Dt 4:36 - Chuj San Sebastian Bible

³⁶ A 'a satcha'an̈, ata 'ix paxtin 'emta yic on̈ scuyni. Ax 'a sat lum tic, c'ac' 'ix sch'ox quila'. 'Ix cab' spaxtin 'elt 'a scal jun c'ac' cha.

Chuj San Mateo Bible

³⁶ Ato d'a satchaan̈ cab'nac val sloloni, on̈ sc'ayb'ani. Axo d'a sat lum tic, sch'oxnac nivac c'ac' d'ayon̈, cab'annac val slolonelta d'a cal c'ac' chi'.

Dt 4:36 Iomraidhean Croise

Nehemías 9:13

Xlajw cha, ach cot 'a satcha'an̈, ach 'eml 'a jolm witz Sinaí, ach paxtin 'emt 'a eb'; 'ix ac' a cuynb'il, a ley to caw yel yet' a checnb'il caw wal wach' 'a eb'.

Ex 19:18

Caw wal xq'ue stab'l sjolm lum Sinaí cha, yujto 'ix 'eml Jehová 'a scal jun c'ac'. 'Icha wal sq'ue stab'l junc jorna, 'ixta wal xq'ue stab'l lu'um, x'ib'x lum witz chi si'mb'il.

Ex 19:19

A yic tz'oc' q'uen trompeta chi 'a junjn 'ejem, caw tzwach' owb' sjaj q'ue'en. Ata xpaxtin Moisés yet' Dios. Caw ow sta'wi, 'icha wal sc'an̈ c'u, 'ixta yol sjaj.

Ex 19:9

'Ix yaln Jehová 'ixtc 'a 'a: —A ticnec, an Jehová in, 'oj in ch'ox in b'a 'aych 'a scal jun niwquil q'uic' 'asun, ax in paxtin et'oc. 'Oj yab' eb' 'anma chi tas 'oj wutc paxtinc in b'a et'oc, sec 'ixta 'oj ach yutc eb' ach ya'n 'och 'a sc'ojol, ticnec yet' 'a smasnil tiempo, xchi Dios. 'Ix yaln pax Moisés tas xyutj eb' chon̈b' yaln 'a 'a.

Ex 24:16

'Ix 'eml stzictznil Jehová 'a sjolm lum witz Sinaí cha, waque c'u x'och oyn jun 'asn chi 'a sjolm lu'um. Ax 'a yucl c'u, x'awtx Moisés yuj Jehová 'a scal jun 'asn cha.

Dt 4:12

Axta 'ix paxtin 'elt Jehová 'ayn̈ec 'a scal jun c'ac' cha. 'Ix cab'c spaxtini, xcab'nec yol sjaj, palta ma'ix quilc xon jab'oc.

Dt 4:15

A yic xpaxtin 'elt Jehová 'a scal c'ac' 'a 'ayn̈ec 'a lum witz Sinaí, a 'a jun c'u cha, ma'ix eyila.

Dt 4:33

¿'Ayx am wal junc chon̈b' tox xyab' spaxtin 'elt Dios 'a scal c'ac', 'icha wal xcab'c spaxtini, palta ma'on̈ chamec?

Dt 8:5

Nac cot nab'an, 'icha tzyutj junc mamb'il ya'n cuenta yunnal, 'ixta wal on̈ yutjec Jehová qui Diosalec.

A Ch'an̈ Carta D'a Eb' Hebreo 12:18

An̈ec tic, man̈ lajnoc on̈ 'ajc 'icha eb' quit israelal pecti'. Yujto a eb' cha, xit'nc eb' 'a lum witz Sinaí 'ay 'a yolyib'n̈q'uinl tic, atn 'a 'aj 'ay jun c'ac' tzn̈ilchji. Ata', caw q'uic'q'uinal, man̈ checloc. 'E'nc pax jun chacxuxm 'ic' ta'.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.