Dt 7:2 - Chuj San Sebastian Bible

² A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

Chuj San Mateo Bible

² Ayic ol yac'anoch juntzan̈ nación chi' Jehová d'a yol e c'ab', ol e satel eb' smasanil, man̈ e b'o e trato yed' eb', mocab' oc' e c'ol d'a eb'.

Dt 7:2 Iomraidhean Croise

Gn 14:20

Alx cab' wach' paxti 'a Dios to Cojxn Niwn Yel'chi, a 'ix colwj et'oc, yuj cha, xa'n ganar eb' 'ajc'ojl yajch 'ayach, xchi 'a Abram cha. Xlajw cha, 'ix yi'n 'el Abram junjn 'a junjn lajn̈e 'a smasnil tastc 'ix 'at yi'cn 'ec' 'a eb' rey cha, 'ix ya'n 'a Melquisedec.

A Ch'an̈ Schab'l Libro Samuel 21:2

Yuj cha, 'ix yawtn cot rey David eb' gabaonita, yic tzpaxtin yet' eb'. (A eb' gabaonita cha, man̈ israeloc eb', palta to amorreo eb'. 'Aycn eb' 'a scal eb' israel cha, atn 'a eb' 'aj ya'jnac eb' israel sti 'a pecti', to matz satl eb' yuj eb'. Palta a Saúl, 'ix ya'lj satn 'el eb', yuj swach'loc chon̈b' Israel yet' Judá yalni).

A Ch'an̈ B'ab'el Libro Yic Yab'ixal Eb' Rey 20:34

Xlajw cha, xyaln Ben-adad chi 'ixtic: —A jun tzo'n̈ chon̈b' yijnac 'ec' in mam 'a yol sc'ab' a mam, ticnec tzwa'x can meltzjoc eb' 'ayach, tztac' pax s'at eb' a chon̈wjum 'a Damasco, 'icha ya'jnac in mam 'a Samaria, xchi. —An xo pax tic, tzach wa'l 'a libre yuj jun trato tic, xchi Acab. 'Ixta xyutj eb' sb'on jun strato cha, xlajw cha, 'ix pax Ben-adad.

Esdras 10:3

A ticnec, tzqui b'o qui trato yet' qui Diosalec, to 'oj qui chec meltzjc eb' 'ix quistzil chi 'on̈, atn eb' 'ix chuc chon̈b'al yet' yune'. 'Oj qui yicljc tas tzal ach tic, yet' jun tzo'n̈ xo eb' tzxiw 'a schecnb'il Dios et'oc, ax qui b'on 'icha yaln sley.

Salmos 106:34

Ma'ix smil cham eb' jun tzo'n̈ eb' 'anma 'ix al to tzchami.

Ex 22:20

Toto 'ay mach tzyac' xajmb'al 'a tas tzalx 'och diosal, to man̈oc 'ayn an Jehová in tzyac'a, yowlal tzchami.

Nm 21:2

Yuj cha, xya'n eb' israel sti 'a Jehová, toto tzcolwj yet' eb' yic tzya'n eb' owl yet' jun nacion̈ cha, ax satn can 'el eb' jun tzo'n̈ chon̈b' chi 'a jun 'ejmn̈ej.

Nm 31:17

A ticnec, milc cham smasnil eb' winc 'unn tic, yet' smasnil eb' 'ix 'ix to c'umb'ilx winc yu'uj.

Nm 33:52

tze pechl smasnil eb' 'anma cajn 'a jun tzo'n̈ nacion̈ cha. Tze ma'n can poj smasnil yechl 'aj tzyal sb'a eb', atn eb' q'uen q'uen b'ob'il yuj eb', q'uen josb'il, yet' smasnil jun tzo'n̈ smacsej eb' 'ay 'a jolmctac witz, c'uxn tzema'cn juwoc.

Dt 13:9

A tzeyutej, to tze mil chamoc. Ax tze b'ab'l si'j chan̈ q'uen q'ue'en, tze juln chamoc, tzlajw cha, tzya'n eb' chon̈b' yic smasnil.

Dt 19:13

Man̈ 'o'ch e c'ojl 'a 'a, sec wach' 'ixta tz'aj yochwan chaml 'a yol e chon̈ab'. Toto 'ixta', caw wach' 'oj eyel'chi.

Dt 2:33

Ax Jehová qui Diosalec, a 'ix 'a'n win 'a yol qui c'ab'ec, sec tzqui satc 'el win yet' eb' yunnal yet' pax smasnil eb' schon̈ab'.

Dt 2:34

Smasnil lum chon̈b' 'ay 'a yol slugar win cha, 'ix laj can lum 'a yol qui c'ab'ec yuj qui satnec 'eli. 'Ix laj qui milnec eb' winac, eb' 'ix 'ix yet' eb' 'unin; man̈x 'a eb' xcan 'a spitznal cujec.

Dt 23:14

Yujto a Jehová qui Diosalec ajun eyet'oc, 'ayc' eyet' 'a e camplamento. A tzex tan̈wni, tzcolwj pax eyet'oc yic tzeya'n ganar eb' 'ajc'ojl yajch 'ayex. Yuj cha, a jun e camplamento cha, yowlal cab' sac yaji, sec may cab' tas tu yilx tzyil Dios 'a 'a, to ma'ay, 'ay smay tzyij 'el sb'a 'a e cal.

Dt 25:12

toto 'ixta tzb'o 'ix, tzu'x cab' 'el sc'ab' 'ix 'ix cha, man̈ 'o'ch e c'ojl 'a 'ix.

Dt 3:3

'Ixta wal xyutj Jehová qui Diosalec ya'n win Og 'a yol qui c'ab'ec yet' smasnil eb' soldado win cha. C'uxn 'ix qui milc can eb', man̈x 'a eb' xcan 'a spitznal cujec.

Dt 31:5

A 'oj 'a'nc 'och jun tzo'n̈ nacion̈ chi 'a yol e c'ab', ax e satn 'el eb', 'icha xwutj waln 'ayex.

Dt 33:27

A qui Diosalec 'ayc' 'a jun 'ejmn̈ej, a 'aych qui tan̈maloc. A spoder caw may b'a'n̈ 'ay slajub', a 'aych quet'ec. A 'oj pechnc 'el eb' 'ajc'ojl yajch 'ayn̈ec, a tzalni tzsatx 'el eb' 'ajc'ojl cha.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Dt 9:3

Yuj cha, yowlal tzeyojquej 'el ticnec, to a Jehová qui Diosalec, a 'oj b'ab'ljoc eyu'uj, 'icha wal junc c'ac' tzn̈uswji. A 'oj satnc 'el eb' 'anma chi 'a eyojltac. Ax xo tic, 'oj e pechl eb', ax e satn 'el eb' muc'uc, 'icha wal 'ix yutj Jehová yaln 'ayn̈ec.

Josué 10:28

A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Josué 10:30

'Ix 'ajx jun chon̈b' chi yet' sreyl 'a yol sc'ab' eb' soldado israel yuj Jehová. Man̈x 'a junc mach pitzn xcan 'a jun chon̈b' cha. 'Icha wal 'ajnc win sreyl Jericó yuj eb', 'ixta 'ix yutj eb' win sreyl Libna cha.

Josué 10:32

Ax 'a yewial sc'och eb' ta', 'ix 'ajx jun chon̈b' Laquis chi 'a yol sc'ab' eb' yuj Jehová. 'Icha xyutj eb' chon̈b' Libna, 'ixta xyutj eb' smiln cham eb' 'anma smasnil 'a jun chon̈b' cha, yet' pax smasnil no cajb'en noc'.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Josué 11:8

Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Josué 2:14

'Ix ta'w ewin 'a 'ix 'ixtic: —Toto may 'aj tzal-l jun tic, tzcac' qui ti o'oj, to a yic 'oj ya'noc Jehová quico'oc jun lum tic on̈, 'oj ach qui na coti, ax ach qui coln can 'el on̈, xchi ewinac.

Josué 21:44

A Jehová, xyac' 'el'choc smasnil tas 'aj ya'jnac can sti', xya'n can junc'ojlal 'a sat smasnil lum lum cha. Man̈x 'ic stac' ste'wtzan sb'a eb' 'ajc'ojl 'a eb' israel, yujto a Jehová, a x'a'n eb' 'anma chi 'a yol sc'ab' eb'.

Josué 8:24

Xlajw schamcn smasnil eb' 'aj Hai cha, atn eb' xpechn eb' israel cha, 'ix meltzj pax eb' israel 'a chon̈b' Hai. 'Ix swach' miln eb' smasnil eb' 'anma xcan 'a yol chon̈b' cha.

Josué 9:24

'Ix ta'w eb' 'a Josué 'ixtic: —'Ixta 'ix cutj qui b'a, yujto on̈ xiw 'ayex, lemb'il tzon̈ e mil chamoc, yujto xcab'i tas yaj yaln can Jehová e Diosal 'a jun schecab' atn Moisés, to a smasnil jun tzo'n̈ lugar tic, a tz'a'n eyico'oc, tze satn can 'el smasnil 'anma cajn 'a lu'um.

Josué 9:7

Ax eb' yajl yaj 'a eb' israel cha, 'ix ta'w eb' 'ixtc 'a eb' heveo cha: —Toq'ue a 'a qui la'nil tic on̈, ata cajn ex, ¿tas 'oj cutc qui comn b'on junc qui trato chi eyet' on̈? xchi eb'.

Jueces 1:24

Ax eb' 'ilm lum cha, 'ix yiln eb' yelt jun winc 'a sti chon̈b' cha, xyaln eb' 'ixtc 'a 'a: Tzon̈ tew 'ayach, ch'ox 'ayon̈ 'ajtil wach' coch 'a yol chon̈b' tic, may 'oj ach cutoc, xchi eb'.

Jueces 1:4

'Ix c'och eb' yin̈tl Judá yac' owl yet' eb' cananeo yet' pax eb' ferezeo; ax Jehová 'ix 'a'n eb' chuc chon̈b'al chi 'a yol sc'ab' eb'. Yuj cha, a 'a Bezec ata xcham lajn̈e mil eb' 'anma chi yuj eb', ajun pax win Adoni-bezec yet' eb' x'a'n cob' owl cha.

Jueces 2:2

toto may b'a'n̈ tze b'o junc e trato yet' eb' 'anma cajn 'a jun lum tic. A eyico', to tze satl jun tzo'n̈ yet'l xajmb'al eb', xin chi 'a eb'. Palta ax tic, ma'ix eyiclj tas xwala. ¿Tas yuj tennmtac xe yutj e b'a?