Dt 34:1 - Chuj San Sebastian Bible

¹ 'Ix 'at Moisés 'a lum cusltac lum 'a yol yic Moab, 'ix q'ue'ch 'a sjolm lum witz tzcuch Nebo, 'a lum switzl Pisgá, lum 'ay 'a yojltac Jericó. Ata 'ix sch'oxcn 'at Jehová yil Moisés lum slum Galaad, masnto 'aj tzc'och lum yic Dan,

Chuj San Mateo Bible

¹ A d'a span̈anil yol yic Moab ayec' vin̈aj Moisés chi' ayic ix q'ue vin̈ d'a jolom vitz Nebo ay d'a sjolom lum nivan vitz Pisga, aton lum ay d'a yichan̈ Jericó. Ata' ix sch'oxcanb'at masanil lum luum Jehová yil vin̈: Aton masanil lum Galaad masanto b'aj ay smacb'en eb' yin̈tilal Dan,

Dt 34:1 Iomraidhean Croise

Gn 13:14

Xlajw s'at Lot, 'ix yaln Jehová 'a Abram 'ixtic: A ticnec, 'ilt 'at 'a stojlal norte yet' 'a stojlal sur, 'a stojlal 'aj tzq'uel c'u yet' 'a stojlal 'aj tz'em c'u.

Gn 14:14

A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan.

Nm 21:20

'Ix 'elx eb' 'a Bamot, axta xjaw eb' 'a jun lum pan̈n 'a'lic 'ay 'a yol smacb'en lum Moab, 'a yich eb' lum switzl Pisga, 'a 'ajtil checl yilx 'at lum cusltac lu'um.

Nm 23:14

Xlajw cha, 'ix 'ijx 'at Balaam yuj Balac 'a jun lugar tzcuch Zofim, 'a lum jolm witz Pisga. Ata xyac' b'o chan̈ uque yet'l xajmb'al, xya'n q'ue xajmb'al 'a yib'an̈, jun quelm wacax, jun mam calnelu 'a jun jun.

Nm 27:12

'Ix yaln Jehová 'a Moisés 'ixtic: —Q'uen̈ta 'a sjolm witz Abarim tic, tzlajw cha, tzeln can 'at lum lum 'oj wac' 'a eb' et israelal tic.

Dt 3:27

Lem, q'uen̈ta 'a sjolm lum witz Pisgá tic. Ata 'oj elcn 'at lum lum chi 'a stojlal norte, 'a stojlal sur, 'a stojlal 'aj tzq'uel c'u yet' pax 'a stojlal 'aj tz'em c'u. Al wal ec' 'a sc'axpil 'ec' a Jordán cha, may xon b'i'an.

Dt 32:49

'Ixc 'a lum switzl Abarim, tzach q'ue'ch 'a sjolm lum witz tzcuch Nebo, lum 'ay 'a yol yic eb' moabita, 'a yojltac Jericó. Ata tzelcn 'at lum Canaán, lum 'oj wac' yico'oc eb' et chon̈b' tic.

Dt 32:52

Yuj cha, toxn̈ej 'oj a najt 'ilc can 'at lum lum 'aj 'ix wac' in ti wa'n 'a eb' et chon̈ab'; al wal a c'och 'a lu'um, man̈x 'oj a c'ochi, xchi Dios 'a Moisés.

Dt 34:4

'Ix yaln Jehová 'a Moisés 'ixtic: Atn jun lum tic wa'jnac in ti wa'n 'a Abraham, 'a Isaac yet' 'a Jacob. Waljnac 'a eb' chajtlto 'oj wac' lum 'a eb' yin̈tl eb'. Yuj cha, tzwac' elcn 'at lum yet' a sat, wach'xam man̈x 'oj a c'och 'a lu'um, xchi Dios 'a Moisés cha.

Josué 19:47

Palta a jun lum cha, ma'ix techj scoln eb', yuj cha, 'ix 'at eb' yin̈tl Dan chi yac' owl yet' eb' cajn 'a chon̈b' Lésem. Ax yic xlajw smilx cham eb' cajn 'a jun chon̈b' chi yuj eb' yic Dan cha, 'ix can cajn eb' 'a jun chon̈b' cha. Xlajw cha, sjeln eb' sb'i jun chon̈b' cha, xya'n eb' scuch Dan, yuj yi'nb'ilc chan̈ sb'i smam yichm eb'.

Josué 22:9

'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.

Apoc 21:10

Xlajw cha, 'ix ch'oxn Yespíritu Dios jun chi 'ayn 'a 'icha waychil. Ax jun ángel cha, in yi'n 'at 'a sjolm jun niwquil tzalan, caw chan̈ yajq'ue'i. Ata xch'ox wil jun niwquil chon̈b' Jerusalén, atn jun yic Dios, 'ix 'emt 'a satcha'an̈, jun 'ix 'elt 'a yojltac Dios.

Jueces 18:29

A 'a yaln̈taxi, Lais sb'i jun chon̈b' cha, ax yic scajn eb' yic Dan cha, xya'n eb' sb'ic Dan, yuj ya'n eb' b'inaxc sb'i smam 'icham, atn Dan yunnal Israel.