Dt 34:3 - Chuj San Sebastian Bible

³ An̈jtona', tzcot lum 'a Négueb, masnto tzc'och lum 'a ya'lical sti a Jordán, yet' lum ya'lical Jericó to nab'a palma, masnto tzc'och lum 'a Sóar.

Chuj San Mateo Bible

³ Scot lum d'a Neguev masanto sc'och lum d'a yac'lical sti' a' Jordán yed' d'a masanil spatictac Jericó schon̈ab'il te' palma, masanto sc'och lum d'a Zoar.

Dt 34:3 Iomraidhean Croise

Gn 13:10

'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Gn 14:2

A chan̈wn̈ eb' rey tic, tzyac' eb' owl yet' own̈ xo eb' rey, atn eb' tic: Bera sreyl Sodoma, Birsa sreyl Gomorra, Sinab sreyl Adma, Semeber sreyl Zeboim, yet' sreyl Bela, atn jun chon̈b' chi tzcuch pax Zoar.

Gn 14:8

Ax eb' own̈ rey cha, atn win yic Sodoma, win yic Gomorra, win yic Adma, win yic Zeboim, yet' win yic Bela, 'ix 'at eb' yown̈il 'a lum niwn pan̈n yic Sidim. Ata 'ix yac' ewin owl yet' eb' rey cha, atn Quedorlaomer, Tidal, Amrafel, yet' Arioc. A eb' tic rey eb' 'a Elam, 'a Goím, 'a Sinar, yet' 'a Elasar.

Gn 19:22

'Ixquec mu'c 'an, colc e b'a yic tzex 'atcn 'a cha, yujto mant 'a tas tztac' in b'oni yic mantzac ex c'och 'a jun lugar cha, xchi jun ángel cha. Yuj cha, Zoar scuchcn jun chon̈b' cha.

2 Cr 28:15

Ax ewin tox xb'inax sb'i tic, a ewin x'och 'ajcuentail yiln eb' 'icha preso yaj chi yuj eb'. A 'a scal smasnil tas xit' yi'cn 'ec' eb' soldado chi 'a eb', ata 'ix q'uet te pichl x'ajx 'och 'a eb' jitn'eli. X'ajx pax 'och xan̈b' eb'. X'ajx wa eb'. X'ajx pax tas tzyu'j eb'. Sucx 'och remel 'a sat 'aj lajwnac eb'. Ax smasnil eb' man̈x 'a yip sb'eyi, x'ajx q'ue eb' 'a yib'n̈ e no b'uru. Xlajw cha, x'ijx 'at eb' yuj ewinac, masnto x'at ya'cn ewin eb' 'a eb' yit chon̈b' eb' 'a Jericó, 'a 'aj caw 'ay te palma. Xlajw cha, 'ix meltzj can pax ewin 'a Samaria.

Nm 34:3

A smon̈jonal 'a stojlal sur, ata tz'ec' 'a lum cusltac lum yic Zin, 'a sti smon̈jonal lum Edom. Tzchaj 'el yich 'a stojlal 'aj tzq'uel c'u, masnto tzc'och 'a stojlal sur yic 'a Mar Muerto.

Jueces 1:16

A eb' yin̈tl Hobab win quenita, sn̈i Moisés, 'ix 'el eb' 'a jun schon̈b' 'aj til wal te palma, atn Jericó. 'Ix q'ue'ch eb' yet' eb' yin̈tl Judá, 'ix c'och cajn eb' 'a scal eb' 'anma cajn 'ec' 'a lum cusltac lum 'ay 'a yol yic Judá, atn lum 'ay 'a Neguev 'a stz'ey Arad.

Jueces 3:13

Ax Eglón cha, junn̈j xyutj sb'a yet' eb' amonita, yet' eb' amalecita, 'ix ya'n eb' owl yet' eb' israel, 'ix yi'n can 'ec' eb' jun chon̈b' 'aj caw 'ay te palma, atn Jericó.