Dt 8:11 - Chuj San Sebastian Bible

¹¹ Caw wal tzeyil e b'a, man̈ eyac' sat e c'ojl 'a Jehová qui Diosalec. Yowlal tzeyiclj schecnb'il, sley yet' jun tzo'n̈ cuynb'il tzwalcn 'ayx tic.

Chuj San Mateo Bible

¹¹ Tze yil val e b'a, mocab' b'at Jehová co Diosal satc'olal eyuuj. Yovalil tze c'anab'ajej schecnab'il, sc'ayb'ub'al yed' scachnab'il svalcanel tic d'ayex.

Dt 8:11 Iomraidhean Croise

Salmos 103:2

Tzwal in wach' paxti 'a 'a, a swach'c'ojlal 'ayin, may b'a'n̈ 'oj 'at satc'ojlal wu'uj.

Salmos 106:21

'Ix ya'n sat eb' sc'ojl 'aych Mamin, palta to colwjum aj 'a eb', til wal tas satjub'tac xa b'o 'a Egipto yuj eb'.

Pr 1:32

A eb' mant 'a snab'en, 'oj cham eb' yuj sman̈ nab'enal; ax eb' tu snab'en, 'oj lajwc 'ejm eb', yujto may yel'ch junc nab'en tz'ajx 'a eb'.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Jeremías 23:27

A jun tzo'n̈ eb' cha, tzna eb' tas tzin 'aj in 'atcn satc'ojlal yuj eb' in chon̈ab', yuj swaych eb' tzyal-laj 'a jun jun. 'Icha wal yutjnac sb'a eb' e mam eyicham, 'atnc in satc'ojlal yuj eb', cojxn̈ej Baal xyac' servil eb'.

Lv 13:48

a tzyala tas yaj sb'o'i, to ch'umb'il mto jalb'il, mto junc no tz'um yamc'ab', mto junc xo tas tz'um yaj sb'o'i,

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Nm 15:39

sec ax yic 'oj eyilnc 'och yelwnub'l e pichl cha, ax e nan cot smasnil jun tzo'n̈ checnb'il xwalcn 'ayex. Tze b'eylb'ej, sec wach' man̈toc comnxoj tzex yijcan 'at e tu nab'enal, mto e nib'b'en 'a maysch'olnil, yujto a jun tzo'n̈ chi tzex jun 'eli.

Dt 11:32

A yic cajn ex xo ta', caw tzeyil wal e b'a, yowlal tze b'eylb'ej smasnil jun tzo'n̈ checnb'il wan waln can 'ayx tic, xchi Moisés.

Dt 4:1

'Ix yaln pax Moisés 'ixtc 'a eb' yit israelal cha: A ticnec ex wit chon̈ab', chajec eyab' jun tzo'n̈ ley yet' jun tzo'n̈ checnb'il tzwac' 'ayx tic, sec 'oj e b'eylb'oc, ax eyiclni yic 'oj e c'och cajn 'a sat lum lum 'oj yac' Jehová 'ayex, atn qui Diosalec yet' eb' qui mam quichmec.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 6:11

A eb' te n̈a 'ay ta', b'ut'n yet' tas wach' 'ay 'a yojol, palta man̈oc ex b'ut'jnac. 'Ay a 'uc'b'il a joyb'il, palta man̈oc ex joyjnac. 'Ay te uva yet' te olivo 'awb'il ta', palta man̈oc ex 'awjnac. Toxn̈ej 'oj e c'ux tas 'ay 'a jun lugar cha, ax e b'ut'j wal si'mb'il.

Dt 7:11

Yuj cha, yicljec schecnb'il, sley yet' smasnil jun tzo'n̈ cuynb'il tzwalcn 'ayx 'a jun c'u tic; yowlal tze b'eylb'ej.

Dt 8:14

man̈ e b'an̈ e b'a yet'oc. Xeya't wal sat e c'ojl 'a Jehová qui Diosalec, atn jun on̈ 'i'nec 'elt 'a Egipto, 'a 'aj 'ayn̈ec 'och mosoal.

Jueces 3:7

Caw tu tas sb'o eb' israel 'a sat Jehová sDiosal, xya'n eb' sat sc'ojl 'a 'a. Cojxn 'a jun tzo'n̈ yechl comn dios tzcuch Baal yet' 'a jun tzo'n̈ yechl Asera ata xyac' 'ejm sb'a eb'.