Dt 6:13 - Chuj San Sebastian Bible

¹³ Cojn 'a Jehová Dios tzex xiwi, a tzeyac' servil. Cojn sb'i tze b'inej, yic tze ya'n junc e ti'.

Chuj San Mateo Bible

¹³ Ayocab' yelc'och Jehová co Diosal d'a yol e sat. An̈ejocab' Jehová chi' tzeyac' servil, an̈ejocab' sb'i tze loco' ayic tzeyac'an e ti' e c'ulan junoc tas.

Dt 6:13 Iomraidhean Croise

Gn 24:3

tza'n a ti 'a sat Jehová sDiosal satcha'an̈ yet' sat lum tic, to ma'oj a say yistzil ni wunnal Isaac 'a scal eb' 'ix yisl ewin 'aj Canaán 'aj cajn on̈ 'ec' tic.

A Ch'an̈ Schab'il Libro Yic Yab'ixal Eb' Rey 17:36

Palta a 'ayn Jehová e Diosal in, a 'ayn tzeyal e b'a, yujto an ex wij 'elt 'a Egipto yet' in niwquil poder. Cojxn̈ej 'ayn tzex 'och 'emmquilal, tzeya'n e xajmb'al.

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

Salmos 63:11

Palta an xo an reyn tic, 'oj wac' tzaljoc in c'ojl 'ayach. 'Oj b'itnc smasnil eb' tzb'inan a b'i 'a 'aj tzyac' eb' sti'. Ax eb' 'a'm 'es, sictac 'oj 'aj eb'.

Ex 20:7

An Jehová e Diosal in tic, man̈ e comn locc in b'i 'a nab'an̈ej, yujto 'oj wac' syailal eb' tzcomn locn in b'i.

Ex 23:25

Cojn 'ayn Jehová e Diosal in tic, an̈j 'ayn tzeyal e b'a. Toto 'ixta', 'oj wac' in yaxilal 'a yib'n̈ tas tze c'uxu, yet' 'a yib'n̈ tas tze yuq'uej. 'Oj wi'l smasnil yab'il 'a e cal.

Is 45:23

Mun tzin loc in b'i, yic tzwa'n in ti', to yel tas tzwala, ma'oj in jel in paxti'. 'Oj 'em cumn smasnil 'anma 'a wojltac, ax ya'n eb' sti 'ayn smasnil.

Is 48:1

A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.

Is 65:16

Tzann̈j mach 'a jun nacion̈ tic, to tznib'j tzchaj yaxilal, sc'an cab' 'ayn an Dios in 'a caw yel. Tzann̈j mach to tzyac' sti yuj junc tas, ya' cab' sti 'ayn an Dios in tic 'a yel. A smasnil yailal xlaj 'eq'ui, tox x'atcn 'a satc'ojlal wu'uj.

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Jeremías 5:2

'Ay cob' eb' tzin b'inan an Jehová in tic, palta tzin sb'inej eb' 'a ya'm 'esal, xchi.

Jeremías 5:7

Yuj cha, tzyaln Jehová 'ixtic: ¿Tas to wal 'oj wutc wa'n niwnc'ojlal 'ayex? A eb' eyunnal, caw in yactj can eb', tzb'inan eb' jun tzo'n̈ sdiosal to man̈ diosoc. 'Ix wac' b'ut'joc eb' si'mb'il, palta ma'ix syiclj eb' 'ayin. An̈ja sb'on eb' 'ajmulal, axn̈ej 'a yatut eb' 'ix 'ajmul 'ix tzlaj syam sb'a eb'.

Lv 19:12

An Jehová in an tzwala. Man̈ e loc in b'i 'a scal 'es paxti tzeyala. Toto 'ixta tzeyutej, man̈x 'a wel'ch 'a e sat.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Mt 5:33

'Ay 'aj xcab'c tas alb'il can 'a eb' qui mam quichmec pecti', 'a 'aj tzyal 'ixtic: Toto tze loc sb'i Cajlil, yic tzeya'n e ti', yowlal tzeyac' 'el'choc jun tzo'n̈ tas tzeyalcn cha, xchi.

Lc 4:8

Palta xyaln pax Jesús 'a winac: —[Ach Satanás, 'ij 'el a b'a 'a in tz'ey.] Tzyal 'ixtc 'a Ch'an̈ Un̈ tz'ib'b'il cani: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈ U'un̈, xchi Jesús 'a winac.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Dt 10:20

'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'.

Dt 13:4

Tza'nex cab'n̈ej yuj qui Diosalec, 'ijec chan̈ sb'i; yicljec smasnil schecnb'il, chajec eyab' tas tzyala, 'ochn̈ec 'emmquilal 'a 'a, sec junxn̈ej tzex can yet'oc.

Dt 13:5

Ax jun tzyalch sb'a schecb'oc Dios, mto waychnum cha, yowlal tzmilx chamoc, yujto a tz'a'n e c'ojloc yic tzeyi'n 'el e nab'en 'a Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal. A jun 'anma cha, tzmilx chamoc, sec tzsatl jun maysch'olnil chi 'a e cal, yujto tznib'j tzex yij 'el 'a sb'eyb'al Jehová 'ix yalcn 'ayex.

Dt 5:11

Man̈ comnoc tze loc in b'i 'a nab'an̈ej an Jehová e Diosal in tic, yujto 'oj wac' syailal eb' tzlocn in b'i 'a nab'an̈ej.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

Dt 6:2

Yic wach' 'oj e xiw 'a Jehová qui Diosalec, 'oj eyiclc smasnil schecnb'il, sley yet' smasnil scuynb'il yic 'ayx 'ec' 'a yolyib'n̈q'uinl tic yet' eyunnal, eyiechiquin, sec 'oj najtxb'oc e q'uinal.

Josué 2:12

Yuj cha, tzin tew 'och 'ayex, to tzeya'cn e ti 'ayn 'a sat Jehová, sec 'icha wal xwutj ex in colni, 'ixta pax tzeyutj e coln can 'el smasnil eb' wican. A ticnec b'i'an, toto tzeyac' 'el'choc tas wan waln tic, 'a'c junc senya 'ayin, sec wojtac to 'oj eyac' 'el'choc e ti cha.

Josué 23:7

Caw man̈ junc tzeyutj e b'a yet' eb' 'anma cajnto 'ec' 'a e cal ticnec. Man̈ eyac' 'emmquilal 'a sdiosal eb', man̈ eyiclc tas tzyal eb', man̈ e b'inoc pax sb'i jun tzo'n̈ comn dios cha, man̈ ex 'em cumn 'a yojltac.

Josué 24:14

—Ax ticnec jun, 'ay cab' e xiwc'ojlal 'a Jehová yuj smasnil jun tzo'n̈ tic. 'A'c servil yet' wal smasnil e c'ojol. 'Ijec 'el jun tzo'n̈ comn dios 'a e cal, atn jun tzo'n̈ ya'jnac servil eb' qui mam quichmec, jun tzo'n̈ 'ayc' 'a sc'axpil 'ec' a Eufrates, yet' 'a Egipto. Cojn cab' Jehová tzeyac' servil.

A Ch'an̈ B'ab'el Libro Samuel 20:3

'Ix yaln David 'ixtc 'a Jonatán: Caw wal yojc a mam cha, chajtlto caw wach' waj et'oc, yuj cha, matz yal ab'i', sec matz ach cus wu'uj. Palta tzyil Jehová chajtlto jab'xoj sjaw chaml 'a wib'an̈, xchi.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.