Dt 7:9 - Chuj San Sebastian Bible

⁹ A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.

Chuj San Mateo Bible

⁹ Ojtaquejequeli to a Jehová co Diosal an̈ej val Dios. Tz'eln̈ejc'och tas syal d'a eb' xajanani, aton eb' sc'anab'ajan schecnab'il. Ayn̈ej och yed' eb' yed' d'a eb' yin̈tilal eb' yic ol b'eyn̈ejb'atoc.

Dt 7:9 Iomraidhean Croise

Gn 17:7

A jun in trato tzwac' et' tic, yet' smasnil pax eb' en̈tl 'a smasnil tiempo, to a Diosal in, sDiosal in pax eb' en̈tl cha.

Gn 28:15

'Aynn̈ej 'och et'oc, ax ach in tan̈wni pax 'a 'ajtil 'oj eq'ui, ax ach wi'n meltzjoc 'a lum lum tic jun 'ejm xo. May wal b'a'n̈ 'oj ach wactcani. 'Oj in yicl 'icha xwutj wa'n in ti 'ayach, xchi Dios 'a swaych Jacob cha.

Gn 9:15

A yic cha, ax in nan cot in trato 'ix wa'cn eyet'oc, yet' pax 'a no noc'. Yuj cha, man̈x 'a owl yaxn̈ab' 'oj e satn 'eli.

A Ch'an̈ B'ab'el Libro Yic Yab'ixal Eb' Rey 8:23

xyaln 'ixtic: Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a mach tzyiclni yet' smasnil sc'ojl 'a tas tzala.

1 Cr 16:15

Wach'xam til wal smacquixtacl 'anma tz'ec' 'a sat lum lum tic, palta nann̈ej strato yu'uj.

2 Cr 6:14

'ix yaln 'ixtic: —Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a eb' tzyiclni yet' smasnil sc'ojl 'a tas tzala.

Nehemías 1:5

Xwaln 'a 'ixtic: Tzin tew 'aych Mamin Jehová, Dios ach, ach 'ay ec satcha'an̈, caw 'ay ep, niwn el'chi, smoj tzxiw eb' 'anma 'ayach, tzac' 'el'choc a trato, caw tz'o'ch a c'ojl 'a eb' tzach chamc'ojlani, eb' tzyiclni a checnb'il.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Salmos 103:18

'ayc' 'a yib'n̈ eb' tzyiclni strato, atn eb' matz yac' sat sc'ojl 'a schecnb'il.

Salmos 105:8

Wach'xam til wal smacn̈il eb' 'anma tz'ec' 'a sat lum lum tic, palta nann̈ej strato yu'uj.

Salmos 119:75

Wojc wal si'mb'il, to a jun tzo'n̈ a ley tic caw tojl eb', yujto 'ay wal yel'chi, yuj cha, tzin a'n 'och 'a in yailal.

Salmos 146:6

A b'ojnac satcha'an̈, lum lu'um, a mar yet' smasnil tas 'ay 'a junjn c'aj. Caw wal tzyac' 'el'choc tas tzyala.

Salmos 36:6

Caw wal tojl a nab'en, lajn wal 'icha lum niwc witz, ax a b'eyc'ojlal, lajn yaj 'icha a mar caw xab' yich. Ach tza tan̈wj eb' 'anma', yet' pax no noc'.

Ex 20:6

Ax pax eb' tzin chamc'ojlani, eb' tzyiclni in checnb'il, 'oj in chamc'ojloc eb' yet' yin̈tl b'aq'uin̈.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Jeremías 32:18

Ach tic, tza ch'ox a chamc'ojlal 'a jantcn̈ej smacquixtacl eb' 'anma tz'ec' 'a yolyib'n̈q'uinl tic, palta an̈jtona', tza'ch pax yailal 'a yib'n̈ eb' 'anma yuj smul smam yichm eb' tz'ochi. Ach tic Dios ach, caw wal niwquilch yet' a poder. Jehová tztac' oj smasnil, 'ixtnta ton wal yalx a b'i.

Lm 3:23

'A junjn sq'uin̈b'ial, tzquilnec to tz'o'ch sc'ojl 'ayn̈ec.

Dn 9:4

In leslwi wal 'a Jehová in Diosal, xwaln in b'a 'a 'ixtic: Ach Wajlil, in Diosal ach, caw niwn el'chi, 'ay 'a poder. Tzac' 'el'choc tas aljnac cani, caw tza chamc'ojlej eb' tzach chamc'ojlani, atn eb' tzyiclni a checnb'il.

