Dt 5:3 - Chuj San Sebastian Bible

³ Man̈ cojnoc yet' eb' qui mam quichmec sb'o jun strato tic, palta 'ix sb'o pax quet'ec an̈ec yamnon̈c tic.

Chuj San Mateo Bible

³ Man̈ocn̈ej yed' eb' co mam quicham yac'nac strato chi', palta yac'nacpax qued'oc co masanil a on̈ molan on̈ ec' tic.

Dt 5:3 Iomraidhean Croise

Gn 17:21

A pax in trato 'ix wac' eyet'oc, 'oj 'el'choc yet' win Isaac, win onnal 'oj 'aljoc 'a 'ix Sara yab'n 'ixtc junab', xchi 'a Abraham.

Gn 17:7

A jun in trato tzwac' et' tic, yet' smasnil pax eb' en̈tl 'a smasnil tiempo, to a Diosal in, sDiosal in pax eb' en̈tl cha.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 34:13

An Jehová in, e Diosal in, in b'ojnac jun in trato yet' eb' e mam eyicham, yic 'ix wi'n 'elt eb' 'a Egipto, atn 'a 'aj 'aych eb' mosoal, 'aj man̈ yico'oc sb'a eb'. A yic cha, 'ix wala,

Mt 13:17

Wal yel tzwal 'ayex, til wal eb' schecb' Dios pecti', yet' jun tzo'n̈ xo eb' caw tojl sb'eyb'al, snib'jnac eb' yil jun tzeyil tic, palta ma'ix yil eb'. Snib'jnac pax eb' yab' jun tzo'n̈ tzeyab' tic, palta ma'ix yab' eb'.

Dt 29:1

Atn jun tzo'n̈ paxti tic xyac' Jehová yal Moisés 'a eb' yit chon̈ab', yic 'ayc' eb' 'a yol smacb'en lum Moab; atn strato Dios chi sb'ojnac yet' eb' israel yic 'ayc' eb' 'a yich witz Sinaí.

Dt 29:9

Yuj cha, caw tzeyiclj jun strato tic, tze b'eylb'ani, sec wach' 'oj 'aj 'el'ch smasnil tas 'oj e b'o'.