Dt 4:43 - Chuj San Sebastian Bible

⁴³ A jun tzo'n̈ chon̈b' cha, atn eb' tic: chon̈b' Beser, 'a span̈nil lum cusltac lum 'a 'aj xcan eb' yin̈tl Rubén; chon̈b' Ramot, 'a yol yic Galaad, 'a lum 'aj xcan eb' yin̈tl Gad; yet' pax chon̈b' Golán, 'a yol yic Basán, 'a lum 'aj xcan spacl eb' yin̈tl Manasés.

Chuj San Mateo Bible

⁴³ A juntzan̈ chon̈ab' chi', aton Beser d'a yac'lical tz'inan luum macb'il yuj eb' yin̈tilalcan Rubén, Ramot d'a yol yic Galaad, macb'il yuj eb' yin̈tilalcan Gad. Axo junxo, aton Golán, ay d'a yol yic Basán, macb'il yuj eb' yin̈tilalcan Manasés.

Dt 4:43 Iomraidhean Croise

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

1 Cr 6:63

Ax pax 'a eb' yin̈tl Merari, a tzyal jantc sb'isl eb', ata 'ix 'ajx lajchwe chon̈b' 'a suerteal 'a eb', 'a yol yic eb' yin̈tl Rubén, Gad yet' Zabulón.

1 Cr 6:66

'Ay jun tzo'n̈ eb' yin̈tl Coat, 'ix 'i'n jun tzo'n̈ chon̈b' 'ay 'a yol yic eb' yin̈tl Efraín, yet' ya'lical 'aj tzwa scajb'en noc' eb'.

1 Cr 6:71

Ax 'a eb' yin̈tl Gersón, a tzyal jantc sb'isl eb', ata 'ix 'ajx chon̈b' Golán 'ay 'a yol yic Basán, yet' chon̈b' Astarot yet' ya'lical junjn chon̈b' 'aj tzwa scajb'en noc' eb'. A chab' chon̈b' cha, ata 'ay 'a yol yic spacl eb' yin̈tl Manasés.

1 Cr 6:80

Ax 'a yol yic eb' yin̈tl Gad, 'ix 'ajx chon̈b' Ramot 'ay 'a yol yic Galaad 'a eb', yet' Mahanaim, Hesbón yet' Jazer, yet' ya'lical junjn chon̈b' 'aj tzwa scajb'en noc' eb'.

Dt 4:42

sec toto 'ay junc mach tzmil junc yit 'anma'il, toto man̈ sc'anc sc'ojl tzmil junc cha, may pax yowl yet'oc. A jun tzmilwj cha, tztac' tz'at scol sb'a 'a junc eb' chon̈b' cha, sec tzcolchji.

Dt 4:44

'Elnctax eb' israel a Egipto, ax yic 'ayc' eb' 'a stojlal 'aj tzq'uel c'u 'a sc'axpil a Jordán 'a sla'nil chon̈b' Bet-peor, ata xya' Moisés jun tzo'n̈ checnb'il yet' cuynb'il tic 'a eb'. A jun lugar 'aj 'ay scamplamento eb' yic can win Sihón 'aj Hesbon, palta 'ix 'em win yuj Moisés yet' eb' israel. 'Ix 'em pax win Og 'aj Basán yuj eb'. 'Ix yica'an eb' slum eb' cha. A eb' chawn̈ rey tic ya'jnac eb' yajlil 'a lum lum 'ay 'a stojlal 'aj tzq'uel c'u 'a a Jordán. Tzcotn̈j lum 'a chon̈b' Aroer 'ay 'a span̈nil sti a Arnón, masnto tzc'och 'a jolm witz Sirión, an̈jtona Hermón sb'i lum witz chi yuj eb'.

Josué 20:8

Ax 'a junx sc'axpil 'ec' a Jordán, 'a stojlal 'aj tzq'uel c'u 'a Jericó, ata si'l eb' 'oxe xo chon̈b' tic: Béser 'ay 'a lum span̈nil yic cusltac lu'um, 'a yol yic eb' yin̈tl Rubén. Ramot 'a yic Galaad, 'a yol smacb'en eb' yin̈tl Gad. Golán 'a yol yic Basán, 'a yol smacb'en eb' yin̈tl Manasés.

Josué 21:27

Ax 'a eb' yin̈tl Gersón, win yunnal Leví, a 'a eb' x'ajx 'oxlajn̈e chon̈b' yet' swalab' no cajb'en noc' 'a junjn chon̈b' cha. 'A yol smacb'en spacl xo eb' yin̈tl Manasés ata x'elt chab' xo chon̈b' cha: Atn Golán, 'ay 'a yol yic Basán, 'aj tzcol sb'a eb' tzmiln junc 'anma', yet' chon̈b' Beestera. Ax 'a yol smacb'en eb' yin̈tl Isacar, ata x'elt chan̈e xo chon̈ab': Atn Cisón, Daberat, Jarmut yet' En-ganim. 'A 'a yol smacb'en eb' yin̈tl Aser, ata x'elt chan̈e xo chon̈ab': Atn Miseal, Abdón, Helcat yet' Rehob. 'A yol yic Neftalí, ata x'elt 'oxe xo chon̈ab': Atn Cedes 'ay 'a yol yic Galilea, 'aj tzcol sb'a eb' tzmiln junc 'anma'. X'ajx pax Hamot-dor yet' Cartán 'a eb' cha.