Nm 14:18

chajtlto man̈ comnoc tzcot yowl a c'ojl muc'uc. Caw 'ay a chamc'ojlal yet' a niwnc'ojlal 'a yib'n̈ eb' maysch'olnil tzyutj sb'a, mto eb' tenmtac. Wach'xam matz ac' syailal eb' 'ay smul chi muc'uc, palta a smul eb' mamb'il cha, yowlal tzjaw to syailal 'a yib'n̈ eb' 'unnab'il, eb' 'ichicnab'il, eb' schab'il mto eb' yoxl 'ichicnab'il.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

1 Co 1:9

A Dios tz'a'n 'el'choc jantcn̈ej tas tzyala. A 'on̈ 'awtnec 'och yico'oc, sec 'ay calnec quic yet' Yunnal, atn Cajlil Jesucristo.

1 Co 10:3

Smasnil eb' wajnac jun 'icha wal 'ac'b'il yuj Dios 'a eb' 'a 'esal.

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

2 Co 1:18

Tzyil Dios, may jun 'ejmoc tzcal 'ixtc 'ayx on̈: Inye ¿tom xqui chi 'on̈? Tzcaln pax on̈, to ma'ay.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Dt 4:35

'Ix sch'ox quil jun tzo'n cha, sec tzcojquejec 'eli to may junc xo Dios, palta cojn ton Jehová.

Dt 4:39

Yuj cha, can cab' 'a e nab'en to cojn Jehová Dios, sDiosal satcha'an̈ yet' 'a sat lum tic, may junc xo.

Dt 5:10

Ax pax eb' tzin chamc'ojlani, eb' tzyiclni in checnb'il, 'oj in chamc'ojloc eb', yet' 'a yin̈tl eb' b'aq'uin̈.

1 Ts 5:24

A jun si'jnacn̈ec 'eli, caw tz'el'chn̈ej tas tzyala. A 'oj 'a'n 'el'choc jun tzo'n̈ tic smasnil.

2 Ts 3:3

Palta a Cajlilec, caw tz'el'chn̈ej tas tzyala. A tz'a'n e te'nal. Tzex scoln pax 'el 'a win syajlil maysch'olnil.

2 Ti 2:13

Toto 'ayn̈ matz cac' 'el'choc tas 'icha tzcala, palta ax jun cha, caw tzyac' 'el'choc tas tzyala. Yujto matz tac' sjeln snab'en 'a tas tzyala.

Tito 1:2

'Ixta tzwutj in b'a, sec tzya'ch eb' 'anma yipc sc'ojol, to 'oj qui cha qui q'uinl 'a jun 'ejmn̈ej. A Dios, may 'aj tzyac' 'es jun 'ejmoc. A yic mantzac sb'o yolyib'n̈q'uinl tic, ya'jnac can sti', to 'oj yac' qui q'uinal.

A Ch'an̈ Carta D'a Eb' Hebreo 10:23

Caw te'n tzcutjec ca'n 'och yipc qui c'ojl jun 'aj tzcalc qui b'a. Man̈ chab'c'ojlalc tzcutjec qui b'a. Yujto a Dios, caw 'oj yac' 'el'choc jun 'aj ya'jnac sti 'ayn̈ec.

A Ch'an̈ Carta D'a Eb' Hebreo 11:11

Ax 'ix Sara, caw ya'jnac pax 'och 'ix Dios 'a sc'ojol. Yuj cha, wach'xam caw chichm xo 'ix si'mb'il, palta xyac' spoder 'a 'ix, sec tz'alj yune'. Yuj cha, 'ay jun yune 'ix x'alji, yujto ya'jnac 'och 'ix 'a sc'ojol, chajtlto a Dios ya'jnac sti 'a 'a, caw tz'el'ch tas tzyala.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

Jueces 2:1

'Ix 'at jun yángel Jehová 'a Gilgal, 'ix c'och 'a Boquim, xyaln 'a eb' israel 'ixtic: An ex wij 'elt 'a Egipto, xlajw cha, ex wi'n cot 'a jun lum tic. Atn lum wa'jnac can in ti wa'n 'a eb' e mam eyicham, yic waln can 'a eb' 'ixtic: May b'a'n̈ 'oj in satl jun trato xwac' eyet' tic,

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.