Dt 5:31 - Chuj San Sebastian Bible

³¹ Palta ach xo tic, tzach can wet' 'a tic, yujto 'oj wal smasnil in checnb'il 'ayach, in ley yet' cuynb'il 'oj ac' scuy eb', sec a chi 'oj sb'eylb'oc eb' 'a sat lum lum 'oj wac' yico'oc eb' cha, xchi Dios 'ayin.

Chuj San Mateo Bible

³¹ A achxo tic, canan̈ ved' d'a tic, yujto ol val masanil in checnab'il d'ayach yed' in c'ayb'ub'al, ol a c'ayb'an eb' d'ay, yic vach' ol sb'eyb'alej eb' b'aj ay lum luum ol vac' chi' d'a eb', xchi Jehová chi' d'ayin.

Dt 5:31 Iomraidhean Croise

A Ch'an̈ Schab'il Libro Yic Yab'ixal Eb' Rey 17:37

An̈jtona', tzeyiclj pax smasnil in checnb'il, in ley, in cuynb'il to tz'ib'b'il can wuj 'ayex; palta man̈ eyal e b'a 'a jun tzo'n̈ comn dios.

Ex 24:12

'Ix yaln pax Jehová 'a Moisés chi 'ixtic: —Q'uen̈ta 'a sjolm lum witz 'a 'aj 'ayn 'ec' tic, tzach jaw 'a in tz'ey, yujto 'oj wac' chapachn̈ q'uen q'uen 'ayach, 'a 'aj tz'ib'b'il 'och jun tzo'n̈ in checnb'il wu'uj, yic tz'och e cuynb'iloc, xchi Dios.

Ex 24:18

'Ix 'at Moisés 'a scal jun 'asn cha, masnto xq'ue'ch 'a sjolm lum witz cha, ata 'ix can chawinc c'u, yet' chawinc 'ac'wal.

Ez 20:11

'Ix wa'n yojcoc 'el eb' in ley yet' in checnb'il 'a jun lugar cha. A eb' tzb'eylb'ani mto tzyiclni, 'ay sq'uinl eb' yu'uj.

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Gl 3:19

Palta ¿tas yopiso jun ley chi tze na'a? 'Ac'b'il jun ley cha, sec tzcheclj 'el smul junjn 'anma'. 'Ayn̈j yopiso jun ley cha, masnto jawnac jun yin̈tl Abraham, atn jun 'aj ya'jnac can Dios sti'. Ax eb' ángel aljnac jun ley chi 'a Moisés, yujto a ya'jnac sb'a yuj eb' 'anma 'a Dios.

Dt 11:1

Xyaln pax Moisés 'ixtic: Chamc'ojlejec Jehová qui Diosalec, yicljec smasnil tas tzyac' qui b'o'ec, atn sley, scuynb'il yet' schecnb'il 'a smasnil tiempo.

Dt 12:1

'Ix yaln pax Moisés 'ixtic: Atn wal jun tzo'n̈ ley yet' cuynb'il tic, to yowlal 'oj e b'eylb'oc 'a smasnil tiempo, yic 'ayx xo 'ec' 'a sat lum lum 'oj yac' Jehová 'ayex, atn jun qui Diosalec yet' eb' qui mam quichmec cha.

Dt 3:18

A 'a jun tiempoal cha, ata xwalcn jun tzo'n̈ checnb'il tic 'a eb' yin̈tl Rubén, 'a eb' yin̈tl Gad, yet' 'a spacl eb' yin̈tl Manasés. 'Ix waln 'a eb' 'ixtic: A Jehová qui Diosalec, a tz'a'n jun lugar tic eyico'oc. Jantcn̈ej ex to tztac' eya'n owal, 'ijec eyamc'ab' yic owl cha, tzlajw cha, tzex b'ab'lj yuj eb' quit israelal tic.

Dt 4:1

'Ix yaln pax Moisés 'ixtc 'a eb' yit israelal cha: A ticnec ex wit chon̈ab', chajec eyab' jun tzo'n̈ ley yet' jun tzo'n̈ checnb'il tzwac' 'ayx tic, sec 'oj e b'eylb'oc, ax eyiclni yic 'oj e c'och cajn 'a sat lum lum 'oj yac' Jehová 'ayex, atn qui Diosalec yet' eb' qui mam quichmec.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.

Dt 5:1

'Ix ya'n Moisés syam sb'a eb' yit chon̈b' smasnil. 'Ix yaln 'a eb' 'ixtic: Ex wit chon̈ab', 'ab'tec wal jun tzo'n̈ checnb'il yet' jun tzo'n̈ cuynb'il tzwalcn eyab'i'. Yowlal to 'oj e cuyu', ax e b'eylb'ani.

Dt 5:30

A ticnec, al 'a eb' to tzpax eb' 'a 'aj 'ay smantiado.

Dt 6:1

'Ix yaln pax Moisés 'ixtic: Atn wal jun tzo'n̈ checnb'il tic, ley yet' cuynb'il tzyac' Jehová qui Diosalec wal 'ayex, sec a jun tzo'n̈ tic 'oj e b'eylb'oc 'a sat lum lum 'oj eyico'oc cha.