Dt 4:11 - Chuj San Sebastian Bible

¹¹ A yic 'ayn̈ec 'ec' 'a yich lum witz cha, quiljnaquec wal sq'ue n̈iln̈noc sc'a'l lu'um, 'ix q'uic'b' 'och stab'l lum 'a satcha'an̈.

Chuj San Mateo Bible

¹¹ Ayic ayon̈ec' d'a yich lum vitz chi', axo d'a luum sq'ue val c'ac' yed' sq'ue topan stab'il d'a chaan̈, q'uic'xon̈ej yilji satchaan̈ yuuj.

Dt 4:11 Iomraidhean Croise

A Ch'an̈ Schab'l Libro Samuel 22:10

Yajn̈ej 'ix cot 'a satcha'an̈, 'ix 'eml 'a tic, ¡ax jun q'uic' 'asn 'aych ste'nub'oc!

A Ch'an̈ B'ab'el Libro Yic Yab'ixal Eb' Rey 19:12

Xlajw yec' jun quixcab' cha, 'ix ya'n cot jun c'ac'; palta man̈ 'ayc 'och Jehová 'a scal jun c'ac' cha. Palta ax yic xlajw ye'cn jun c'ac' cha, 'ix 'och jun 'aw caw sajlti', caw c'u'un.

Salmos 18:11

Ax q'uic'q'uinal, a x'och en̈loc, 'ix a c'ub'j 'el a b'a 'a scal q'uic' 'asn 'aych yalil.

Salmos 97:2

A q'uic' 'asun, a oyn 'och 'a 'a. A yopiso caw te'n yaj yuj tojlal yet' yuj wach'il.

Ex 19:9

'Ix yaln Jehová 'ixtc 'a 'a: —A ticnec, an Jehová in, 'oj in ch'ox in b'a 'aych 'a scal jun niwquil q'uic' 'asun, ax in paxtin et'oc. 'Oj yab' eb' 'anma chi tas 'oj wutc paxtinc in b'a et'oc, sec 'ixta 'oj ach yutc eb' ach ya'n 'och 'a sc'ojol, ticnec yet' 'a smasnil tiempo, xchi Dios. 'Ix yaln pax Moisés tas xyutj eb' chon̈b' yaln 'a 'a.

Dt 4:12

Axta 'ix paxtin 'elt Jehová 'ayn̈ec 'a scal jun c'ac' cha. 'Ix cab'c spaxtini, xcab'nec yol sjaj, palta ma'ix quilc xon jab'oc.

Dt 5:23

Palta a yic xeyab'n yoch jun 'aw 'a scal jun q'uic' 'asn cha, xeyiln pax stz'a lum witz e masnil, a eb' yajl yaj 'a scal junjn 'in̈tal, yet' eb' yichm wincal chon̈ab', c'uxn xjaw eb' wul yal 'ayn 'ixtic: