Dt 4:29 - Chuj San Sebastian Bible

²⁹ Palta toto a yic 'ayx 'ec' ta', ax snan sb'a e c'ojol, ax e c'ann scolwal Jehová qui Diosalec yet' smasnil e c'ojol mto yet' smasnil e nab'en, 'oj colwjoc ton 'ayex.

Chuj San Mateo Bible

^29-30 Palta tato d'a scal eyaelal chi' sna sb'a e c'ool, tze naancoti to an̈ej d'a Jehová co Diosal smoj eyac'anem e b'a, tato tzeyalxi e b'a d'ay, tze c'anab'ajan d'a smasanil e c'ool, tato icha chi',

Dt 4:29 Iomraidhean Croise

A Ch'an̈ Schab'il Libro Yic Yab'ixal Eb' Rey 10:31

Wach'xam to 'ixta', palta ma'ix ya'ch wal Jehú chi 'a sc'ojl syiclni sley Jehová sDiosal yet' eb' yit israelal, 'a smasnil sc'ojol, yujto ma'ix yij 'el sb'a 'a sb'eyb'al Jeroboam, win xjucb'tzan eb' yit israelal 'a maysch'olnil.

A Ch'an̈ Schab'il Libro Yic Yab'ixal Eb' Rey 23:3

'Ix 'och lin̈n win rey 'a stz'ey jun 'oy, 'ix ya'n sti 'a yojltac Jehová, to 'oj 'och tza'n eb' yu'uj, ax syiclni eb' smasnil schecnb'il yic trato tz'ib'b'il can 'a ch'an̈ libro cha. An̈jtona eb' chon̈b' chi smasnil 'ix yac' eb' sti', to 'oj syiclc pax eb'.

2 Cr 15:12

Xlajw cha, 'ix ya'n eb' sti', to a Jehová sDiosal eb' yet' smam yicham, cojn 'oj yac' servil eb' 'a smasnil sc'ojol, yet' 'a smasnil snab'en.

2 Cr 15:15

Smasnil eb' yic Judá, caw 'ix tzalj eb' yuj sti eb' xyac' cha, yujto smasnil sc'ojl eb' xyac' sti', 'ix 'el wal 'a sc'ojl eb' ya'n servil Dios. 'Ix 'ilchj wal scolwal yuj eb', yujto a Jehová 'ix yac' junc'ojlal 'a eb' yet' eb' cajn 'a sla'nil eb'.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

2 Cr 15:4

Palta a yic 'ix jaw yailal 'a quib'n̈ec, 'ix qui jelnec qui b'eyb'al 'a Jehová qui Diosal, 'ix calnec qui b'a 'a 'a, caw 'ix ta'w 'ayn̈ec.

2 Cr 31:21

A smasnil jun tzo'n̈ sb'o'o yic sc'anx 'a yatut Dios, 'ix sb'o wal 'a smasnil sc'ojol yet' 'a 'emmquilal 'icha yaln ley yet' checnb'il. Yuj cha, caw wach' 'ix 'el'chi.

Nehemías 1:9

palta toto 'oj e meltzj pax 'ayin, tzeyiclni in checnb'il, tze b'eylb'ani, wach'xam sactzicnac eyajcn 'at 'a 'aj tzlajw c'och yolyib'n̈q'uinal, palta 'oj ex in molb'tzoc cot 'a jun lugar sic'b'il 'el wu'uj, 'a 'aj tz'och 'emmquilal 'a in b'i, xa chi can 'a Moisés cha.

Nehemías 9:27

Yuj wal cha, 'ix a'n 'och eb' 'a yol sc'ab' eb' 'ajc'ojol, atn eb' chi x'ixtn eb'. Palta a yic wan yab'n eb' syal yixtx cha, x'awj eb' 'ayach, sc'ann eb' a colwal. Ach xo pax tic, 'aych 'ec' 'a satcha'an̈, yuj a niwquil chamc'ojlal, xa chaj ab' tas xyal eb'; achxo 'ix 'ac' eb' winc xwul colnc 'el eb' 'a yol sc'ab' eb' 'ajc'ojol.

Salmos 119:10

'A smasnil in c'ojol tzin 'och tza'n o'oj, yuj cha, man̈ in a cha wi'l in nab'en 'a a checnb'il.

Salmos 119:145

Mamin Jehová, yet' smasnil in nab'en 'ix waln in b'a 'ayach, ta'wj in, yujto tzin nib'j in yiclc a checnb'il tic.

Salmos 119:2

Wach' yic eb' tzyiclni tas tzala, yujto 'a smasnil sc'ojl eb', tzchan eb' yab'i',

Salmos 119:58

Wal 'a smasnil in c'ojol, 'ix waln in b'a 'ayach; 'ay cab' a chamc'ojlal 'ayin, 'icha yaln a paxti'.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Jeremías 51:50

Tzyal Jehová 'a eb' israel 'ayc' 'a Babilonia: A machx 'oj eyac' ganar e yel 'a jun chaml 'oj ujc cha, 'ixquec 'eloc. Man̈ ex cancn ta'. Wach'xam najt 'aycn e lu'um, palta 'a'c 'och wal e nab'en 'ayn an Jehová in tic, nac cot pax Jerusalén.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Jl 2:12

Yuj cha tzyaln Jehová 'ixtic: Palta 'ayt sb'omb'il 'ayex. Meltzjan̈c cot 'ayn yet' smasnil e c'ojol. 'Ochn̈ec 'a c'ajb'c'ojlal, 'el cab' eyaw, 'o'n̈ec, xchi.

Am 5:4

Meltzjan̈c 'ayin, sec ma'oj e chami.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Dt 11:13

Toto 'oj eyiclc smasnil jun tzo'n̈ checnb'il wan waln can 'ayx 'a jun c'u tic, tze chamc'ojlan Jehová qui Diosalec 'a smasnil e c'ojol, yet' smasnil e nab'en tzeya'n servil,

Dt 26:16

A Jehová qui Diosalec, a 'ix aln smasnil jun tzo'n̈ checnb'il tzwalcn 'ayx tic, to tzeyiclj eb' smasnil. Tze b'eylb'ej eb', tzeyiclni eb' yet' smasnil e c'ojol yet' smasnil e nab'en.

Dt 30:10

Toto 'oj eyiclc smasnil tas tzyal Jehová qui Diosalec, tzeyiclj schecnb'il yet' scuynb'il tz'ib'b'il can 'a ch'an̈ un̈ yic ley tic, tze jeln e b'eyb'al 'a smasnil e c'ojol yet' 'a smasnil e nab'en. To 'ixta', 'oj e cha yaxilal cha.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Josué 22:5

Cojn jun tas tzwal 'ayex, to tzeyicljn̈ej jun tzo'n̈ checnb'il, yet' jun tzo'n̈ ley xya'cn Moisés 'ayn̈ec, atn win schecb' Jehová. Tzyal 'el'chi, to caw tze chamc'ojlej Jehová qui Diosalec, b'eylb'ejc sb'eyb'al, tzeyiclni pax schecnb'il 'a smasnil e c'ojol, yet' wal 'a smasnil e nab'en, xchi 'a eb'.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.