Dt 8:10 - Chuj San Sebastian Bible

¹⁰ Wach' 'oj e wa ta'. 'Oj e b'ut'j si'mb'il, palta yowlal tzeyac' yuj diosal 'a Jehová qui Diosalec, yujto wach' jun lum chi tzyac' eyico'oc.

Chuj San Mateo Bible

¹⁰ Vach' ol ex va ta', yovalil ol eyac' yuj diosal d'a Jehová yujto vach' lum luum ol yac' chi' d'ayex.

Dt 8:10 Iomraidhean Croise

1 Cr 29:14

Wal yel, an tic yet' eb' wit chon̈b' tic, caw may jac tas tztac' tzqui siyj 'ayach, yujto smasnil jun tzo'n̈ tic a 'aych tzcoti. Yuj cha, cojn tas tzqui chaj 'ayach, a tzcac' pax 'ayach.

Salmos 103:2

Tzwal in wach' paxti 'a 'a, a swach'c'ojlal 'ayin, may b'a'n̈ 'oj 'at satc'ojlal wu'uj.

Pr 3:9

'Ac' yofrendail smasnil tas 'ay 'ayach, yuj e'n chan̈ sb'i Jehová. Tza'n pax yofrendail sat awb'en tzb'ab'l 'el-li.

Is 5:1

A ticnec 'oj in b'itnoc jun in wach'c'ojl 'a scal in b'it yet' yawb'en uva. A jun in wach'c'ojl cha, 'ay jun slum caw wal yax sat, ata 'ay yawb'en uva.

Jl 2:26

Ax ticnec, 'oj e wa'i masnto 'oj e b'ut'ji, ax eyaln e wach' paxti 'a 'ayn an Jehová e Diosal in, yujto til wal tas satjub'tac xin b'o yuj e wach'loc. Man̈x 'a b'a'n̈ 'oj e can 'a q'uixwc'ojlal.

Mt 14:19

Xlajw cha, xyaln 'a eb' 'anma', to tz'em wocn eb' 'a jun 'a'lic 'aj 'ayc' cha. 'Ix syamn chan̈ o'e pan yet' chac'otn̈ chay cha. 'Ix q'ue q'ueln 'a satcha'an̈, xya'n yuj diosal yu'uj. Sch'iyn 'ixm pan cha. Xlajw cha, xya'n 'a eb' scuywum. Ax eb' x'a'n 'ec' 'a eb' 'anma cha.

Jn 6:23

Palta 'ay jun tzo'n̈ barco xcot 'a chon̈b' Tiberias, 'ix c'och 'a stz'ey jun lugar chi 'aj 'ix swaj eb' 'ixm pan, yic 'ix ya'n Cajlilec yuj diosal yu'uj.

Ro 14:6

A mach tz'a'n 'och yopiso jun tzo'n̈ c'u tzwal tic, 'ixta tzb'o'o, sec tzch'oxo to 'ay yel'ch Cajlilec 'a sat. [An̈jtona', a mach matz 'a'n 'och yopiso jun tzo'n̈ c'u tic, 'ixta tzb'o'o, sec tzch'oxo, to 'ay yel'ch Cajlilec 'a 'a.] Yet' pax junx tic, a mach tzann̈j tzc'uxni, tzc'uxn̈ej, sec tzch'oxo, to 'ay yel'ch Cajlilec 'a 'a, yujto tzyac' yuj diosal 'a Dios tzc'uxni. A pax mach matz c'uxn jun tzo'n̈ chi smasnil, 'ixta tzb'o'o, sec tzch'oxo, to 'ay yel'ch Cajlilec 'a 'a, yujto tzyac' pax yuj diosal 'a Dios yuj tas tzc'ux cha.

1 Co 10:31

Palta tzwal't 'ayex, wach'xam tzon̈ wa'ec, mto tzcu'jec junc tas, tzann̈j cab' junc xo tas tzqui b'o'ec, yowlal caw wach' tzcutjec qui nab'en, sec wach' 'oj checljoc 'el swach'l Dios.

Dt 31:20

A yic 'oj lajwc wi'n 'och eb' 'anma tic 'a sat lum lum 'aj 'ix wac' in ti wa'n 'a eb' e mam eyicham, lum caw 'ay syaxil sat, caw 'oj wa eb' si'mb'il, 'oj b'ut'joc sc'ojl eb', ax sb'a'chb'i eb'. 'Oj lajwc cha, ax yoch tza'n eb' yuj jun tzo'n̈ comn dios, ax yi'n 'ejm sb'a eb' 'a 'a; an xo tic, 'oj in spatquilc can 'el eb', ax sjun 'el eb' in trato 'ix in b'o yet'oc.

Dt 8:9

A 'a jun lugar cha, may tas 'oj e na yuj tas tze c'uxu, may pax tas 'oj e na yuj junc xo tas. A 'a scal q'uen q'ue'en, ata 'oj 'ilchjoc q'uen hierro eyu'uj, ax 'a eb' lum jolmctac witz, ata 'oj eyic' 'elt q'uen cobre.

1 Ts 5:18

Caw tzlaj eya'n̈j yuj diosal 'a Dios, yaln̈ej tas tzjaw 'a eyib'an̈. 'Ixta tznib'j Dios tzqui b'o'ec, yujto yic on̈c xo Cristo Jesús.