Dt 7:18 - Chuj San Sebastian Bible

¹⁸ Palta man̈ ex xiwoc; tze na coti tas yutjnac Jehová win sreyl Egipto yet' eb' 'anma cha.

Chuj San Mateo Bible

¹⁸ Palta man̈ ex xiv d'a eb' anima chi'. Naeccoti tas yutejnac eb' anima Jehová d'a Egipto yed' sreyal.

Dt 7:18 Iomraidhean Croise

Salmos 105:5

An̈ yin̈tl on̈ can Abraham win schecb' Dios, yet' Jacob, sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.

Salmos 77:11

'Oj in na cot jun tzo'n̈ tas satjub'tac yilx b'ob'il yuj Jehová 'a yictax pecti';

Salmos 77:12

'oj in na cot smasnil tas b'ob'il yuj yet' spoder.

Salmos 78:11

Xyac' eb' sat sc'ojl 'a tas b'ob'il yu'uj, yet' 'a tas satjub'tac yilx sch'ox yil eb'.

Nm 21:34

Yuj cha, 'ix yaln Jehová 'ixtc 'a Moisés: Man̈ ex xiwoc, an 'oj wac' jun rey tic 'a yol e c'ab', yet' eb' soldado yet' pax snacion̈ tic. 'Icha wal xeyutj win Sehón sreyl eb' amorreo 'a lum Hesbón, 'ixta tzeyutj win Og tic, xchi.

Dt 1:21

A Jehová qui Diosalec, a tz'a'n lum 'ayn̈ec. A ticnec 'ochn̈ec 'a sat lu'um, 'ijec 'ec' lum 'icha 'ix yutj Jehová yalni, atn qui Diosalec yet' eb' qui mam quichmec. Man̈ ex xiwoc, may cab' mach tzchab'c'ojlej sb'a, xin chi 'ayex.

Dt 1:29

Yuj cha, xwaln 'ayx 'ixtic: Man̈ e comn xib'tc e b'a yuj jun tzo'n̈ cha.

Dt 1:30

A Jehová qui Diosalec, a 'oj b'ab'ljoc cujec, a 'oj 'a'noc owl cujec, 'icha wal cutjnaquec quiln tas 'ix sb'o 'a Egipto,

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Dt 3:6

'Ix qui satc 'el eb' 'icha 'ix cutjec win Sihón, atn win sreyl Hesbón. Xqui milc cham eb' winac, eb' 'ix 'ix, yet' pax smasnil eb' 'unin.

Dt 31:5

A 'oj 'a'nc 'och jun tzo'n̈ nacion̈ chi 'a yol e c'ab', ax e satn 'el eb', 'icha xwutj waln 'ayex.

Dt 31:6

Caw te'n tzeyutj e b'a. Man̈ ex xiwoc. Man̈ e xib'tc e b'a yic 'oj e chanc e b'a yet' eb' 'ajc'ojl yajch 'ayx cha. Yujto a Jehová qui Diosalec, a 'aych eyet'oc, ma'oj ex yactc can e ch'ocoj, xchi Moisés cha.

Josué 8:1

'Ix yaln pax Jehová 'ixtc 'a Josué: Man̈ ach xiwoc, man̈ ach 'och 'il. 'Ij 'at smasnil eb' a soldado tic, tz'at a'nc owl 'a chon̈b' Hai. An 'oj wac' jun sreyl Hai chi 'a yol a c'ab', eb' 'anma', schon̈b' eb' yet' smasnil slum eb'.

Jueces 6:13

'Ix ta'w win Gedeón cha, xyaln 'ixtic: —'A'n niwnc'ojlal mamin, toto 'aych Jehová quet' on̈, ¿tas yuj tzjaw jun tzo'n̈ tic 'a quib'n̈ on̈? ¿'Ajtil 'ay jun tzo'n̈ milagro yaljnac can eb' qui mam quichm on̈, yic yaln eb' chajtlto a Jehová 'ix 'i'n 'elt eb' 'a Egipto? Palta ax ticnec, on̈ yactj can qui ch'ocj on̈, on̈ ya'n can 'och 'a yol sc'ab' eb' madianita, xchi.