Dt 6:4 - Chuj San Sebastian Bible

⁴ 'Ab'tec wal ex wit israelal, cojn Jehová qui Diosalec, may junc xo.

Chuj San Mateo Bible

⁴ Ex vetchon̈ab' Israel, ab'ec val: An̈ej Jehová co Diosal, malaj val junocxo.

Dt 6:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:21

Xlajw cha, 'ix snitzn 'at sb'a Elías 'a stz'ey eb' 'anma chi smasnil, 'ix yaln 'a eb' 'ixtic: —¿B'a'n̈ 'oj eyact sq'ue'i tz'ejm e nab'en? Toto a Jehová caw yel a Dios, cojn 'a tzeyac' 'ejm e b'a. Toto a pax Baal a dios pax jun, cojn cab' pax 'a tzeyac' 'ejm e b'a, xchi. Ax smasnil eb' 'anma cha, man̈xtoc 'ix nachj 'el yuj eb' tas xyutj eb' ya'n spac 'a 'a.

A Ch'an̈ Schab'il Libro Yic Yab'ixal Eb' Rey 19:5

A yic xyab'n Isaías tas 'ix yal eb' schecb' win rey Ezequías cha,

1 Cr 29:10

Yuj cha, 'ix yaln rey David wach' paxti 'a Jehová 'a sat smasnil eb' chon̈b' cha, 'ix yaln 'ixtic: Mamin Jehová, qui Diosal ach yet' qui mam 'ichm Israel on̈, alx cab' wach' paxti 'aych 'a smasnil tiempo.

2 Cr 17:9

'Ix checx 'at eb' tic yet' ch'an̈ libro yic sley Jehová, yic tz'at cuyxc eb' 'anma 'a smasnil chon̈b' 'a yol yic Judá cha.

Nehemías 9:6

Xlajw cha, xyaln pax eb' 'ixtic: Ach tic, cojxn̈ej ach Jehová ach. Ach a b'ojnac satchan̈ to satjub'tac yilxi, yet' smasnil c'anal; ach 'ix a b'o lum lu'um yet' pax a mar yet' smasnil tas 'ay 'a 'a. Ach ton wal tzac' sq'uinl smasnil tas. Yuj wal cha, tz'och eb' ángel 'emmquilal 'ayach.

Salmos 78:5

A Dios 'ix 'a'n can jun ley 'a eb' qui mam quichmec atn eb' yin̈tl Jacob. Xya'n can jun tzo'n̈ checnb'il chi 'ayn̈ an̈ Israel on̈c tic. 'Ix yaln can 'a eb' qui mam quichmec to tzon̈ scuyc can eb'. An̈ec xo 'oj qui cuyc can pax eb' cunnalec,

Salmos 86:10

Yujto cojn ach Dios ach; caw niwn el'chi, tza b'on tas caw satjub'tac yilxi.

Is 42:8

An tic Jehová in, atn in b'i tic. Ma'oj in cha alxoc wach' paxti 'a junc xo mach yuj tas in b'ojnac, ma'oj in cha 'ijxoc chan̈ jun tzo'n̈ yechl chi in jeloc.

Is 44:6

A Jehová Rey tztac' yuj smasnil, a tz'a'n 'el eb' israel 'a libre, a tzaln 'ixtic: An ton tic b'ab'l waj 'a smasnil, slajb' in paxi, cojn in ton Dios in, may junc xo.

Is 44:8

Man̈ex xiwoc, te'n tzeyutj e b'a, ax tic in testigo ex, to waljnac jun tic 'ayx 'a yictax pecti'. ¿Tom 'ay junc xo dios, mto 'ay junc xo colwjum? Cojxn In Toni, may junc xo mach wojtac, xchi Dios.

Zacarías 14:9

A 'a yic jun c'ul cha, cojxn̈ej Jehová 'oj yac' Yajlil 'a yib'n̈ smasnil yolyib'n̈q'uinal, cojxn̈ej ton Dios. A Dios, Jehová sb'i, cojxn̈ej 'oj b'inaxoc.

Mt 22:37

Yuj cha, xyaln Jesús 'ixtc 'a winac: —Chamc'ojlejc Cajlil qui Diosalec yet' smasnil e c'ojol, yet' smasnil e pixan yet' pax smasnil e nab'en.

Lc 10:27

Tzyal 'ixtic: —Chamc'ojlejc Cajlil qui Diosalec yet' smasnil e c'ojol, yet' smasnil e pixan, yet' smasnil eyip, yet' smasnil e nab'en. Tze chamc'ojlan pax eb' eyit 'anma'il, 'icha tzeyutj eya'iln e b'a junjn ex, xchi, xchi win 'a 'a.

Jn 10:30

An tic, caw lajn in yet' qui Mam Dios, yujto junn̈j 'anmal waj yet'oc, xchi Jesús 'a eb' 'aj Judea cha.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Ro 3:30

yujto junn̈j Dios 'ay. Tzann̈j 'anma'il, wach'xam israel, wach'xam ma'ay, cojn toto tzya'ch eb' sc'ojl 'a Jesús, wach' eb' 'a sat Dios.

Ef 4:6

An̈jtona', junn̈j Dios, atn qui Mamc qui masnil. A tzon̈ 'a'nec mandar qui masnil. A tzon̈ c'anlb'an junjn on̈ec. A 'aych 'ayn̈ec qui masnil.

Dt 4:39

Yuj cha, can cab' 'a e nab'en to cojn Jehová Dios, sDiosal satcha'an̈ yet' 'a sat lum tic, may junc xo.

Dt 5:6

An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.

1 Ti 2:5

Cojn jun Dios 'ay. An̈jtona', cojn jun mach tztac' ya'n 'och qui ti 'a 'a, atn Jesucristo, yujto a 'ochnc 'anma'il.

Santiago 2:19

'Ay eb' tz'a'n 'och 'a sc'ojol, to junn̈j Dios. Wach' ton cob' tzna eb'. Palta an̈jtona', 'ixta pax ewin demonio, tzya'ch cob' ewin 'a sc'ojol, palta caw tz'ib'x ewin yuj xiwlal.