Dt 4:26 - Chuj San Sebastian Bible

²⁶ Tic wal tzwa'cn 'och satcha'an̈ yet' sat lum tic testigoal. Toto 'ixta 'oj eyutoc, yajn̈ej ax e satl 'a sat lum lum chi 'oj e caj 'a sc'axpil 'ec' a Jordán cha. Man̈ niwnoc tiempo 'oj e caj lu'um, yajn̈ej ax e satx 'eli.

Chuj San Mateo Bible

²⁶ Svac'canoch satchaan̈ yed' sat luum tic testigoal, tato icha chi' ol e c'ulej, d'a val elan̈chamel ol ex satel d'a juneln̈ej. Man̈xo nivanoc tiempo ol ex ec' d'a sat luum chi', aton lum ay d'a sc'axepal a' Jordán chi'.

Dt 4:26 Iomraidhean Croise

Gn 19:13

Yujto 'oj qui satl jun chon̈b' tic on̈, caw wal niwquil xo smaysch'olnilal eb' 'anma 'a sat Jehová, yuj cha, on̈ ya'n cot Jehová wul qui satl jun tzo'n̈ 'anma tic on̈, xchi eb'.

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Jeremías 16:13

Yuj wal cha, 'oj ex wi'l 'a sat jun lum tic, ax ex wa'n can 'at 'a junx nacion̈ to man̈ eyojcoc, man̈ yojcoc pax eb' e mam eyicham. A wal ta', sc'ual, yac'wlil 'oj eyac' servil jun tzo'n̈ comn dios, caw man̈x 'oj 'o'ch in c'ojl 'ayex, xchi Dios, xa chi 'a eb'.

Jeremías 2:12

An Jehová in, an tzwala: 'Oj wac' 'ib'xoc satchan̈ yuj xiwc'ojlal, jun xiwc'ojlal to man̈x yalnb'iloc.

Jeremías 22:29

¡Ex cajn ex 'a jun nacion̈ tic, macljec eyab' wal tas tzyal Jehová!

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

Jeremías 6:19

'Ab'c ex cajn ex 'a sat lum tic. 'Oj wi' cot yailal caw maysch'olnil 'a yib'n̈ jun chon̈b' tic, yuj tas tu tzna eb' sb'oni; yujto ma'ix schaj eb' yab' in paxti'. A yic eb', to 'ix spatquilj can 'el eb' in checnb'il.

Ez 33:28

'Oj can lum lum chi 'a sictaq'uil, cusltac xoj 'oj 'ajcni, ax wa'n lajwc sb'an̈quintacl eb' cha. Cusltac xoj 'oj 'ajcn eb' lum jolmctac witz yic chon̈b' Israel, man̈x 'a 'anma 'oj 'ec' ta'.

Ez 36:4

Yuj cha, an Jehová in, an tzwal 'ayx 'ixtc ex israel, to tze chaj eyab' in paxti tic, jantcn̈ej ex to 'aycn e lum 'a lum jolmctac witz, 'a lum tzalctac, 'a lum stitc a', 'a lum niwc pan̈an, 'a eb' lum chon̈b' mac'b'il 'ejmi, 'a eb' lum chon̈b' cusltac yajcn sch'ocj 'a yol e macb'en cha, eb' chon̈b' to c'uxn 'elc'b'il 'at tas 'ay 'a yuj jun tzo'n̈ xo nacion̈ 'a sla'nil cha, atn eb' tzb'uchwj 'ayex.

Lv 18:28

Man̈ e b'o maysch'olnil 'a sat lu'um, sec wach' ma'oj ex satl lum 'icha 'ajnc eb' b'ab'l cajjnac lu'um.

Miqueas 1:2

E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.

Miqueas 6:2

'Icha cab' to tzyab' pax eb' lum witz, yet' stzatzl yich lum lum tic, tas 'oj wal yuj e mul ex israel, caw 'oj wac' owl eyet'oc.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Dt 11:17

toto 'ixta tzeyutj e b'a, 'oj cot yowl sc'ojl Jehová 'a eyib'an̈. Man̈x 'oj ya' cot n̈ab' 'a stiempoal. Ax lum lum cha, man̈x 'oj yac' lum sb'a'al, ax e cham yuj wejel. 'Ixta wal 'oj eyaj 'a sat lum lum caw wach' cha, lum 'oj yac' Jehová eyico'oc cha.

