Dt 4:27 - Chuj San Sebastian Bible

²⁷ A Jehová 'oj e sactzicn can 'at 'a scal jun tzo'n̈ xo nacion̈, jaywn̈xoj ex 'oj e can ta'.

Chuj San Mateo Bible

²⁷ Axo jayvan̈oc ex olto ex canoc, ol ex saclemcanb'at d'a juntzan̈xo ch'oc nacional, ata' ol ex yac'canb'at Jehová.

Dt 4:27 Iomraidhean Croise

Gn 11:4

Xlajw cha, xyaln pax ewin 'ixtic: Cotn̈ec, qui b'oc junc niwquil chon̈b' 'a tic. Tzlajw cha, tzqui b'onec junc niwquil torre, masnto tzq'ue'ch 'a satcha'an̈, yic wach' tzon̈ b'inaxec si'mb'il. Junxn̈ej tzon̈ 'ajc qui masnil, man̈xtzac on̈ sactzic 'a sat lum lum tic, xchi ewinac.

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Nehemías 1:3

Xyaln eb' 'ayn 'ixtic: A eb' quit chon̈b' cha, 'ayc' eb' ticnec 'a Judá, caw cusltac yaj eb', q'uixweltac yilx 'och eb'. Ax pax yuj Jerusalén, mac'b'il 'ejm lan̈chjoc smuroal, tz'anc pax spuertail, xchi eb' 'ayin.

Salmos 106:27

sec tz'emt can sb'isl eb' a chon̈ab', yic tzsactzic can eb' 'a scal jun tzo'n̈ xo nacion̈ 'a sat lum lum tic.

Salmos 44:11

On̈ ac' 'a yol sc'ab' eb' on̈, 'icha junc calnelu tz'ijx 'at 'a 'aj tzchami. On̈ laj sactzic can 'at 'a scal eb' chuc nacion̈al.

Salmos 44:12

Nab'an̈ej xcob' on̈ a chon̈cn 'el an̈ 'a chon̈b' on̈ tic, toc niwn jac qui tojl xa cha'aj.

Is 17:6

Jaywn̈xoj eb' 'oj can 'a schon̈b' cha, 'icha pax tzyac' junc te 'awb'en olivo tz'ijx 'emt sat, t'un̈ctac xoj tz'ajcn chab' 'oxe'oc sat chi 'a sn̈i 'el sc'ab', mto cojxn chan̈ o'e'oc sat chi tzcan 'a jun te chi smasnil, 'ixta 'oj 'aj eb', xchi Jehová, atn sDiosal chon̈b' Israel.

Jeremías 16:13

Yuj wal cha, 'oj ex wi'l 'a sat jun lum tic, ax ex wa'n can 'at 'a junx nacion̈ to man̈ eyojcoc, man̈ yojcoc pax eb' e mam eyicham. A wal ta', sc'ual, yac'wlil 'oj eyac' servil jun tzo'n̈ comn dios, caw man̈x 'oj 'o'ch in c'ojl 'ayex, xchi Dios, xa chi 'a eb'.

Ez 11:16

Yuj cha, al 'a eb' 'ijxnac cot 'icha presoal cha to an tzwal 'ixtic: Wach'xam najt ex in pechcn 'at 'a jun tzo'n̈ nacion̈, sactzicnac ex 'ajcn 'a yolyib'n̈q'uinl tic wu'uj, palta an 'ayn ec' eyet' 'aj 'ayx ec' cha yic tzeyaln e b'a 'ayin.

Ez 12:15

A yic tox 'ix sactzic can eb' in pechn 'at 'a jun tzo'n̈ xo nacion̈ cha, atta 'oj yil cot sb'a eb' ax in yojcan 'el eb', to an ton Jehová in, to cojn in ton Dios in.

Ez 20:23

A yic 'ayc' eb' 'a lum cusltac lum cha, ata 'ix wa'cn in ti', to 'oj sactzic can 'at eb' 'a jun tzo'n̈ xo nacion̈ 'a yolyib'n̈q'uinl tic.

Ez 22:15

'Oj sactzic can 'at eb' 'anma chi 'a jun tzo'n̈ xo nacion̈ yet' 'a junjn chon̈ab'. 'Ixta 'oj ach wutc ach in sacb'tzan yuj a tu'al.

Ez 32:26

Ata teln 'ec' sniwnal pax win sreyl Mesec yet' win sreyl Tubal, ax eb' soldado eb' chamnc 'a owal, oyn 'och eb' 'a stz'ey eb', yujto ya'jnac 'ejm eb' xiwc'ojlal 'a scal 'anma 'a yolyib'n̈q'uinl tic, a eb' cha, man̈ wico'oc eb'.

Dn 9:7

Ach tic Mamin, caw tojl a nab'en. An̈ xo an̈ israel on̈ tic on̈, caw q'uixweltac quec' tzcab' on̈. 'Icha wal eb' cotnc 'a Judá yet' 'a Jerusalén, yet' jun tzo'n̈ xo eb' quit israelal cajn 'a lac'an, yet' 'a caw najat, on̈ a sactzicj can 'ati, yujto 'ix 'och qui tenmtacl 'ayach.

Os 9:17

A jun chon̈b'al eb' 'anma tic, jun 'ejmn̈ej caw matz chaj xon eb' yab' tas tzyal in Diosal. Yuj cha, 'oj patquilx can 'el eb' yu'uj, toxn̈ej 'oj satc' eb' 'a scal jun tzo'n̈ xo nacion̈.

Lv 26:33

Ax xo tic, 'oj ex in pechcn 'at 'a scal jun tzo'n̈ xo nacion̈, tza'n 'och wespada eyu'uj, ax e 'atcni. A e nacion̈, 'oj 'ochcn waymtaquil, ax e chon̈ab', cusltac xoj yilx 'oj 'ajcn sjuwi.

Zacarías 7:14

Yuj wal cha, xwa'n sactzic eb' 'icha tzyutj chacxuxm'ic' junc tas. 'Ix 'atcn eb' 'a jun tzo'n̈ nacion̈ to man̈ yojcoc eb'. Ax schon̈b' eb', cusltac x'ajcni. Man̈x 'a junc mach xcan cajn 'a 'a. A schon̈b' eb' cha, caw wach' yilxi, palta yuj smul eb' 'ix cancn 'a cusltaquil, xchi Dios.

Dt 28:36

A Jehová 'oj eyi'n 'at yet' e reyl sic'b'il 'och eyu'uj, 'a junc nacion̈ to man̈ eyojcoc, man̈ yojcoc pax eb' qui mam quichmec. Ata 'oj eyac' servil jun tzo'n̈ comn dios, b'ob'il 'a te te', mto 'a q'uen q'ue'en.

Dt 29:28

Xpechx 'el eb' 'a sat slum yuj yowl sc'ojl Dios, yuj cha, xpechx can 'at eb' 'a scal jun tzo'n̈ xo nacion̈, 'icha wal tas wan yuj tic, 'oj xchic jun tz'a'n spac cha.

Dt 30:3

toto 'ixta 'oj eyutc e b'a, ax Jehová qui Diosalec 'oj sjel pax snab'en 'a eyib'an̈. 'Oj 'o'x 'och sc'ojl 'ayex. Ax ex smolb'tzan cot jun 'ejm xo 'a jun tzo'n̈ nacion̈ 'aj pechb'ilx can 'at 'a 'icha presoal.

Dt 32:26

'Ix in na'a, to tzin pechcn 'at eb', tzin satn can 'el eb' 'a sat lum lum tic, sec man̈x b'a'n̈ 'oj b'inaxc eb'.