Dt 4:44 - Chuj San Sebastian Bible

^44-48 'Elnctax eb' israel a Egipto, ax yic 'ayc' eb' 'a stojlal 'aj tzq'uel c'u 'a sc'axpil a Jordán 'a sla'nil chon̈b' Bet-peor, ata xya' Moisés jun tzo'n̈ checnb'il yet' cuynb'il tic 'a eb'. A jun lugar 'aj 'ay scamplamento eb' yic can win Sihón 'aj Hesbon, palta 'ix 'em win yuj Moisés yet' eb' israel. 'Ix 'em pax win Og 'aj Basán yuj eb'. 'Ix yica'an eb' slum eb' cha. A eb' chawn̈ rey tic ya'jnac eb' yajlil 'a lum lum 'ay 'a stojlal 'aj tzq'uel c'u 'a a Jordán. Tzcotn̈j lum 'a chon̈b' Aroer 'ay 'a span̈nil sti a Arnón, masnto tzc'och 'a jolm witz Sirión, an̈jtona Hermón sb'i lum witz chi yuj eb'.

Chuj San Mateo Bible

^44-45 (Aton val juntzan̈ checnab'il tic ix yal vin̈aj Moisés d'a eb' yetchon̈ab'. A jantac c'ayb'ub'al, cachnab'il yed' checnab'il tic ix yal vin̈ d'a eb' atax yelnaccot eb' d'a Egipto.

Dt 4:44 Iomraidhean Croise

A Ch'an̈ Schab'il Libro Yic Yab'ixal Eb' Rey 17:37

An̈jtona', tzeyiclj pax smasnil in checnb'il, in ley, in cuynb'il to tz'ib'b'il can wuj 'ayex; palta man̈ eyal e b'a 'a jun tzo'n̈ comn dios.

Lv 27:34

Atn jun tzo'n̈ checnb'il tic 'ix yac' Jehová 'a Moisés, yic 'ayc' 'a lum jolm witz Sinaí, sec tz'och scuynb'ilc chon̈b' Israel.

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Nm 36:13

Atn jun tzo'n̈ ley yet' checnb'il tic 'ix yac' Jehová 'a Moisés, sec tzb'eylb'ej eb' israel. 'Ix alx 'a eb' yic 'ayc' eb' 'a lum ya'lical Moab, 'a sti a Jordán 'a yojltac Jericó.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Dt 1:5

A yic 'ayc' eb' 'a lum pan̈n 'a stojlal 'aj tzq'uel c'u 'a sla'nil xo a Jordán, 'a yol smacb'en lum Moab, ata 'ix yac' Moisés scuynb'il eb' yit chon̈b' cha, 'ix yaln 'a eb' 'ixtic:

Dt 27:26

Catb'tzaxc cab' eb' to matz yiclni jun tzo'n̈ checnb'il tic, yet' pax eb' matz b'eylb'ani, xchi eb' levita. 'Ixta cab' tz'aji, 'oj xchic eb' chon̈ab'.

Dt 27:3

Tzlajw cha, tze tz'ib'n can 'och jun tzo'n̈ cuynb'il tzwalcn 'ayx tic 'a eb' q'ue'en. Tze b'o jun tic, yic tzex 'och 'a sat lum lum caw yax sat, lum 'oj yac' Jehová qui Diosalec yet' eb' qui mam quichmec eyico'oc, 'icha yutjnac yaln can 'a eb'.

Dt 27:8

Ax 'a eb' q'uen q'uen cha, ata wach' tzeyutj e tz'ib'n can 'och jun tzo'n̈ cuynb'il tzwalcn 'ayx tic, xchi Moisés.

Dt 33:4

A jun ley 'ix wa'cn tic, 'icha to smacl eb' yin̈tl Jacob yaji.

Dt 4:43

A jun tzo'n̈ chon̈b' cha, atn eb' tic: chon̈b' Beser, 'a span̈nil lum cusltac lum 'a 'aj xcan eb' yin̈tl Rubén; chon̈b' Ramot, 'a yol yic Galaad, 'a lum 'aj xcan eb' yin̈tl Gad; yet' pax chon̈b' Golán, 'a yol yic Basán, 'a lum 'aj xcan spacl eb' yin̈tl Manasés.

Josué 12:1

'Ay chawn̈ eb' rey 'emnc yuj eb' israel 'a lum lum 'ay 'a stojlal 'aj tzq'uel c'u, 'a sc'axpil 'ec' a Jordán. A smasnil lum lum xyij can 'ec' eb' cha, tz'atn̈j lum 'a a a tzcuch Arnón, masnto 'a lum jolm witz Hermón, yet' smasnil lum span̈nil sti a Jordán, 'a stojlal 'aj tzq'uel c'u.