Dt 29:5

Chawinc ab'il ex wij b'ey 'a lum cusltac lu'um, palta ma'ix lajw 'el e pichul yet' pax e xan̈ab'.

Dt 32:7

Meltzjan̈c 'at q'ueln 'a e patic, tze nan cot jun tzo'n̈ tiempo 'e'nc eyu'uj. C'anb'jec eyab' 'a e mam e nun. Tze c'anb'n pax eyab' 'a eb' 'ichmtac winac, ax eb' 'oj alnc eyab'i'.

Dt 7:18

Palta man̈ ex xiwoc; tze na coti tas yutjnac Jehová win sreyl Egipto yet' eb' 'anma cha.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.

Santiago 1:3

'Ay 'aj tzon̈ 'ajxec prowal, sec chequel toto yel tzca'c 'och qui c'olj 'a Dios. Palta cojquec, at wal ta tzwach' 'ajx qui te'nal.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

Jueces 2:22

'Ixta x'aj yajx prowal eb' yuj Jehová, toto yiclum eb' 'icha ya'jnac smam yichm eb', mto ma'ay.

Jueces 3:4

Atn yet' jun tzo'n̈ eb' tic, 'ix 'ajx prowal eb' yuj Jehová yic tzyilni toto yel yiclum eb' 'a schecnb'il, atn jun yaljnac can Moisés 'a smam yichm eb'.