Dt 6:20 - Chuj San Sebastian Bible

²⁰ Toto 'ay junc c'ual, 'oj sc'anb'c eb' eyunnal 'ayx 'ixtic: ¿Tas wal tzyal 'el'ch jun tzo'n̈ checnb'il tic, yet' ley 'ix ya'cn Jehová Dios 'ayn̈ec? toto xchi eb'.

Chuj San Mateo Bible

²⁰ Tato sc'anb'ej eb' eyuninal d'a b'aq'uin̈: ¿Tas yuj sco c'anab'ajej juntzan̈ cachnab'il yed' checnab'il yalnac Jehová co Diosal? tato xchi eb'.

Dt 6:20 Iomraidhean Croise

Salmos 44:1

Ach qui Diosal on̈, 'ix cab' wal yet' qui chicn on̈, 'ix yaln pax eb' qui mam quichm 'ayn̈ on̈, yuj tas 'ix a b'o yet' eb' 'a yic pecti'.

Ex 10:2

'Oj eyal cot yab' eb' eyunnal yet' eb' eyiechicn jun tzo'n̈ tic, yujto an tzwac' jawc smasnil jun tzo'n̈ tic 'a yib'n̈ Egipto tic, atn tas to satjub'tac yilx tzin b'o'o. 'Ixta tzeyutj eyojcan 'eli, chajtlto an ton Jehová in, xchi Dios.

Ex 12:26

A yic 'oj sc'anb'noc eb' eyunnal 'ixtc 'ayex: ¿Tas tzch'ox jun q'uin̈ tic? 'oj schic eb'.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Ex 13:8

A 'a jun tiempoal cha, 'oj calc 'a eb' cunnal 'ixtic: A jun q'uin̈ tzqui nac cot tic, snanb'il cot tas 'ix yutj Jehová sch'oxn swach'c'ojlal 'ayon̈, yic on̈ yi'n 'elt 'a Egipto, 'oj qui chic 'a eb'.

Pr 22:6

Cuyc eb' 'unn 'a wach' b'eyb'al, sec ax yic 'oj 'och eb' 'ichm 'anma'il, ma'oj yi'l eb' snab'en 'a jun cuynb'il tic.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 6:19

A eb' 'ajc'ojl yajch 'ayex, 'oj 'at eb' 'elc yuj Jehová, 'icha yutjnac yaln cani.

Dt 6:21

Tze pac 'a eb' 'ixtic: An̈ tic on̈, mosoaln̈ej cajch 'a win sreyl Egipto pecti', man̈ quico'oc qui b'a on̈. Ax Jehová on̈ 'i'n 'elt 'a jun lugar chi yet' spoder.

Dt 6:7

'A junjn c'u, tze cuyn eb' eyunnal 'a jun tzo'n̈ paxti tic. Tzeyalb'tan̈j 'a yol eyatut, 'a yol b'e, 'a yic tzex waycn 'ejmi yet' pax 'a yic tzex q'uexwa'an.