Dt 6:21 - Chuj San Sebastian Bible

²¹ Tze pac 'a eb' 'ixtic: An̈ tic on̈, mosoaln̈ej cajch 'a win sreyl Egipto pecti', man̈ quico'oc qui b'a on̈. Ax Jehová on̈ 'i'n 'elt 'a jun lugar chi yet' spoder.

Chuj San Mateo Bible

²¹ Tzeyalan d'a eb' icha tic: A on̈ tic checab' caj d'a vin̈ sreyal Egipto d'a peca', axo Jehová ic'annac on̈ elta yed' jantac yipalil.

Dt 6:21 Iomraidhean Croise

Gn 19:16

A Lot tz'inni s'ati, ax chawn̈ ángel chi 'ix quetzn 'el eb', yujto tz'o'ch sc'ojl Jehová 'a eb'. Xyi'n 'at pax eb' 'ix yistzil Lot cha, yet' eb' yisl cha. 'Ixta 'ix 'aj yel eb' 'a yol chon̈b' cha.

Salmos 78:7

sec a Dios 'oj ya'ch eb' yipc sc'ojol. Ma'oj sat sc'ojl eb' 'a tas b'ob'il yuj Dios, yiclum 'oj yutc sb'a eb' 'a schecnb'il.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Ex 13:16

Yuj cha, 'icha yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun ley tic. A tz'a'n qui na coti, yic on̈ yi'n 'elt Jehová yet' spoder 'a yol yic Egipto, xqui chic 'a eb', xchi Moisés.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 3:19

Palta wojtac to ma'oj ex scha 'elt win sreyl Egipto cha, 'ac'b'il puralil, yet' cal owlal 'oj eyaj eyelta.

Is 51:1

A Jehová a 'ix aln eyuj 'ixtic: Ex tze nib'j b'ey e b'a 'a stojlal, ex to tze nib'j jawc e b'a 'ayin, macljec eyab' tas 'oj wala'. Tzcham wal e maclni eyila' 'aj cotnc eyin̈til, 'aj pax 'ay yin̈tl e mam eyicham.

Dt 15:15

Tze na coti, chajtlto on̈ 'e'c mosoal 'a Egipto, palta a Jehová qui Diosalec on̈ 'i'nec 'elt 'a libre. Yuj cha, tzwaln can eyab' jun tzo'n̈ checnb'il tic.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Dt 5:15

Tze na coti chajtlto 'e'nc ex mosoal 'a Egipto, 'aj to man̈ eyico'oc e b'a, palta an xo ex wij 'elt ta'. Xin ch'ox wal 'ilxoc in poder. Yuj cha, xwal 'ayex to yowlal tzeyiclj sc'ul 'iljelal.

Dt 5:6

An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.

Dt 6:20

Toto 'ay junc c'ual, 'oj sc'anb'c eb' eyunnal 'ayx 'ixtic: ¿Tas wal tzyal 'el'ch jun tzo'n̈ checnb'il tic, yet' ley 'ix ya'cn Jehová Dios 'ayn̈ec? toto xchi eb'.

Dt 6:22

An̈ tic on̈, 'ix quil wal jun tzo'n̈ niwc milagro caw satjub'tac yilxi, 'ix sch'ox Jehová yil win rey cha, yet' pax 'a smasnil eb' yit chon̈b' winac.