Dt 28:20

'Oj ex scatb'tzoc can Jehová, ax ya'n cot yailal 'a eyib'an̈ yet' cusc'ojlal 'a yib'n̈ smasnil tas tze b'o'o. Jab' wal tiempo 'oj 'ec' eyu'uj, ax e lajw 'ejm yuj tas maysch'olnil tze b'o cha, yujto tzeyactj can Dios.

Dt 28:22

An̈jtona', 'oj ya' cot jun tzo'n̈ yab'il 'a e cal. 'Ay yab'il to tzex b'ac'b'chan̈ yu'uj, 'ay c'a'l yab'il, 'ay pax yab'il tzmalchan̈ e niwnal yu'uj. A tas 'oj eyawoc, 'oj tacjoc yuj c'ac', man̈x 'oj yac' n̈ab'. 'Oj jawc syab'il e trigo masnto 'oj e lajw 'eli.

Dt 28:45

Smasnil jun tzo'n̈ yailal tic, 'oj jawc eb' 'a eyib'an̈, 'oj 'ochn̈j eb' 'ayex, masnto 'oj e satl yu'uj, yujto matz eyiclj smasnil schecnb'il yet' sley Jehová qui Diosalec xyac' 'ayex.

Dt 28:61

An̈jtona', 'oj ya' cot pax jun tzo'n̈ xo yailal to man̈xtzac b'inax 'a yojl ch'an̈ un̈ yic cuynb'il tic, masnto 'oj e lajw 'el yu'uj.

Dt 29:28

Xpechx 'el eb' 'a sat slum yuj yowl sc'ojl Dios, yuj cha, xpechx can 'at eb' 'a scal jun tzo'n̈ xo nacion̈, 'icha wal tas wan yuj tic, 'oj xchic jun tz'a'n spac cha.

Dt 31:28

'Awtjec cot smasnil eb' yichmtac wincal chon̈ab', yet' eb' yajl yajch 'a junjn 'in̈tal 'a e cal, to tzwalcn yab' eb' jun tzo'n̈ tic, tzwa'cn 'och satcha'an̈ yet' lum lum tic testigoal 'ayex.

Dt 32:1

Yab' cab' satcha'an̈, yet' lum lu'um, tas 'oj wala'.

Dt 7:4

Toto ma'ay, 'oj yi'l eb' eyunnal chi snab'en 'a Jehová, ax yoch tza'n ewin yuj eb' 'ix, ax ya'n 'ejm sb'a ewin 'a sdiosal eb' 'ix cha; to 'ixta', 'oj cot yowl Jehová 'ayex, ax e cham yuj muc'uc.

Dt 8:19

Palta toto tzeyac' sat e c'ojl 'a Jehová qui Diosalec, tzex 'och tza'n yuj jun tzo'n̈ tzalx 'och diosal, tzeya'n 'e'jm e b'a 'a 'a, toto 'ixta 'oj eyutc e b'a, 'a jun rato tic tzwaln cani, to 'oj ex satl Jehová e masnil.

Dt 8:20

'Icha wal 'oj yutc Jehová satn 'el jun tzo'n̈ chon̈b' 'aj 'oj e c'och cha, 'ixta pax 'oj eyaj e satl jun xo, yujto matz eyiclj tas tzyal Jehová qui Diosalec, xchi Moisés.

Josué 23:16

Toto ma'oj eyiclc jun strato Jehová qui Diosalec, jun xya'cn 'ayn̈ec, ax 'a jun tzo'n̈ comn dios 'aj 'oj eyac' 'emmquilal, tzex 'em n̈ojn 'a yojltac eb'; toto 'ixta', caw 'oj cot yowl 'ayex, yajn̈ej ax ex satn 'el 'a sat jun lum caw wach' tic, xchi Josué.

Josué 24:20

Toto tzeyactj can Jehová, tzeya'n servil jun tzo'n̈ comn dios, 'oj meltzjoc ya'n yowl sc'ojl 'ayex, ax e satx 'el yu'uj, wach'xam til wal tas wach' sb'o 'ayex, xchi 'a eb'.