Dt 6:12 - Chuj San Sebastian Bible

¹² A yic 'oj 'el'choc jun cha, tzeyil wal e b'a, xeya't wal sat e c'ojl 'a Jehová, yujto a on̈ 'i'nec 'elt 'a Egipto 'a 'aj 'ayn̈ec 'och mosoal.

Chuj San Mateo Bible

¹² Ayic ol ujoc juntzan̈ chi', b'at ta val Jehová satc'olal eyuuj. Naeccoti to a Jehová chi' ex ic'anelta d'a Egipto, b'aj ayex och checab'oc.

Dt 6:12 Iomraidhean Croise

A Ch'an̈ Schab'il Libro Yic Yab'ixal Eb' Rey 17:36

Palta a 'ayn Jehová e Diosal in, a 'ayn tzeyal e b'a, yujto an ex wij 'elt 'a Egipto yet' in niwquil poder. Cojxn̈ej 'ayn tzex 'och 'emmquilal, tzeya'n e xajmb'al.

A Ch'an̈ Schab'il Libro Yic Yab'ixal Eb' Rey 17:38

Matz 'at cab' 'a satc'ojlal in trato in b'ojnac eyet'oc,

Job 8:13

'Icha jun tzo'n̈ c'ultc cha, 'ixta tz'aj eb' 'anma maysch'olnil tas tzb'o'o, atn eb' tzyac' sat sc'ojl 'a Dios; ax tas cob' 'aych yipc sc'ojl eb', 'oj lajwoc 'ejmi.

Salmos 103:2

Tzwal in wach' paxti 'a 'a, a swach'c'ojlal 'ayin, may b'a'n̈ 'oj 'at satc'ojlal wu'uj.

Salmos 44:17

Atn wal smasnil jun tzo'n̈ tic 'ix 'ec' 'a quib'n̈ on̈, wach'xam ma'ach cac' sat 'a qui c'ojl on̈. May pax 'ajtil to man̈ yiclumoc xcutj qui b'a 'a a trato on̈.

Salmos 59:11

Man̈ a mil cham eb', sec wach' ma'oj 'at satc'ojlal syailal eb' yuj eb' wit chon̈ab'. Mamin, pechcn 'at eb' yet' a poder, 'a'cn 'och eb' 'a 'emmquilal, in Colmal ton aji.

Salmos 78:7

sec a Dios 'oj ya'ch eb' yipc sc'ojol. Ma'oj sat sc'ojl eb' 'a tas b'ob'il yuj Dios, yiclum 'oj yutc sb'a eb' 'a schecnb'il.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 6:6

A ticnec jun, 'at al 'a eb' et israelal cha, to an Jehová in, an tzwal 'ixtic: 'Oj ex in col-l 'a 'aj 'ayx 'och mosoal tic, 'aj 'oltac tzex 'aj yuj munljel. 'Oj in ch'ox in poder 'a eb' 'aj Egipto tic, to 'oj wa'ch niwc yailal 'a yib'n̈ eb'. 'Ixta 'oj ex wutc ex in coln 'el 'a yol sc'ab' jun chon̈b' tic.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Jeremías 34:13

An Jehová in, e Diosal in, in b'ojnac jun in trato yet' eb' e mam eyicham, yic 'ix wi'n 'elt eb' 'a Egipto, atn 'a 'aj 'aych eb' mosoal, 'aj man̈ yico'oc sb'a eb'. A yic cha, 'ix wala,

Os 2:13

An Jehová in, an tzwala: To 'oj wa'ch yailal 'a yib'an̈, yujto niwn tiempo sb'achch incienso 'a yojltac jun tzo'n̈ yechl comn dios Baal. Xlaj sb'onc sb'a 'icha tzyac' junc 'ix tzya'ch syumchiquin, ston̈, tz'och tza'n yuj eb' winc nib'b'il yu'uj, tzya'n sat sc'ojl 'a yichmil, 'ixta in yutj chon̈b' Israel.

Nm 15:39

sec ax yic 'oj eyilnc 'och yelwnub'l e pichl cha, ax e nan cot smasnil jun tzo'n̈ checnb'il xwalcn 'ayex. Tze b'eylb'ej, sec wach' man̈toc comnxoj tzex yijcan 'at e tu nab'enal, mto e nib'b'en 'a maysch'olnil, yujto a jun tzo'n̈ chi tzex jun 'eli.

Dt 32:18

Ex wit israelal, 'oj eyac' sat e c'ojl 'a qui Mam, atn jun qui Colmalec yaji. 'Oj eyac' sat e c'ojl 'a Jehová qui Diosalec 'ix 'a'n qui q'uinlec.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 8:10

Wach' 'oj e wa ta'. 'Oj e b'ut'j si'mb'il, palta yowlal tzeyac' yuj diosal 'a Jehová qui Diosalec, yujto wach' jun lum chi tzyac' eyico'oc.

A Scarta San Pablo D'a Eb' Aj Colosas 2:8

Tzeyil wal e b'a. Man̈ e cha juwc 'el e nab'en yuj jun tzo'n̈ eb' jeln tzyutj yaln yico'. Caw jeln eb' ya'n 'es, palta may jac yel'ch tas tzyal eb' cha, yujto man̈oc 'a Cristo tzcot jun yic eb' cha. An̈j sb'eyb'al yic smam yichm eb' tzyala, yet' jun tzo'n̈ xo cuynb'il yic yolyib'n̈q'uinl tic.

Jueces 2:12

'Ix yij 'el sb'a eb' 'a stz'ey Jehová, atn sDiosal eb' smam yichm eb', jun 'ijnac 'elt eb' 'a lum Egipto. 'Ix ya'n 'ejm sb'a eb' 'a jun tzo'n̈ scomn diosal eb' cajn 'a stz'ey eb' cha, caw stzuntzj cot eb' yowl sc'ojl Jehová,