Dt 33:8 - Chuj San Sebastian Bible

⁸ 'Ix yaln 'ixtc 'a yib'n̈ eb' yin̈tl Leví: Mamin Jehová, ec yaj q'uen Tumim yet' q'uen Urim; yic pax eb' winc to yiclum 'ayach, yic 'ix a'lni prowal ewin 'a Masah, ewin xa tej a b'a yet' 'a 'aj 'ay a a 'a Meriba.

Chuj San Mateo Bible

⁸ Ix yalanpax vin̈ yuj eb' yin̈tilal Leví icha tic: Mamin Jehová, ic q'uen Tumim yed' q'uen Urim, ix ac' q'uen d'a vin̈ sic'b'ilel uuj, aton vin̈ ix ac' proval d'a Masah, vin̈ ix a telaj a b'a yed'oc d'a a' Meriba.

Dt 33:8 Iomraidhean Croise

2 Cr 23:6

Palta may junc tztac' yoch 'a yol yatut Jehová, cojn eb' ya'mal 'och sti eb' 'anma 'a Dios yet' eb' levita 'aych 'a yopiso, atn eb' chi tztac' yochi, yujto sic'b'il 'el eb'; palta ax smasnil eb' chon̈ab' cann̈j cab' eb' 'a sti 'el 'amc' cha, 'icha yaj yaln Jehová.

Esdras 2:63

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Esdras 8:28

Yajn̈ej xwaln 'a eb' 'ixtic: Ax tic sic'b'ilx 'el yico'oc Jehová, an̈jtona yic pax jun tzo'n̈ yamc'ab' tic: Q'uen plata, q'uen oro, yet' q'uen ofrenda siyx 'a Jehová atn qui Diosalec yet' eb' qui mam quichmec.

Nehemías 7:65

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Salmos 106:16

A yic 'ayc' eb' 'a scamplamento cha, xlaj chichn 'och eb' 'a Moisés yet' 'a Aarón, atn win sic'b'il 'el oj Mamin Jehová.

Salmos 16:10

Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

Salmos 81:7

A yic 'ayx 'ec' 'a yol sc'ab' eyailal in eyawtni, yuj cha, ex in coln 'elta. In ta'w 'ayx 'a scal jun 'asn 'aj til wal sc'an̈ c'u; ex wa'n prowal 'a sti a a yic Meriba.

Ex 17:7

Meriba xya'cn scuch jun lugar cha, yujto ata tu 'ix yal eb' 'anma 'a Moisés. Xya'n pax scuch Masah, yujto xyac' prowal eb' Jehová, yic xyaln eb' 'ixtic: ¿Yel am wali 'ayc' Jehová 'a qui calc tic, mto ma'ay? xchi eb'.

Ex 28:30

A 'a yojl te smacl sn̈i sc'ojl cha, ata tz'och chab' xo q'uen q'ue'en, q'uen tzcuch Urim yet' q'uen Tumim: A jun tzo'n̈ q'uen cha, yopiso eb' sch'oxn 'el in nib'b'en; yowlal 'aychn̈ej 'a sn̈i sc'ojl Aarón yic tz'ochch 'a wojltac. 'Ixta wal 'oj yutc Aarón yi'n b'ey jun tzo'n̈ q'uen chi 'a wojltac an Jehová in.

Ex 28:36

Tza'n b'o pax junx q'uen placa nab'a oro tz'aji. Tza'n 'ajxoc 'och jun tzo'n̈ paxti tic 'a q'ue'en. Yicn̈ej Jehová yaji, xchi jun stz'ib'l cha. 'Icha wal junc seyo, 'ixta wal tz'aji.

Lv 21:7

Matz tac' yi'n sb'a eb' yet' eb' 'ix 'ajmul 'ix. Matz tac' yi'n sb'a eb' yet' eb' 'ix 'ix c'umb'ilx winc yu'uj, mto eb' 'ix spojjnac sb'a yet' yichmil, yujto sic'b'il 'och eb' wico'oc.

Lv 8:8

Ax 'a spatquil te', ata xya'ch pax te smacl yic sn̈i sc'ojol, a 'a te' 'ix ya'ch q'uen Urim yet' q'uen Tumim.

Malaquías 2:6

Caw yeln̈j tas xyal eb', may 'aj xyamchj eb' yet' 'es paxti', wach'n̈j 'e'nc eb' wet'oc. Til wal mach 'ix spojcn 'el eb' 'a scal maysch'olnil.

Nm 16:5

'Ix yaln 'ixtc 'a Coré yet' 'a smasnil eb' ajun yet' cha: —Q'ui'nto 'a yic sq'uin̈b'ial, 'oj sch'ox Jehová mach wal eb' yic cha, mach eb' to yel sic'b'il 'el yu'uj, eb' 'ay yaln yic yoch 'a yojltac yet' jun tzo'n̈ xajmb'al. A mach 'oj sch'ox 'a qui calec, atn jun chi 'oj 'a'noc 'och jun tzo'n̈ xajmb'al chi 'a yojltac.

Nm 20:13

Meriba scuchcn jun lugar cha, yujto ata 'ix q'ue 'awjoc eb' israel 'a Jehová, ata sch'ox Jehová, to cojxn niwn yel'chi.

Nm 20:24

A ticnec b'i'an, jab'xoj wal 'oj cham Aarón tic, man̈x 'oj c'och 'a sat lum lum tzwal wac' 'a eb' eyit israelal tic, yujto ma'ix eyiclj in checnb'il 'ix wal 'ayex, yic 'ayx 'ec' 'a sti a spac'b'a Meriba.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Nm 35:8

A 'a smacl lum eb' yit israelal eb' cha, ata tz'elt jun tzo'n̈ chon̈b' chi tz'ajx 'a eb' levita cha. Yuj cha, junjn 'in̈tal eb', 'oj yac' 'elt eb' jayjnoc chon̈b'al. A eb' niwc slu'um, niwn chon̈b' chi 'oj yac' 'elt eb', ax eb' jab' wal slu'um, jayen̈ej chon̈b' chi tzyac' eb', xchi Dios.

Dt 6:16

Man̈ eyac' prowal Jehová qui Diosalec, 'icha wal eyutjnac 'a Masah.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.

Dt 9:22

'Ixta pax eyutjnac e b'a 'a Taberá, 'a Masah yet' 'a Kibrot-hataava, e tzuntzjnac wal cot yowl sc'ojl Jehová 'a eyib'n̈ ta'.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic:

A Ch'an̈ B'ab'el Libro Samuel 28:6

Yuj cha, 'ix scanb'n 'a Jehová, palta ma'ix ta'w xon 'a waychil 'a 'a; ma'ix ta'w xon 'a eb' yalmal 'el spaxti', yet' 'a eb' ya'mal och sti eb' 'anma 'a Dios.