Dt 33:29 - Chuj San Sebastian Bible

²⁹ Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

Chuj San Mateo Bible

²⁹ Ex vetisraelal, te vach' quico', ¿mach val junoc syal slajb'an sb'a qued'oc? A Jehová tzon̈ colani, a tzon̈ tan̈vani, scolvajpax qued'oc. Icha quespada yaj Jehová yic scac'an ganar eb' cajc'ool. Ol yaq'uem sb'a eb' cajc'ol chi' d'ayon̈, xchi vin̈aj Moisés chi'.

Dt 33:29 Iomraidhean Croise

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

A Ch'an̈ Schab'l Libro Samuel 22:3

Ach in Diosal, ach 'aych 'och yipc in c'ojol, a 'aych tzin col in b'a, in tan̈mal aji, in colmal ach, caw wal 'ay ep. Oj wali, yuj cha, matz in yamchj yuj eb' 'ajc'ojl yajch 'ayin. Ach in a col 'a mach xnib'n in satn 'eli.

A Ch'an̈ Schab'l Libro Samuel 22:45

A yic tzyab'n eb' wab'xil yiclum tzyutj sb'a eb' 'ayin, ax eb' chuc chon̈b'al, tzya'ch sb'a eb' in checb'oc.

A Ch'an̈ Schab'l Libro Samuel 7:23

A pax a chon̈b' Israel tic, may junc xo chon̈b' lajn yet'oc, caw cojn jun nacion̈ tic a coljnac 'el 'a sat lum tic 'a yol sc'ab' eb' 'ajc'ojol, yuj yochcn a chon̈b'oc. Caw satjub'tac tas xa b'o yuj eb' a chon̈ab', yic 'ix e'n 'elt 'a Egipto; 'ix e'n 'el pax jun tzo'n̈ nacion̈ yet' sdiosal 'a yojltac eb'. Yuj cha, caw wal tzb'inax 'a b'i yuj eb' 'anma',

2 Cr 31:8

A Ezequías yet' eb' yajl yaj yet'oc, a yic xyiln eb' jun tzo'n̈ xmolb'tzax cha, xyaln eb' wach' paxti 'a Jehová yet' 'a yib'n̈ schon̈ab', atn Israel.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Salmos 144:15

Caw wach' yic junc chon̈b' 'ixta yaji, caw wach' yic jun chon̈b' to a Jehová 'aych sDiosaloc.

Salmos 18:44

A yic tzyab'n eb' tas tzwala, yiclum tzyutj sb'a eb' 'ayin, ax eb' chuc chon̈b'al, tzya'ch sb'a eb' in checb'oc.

Salmos 18:45

A eb' chuc chon̈b'al cha, xlaj xiw chan̈ eb', caw tz'ib'x eb' yic x'elt eb' 'a yol yet'l 'aj tzcob' scol sb'a.

Salmos 32:1

Caw wach' yic eb' to 'ix 'ajx can lajwc smasnil smul, 'ix sucx pax sat smaysch'olnilal eb'.

Salmos 32:2

A eb' x'och spaltail, toto man̈xtzac 'och jun chi smulc eb' yuj Jehová, caw wal wach' yic eb', atn eb' man̈xtzac snalb'ej smacn sat yit 'anma'il.

Salmos 33:12

Caw wach' yic junc nacion̈ to a Jehová 'aych sDiosaloc, a si'jnac can 'och yico'oc.

Salmos 33:20

An̈ec tic, a Jehová a 'aych yipc qui c'ojol, a tzon̈ colnec, tzon̈ stan̈wni paxi.

Salmos 45:3

Jalch espada 'a a nan̈al, ach to jeln a'n owal, yujto a tzch'oxn 'eli chajtlto niwn el'ch yet' opiso.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Salmos 68:34

Tzcham wal eyojcan 'el sjelnal Dios, 'ayc' yip 'a yib'n̈ chon̈b' Israel, a sjelnal tzq'ue'ch 'a satcha'an̈.

Salmos 7:12

Toto matz na sb'a jun tzo'n̈ 'anma cha, to 'ixta', 'oj sn̈ic Dios yespada; caw wach'x pax yaj sjul-lab'.

Salmos 81:15

Ax 'a eb' matz in nib'ni, 'ix wac' 'em wotz'n am eb' xiwi, ax syailal eb', 'ix cann̈j am 'a yib'n̈ eb' 'a smasnil tiempo.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 27:1

A 'a yic jun c'ul cha, 'oj sc'anlb'oc Jehová yespada to caw 'ay smay, caw jay pax ye. 'Oj sc'anlb'oc yuj ya'n 'och yailal 'a yib'n̈ no Leviatán, atn no chan to caw jeln sb'eyi, no yajn̈ej tzsetn sb'a; 'oj smil Jehová no dragón chi cajn 'a yojl a mar.

Is 33:16

A eb' cha, 'oj 'aj cajn eb' 'a junc chon̈b' q'uenn̈ej smuroal, ata 'oj scol sb'a eb', 'ayn̈j tas tzc'ux eb', 'ayn̈j pax tas tzyu'j eb'.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Is 58:14

Toto 'ixta 'oj eyutc e b'a, 'oj 'ilchjoc e tzaljc'ojlal 'ayin. An xo 'oj wala', to niwn eyel'ch 'a yib'n̈ smasnil chon̈b' 'a yolyib'n̈q'uinl tic, ax wa'n pax eyico'oc lum e macl lum 'aycn yuj e mam 'ichm Jacob, atnta 'oj e wa 'a sat lu'um, xchi Dios.

Jeremías 12:12

Smasnil lum tzalctac 'a lum cusltac lu'um, caw xjaw eb' winc wul satcn 'eli. Yujto an Jehová in tic, 'ay jun wespada, a tz'a'n lajwc 'el eb' 'anma 'a jun nacion̈ tic 'a 'aj tzlajw c'och junjn pac' sti', man̈x 'a 'aj 'ay junc'ojlal.

Jeremías 47:6

¡'Ay, a wal yespada Jehová! ¿B'a'n̈ wal 'oj 'och wan q'ue'en? Comnoc tzmolx 'ejm q'uen 'a yol yatut jun 'ejm xo, sec tz'och wa'an, man̈x 'a tas tzb'o'o.

Os 13:9

'Oj ex wac' satl ax israel ex tic, may xon mach 'oj stac' yi'n 'ec' 'a eyib'an̈.

Am 8:7

Yuj cha, xya'n Jehová sti', atn jun mach yijnac chan̈ Jacob, xyaln 'ixtic: May b'a'n̈ 'oj sat in c'ojl 'a smul eb' cha.

Habacuc 3:19

Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

Nm 24:5

Ex yin̈tl Jacob sja'l wal yilx 'at e mantiado, caw wach' yilx 'at e camplamento ex israel.

Nm 33:52

tze pechl smasnil eb' 'anma cajn 'a jun tzo'n̈ nacion̈ cha. Tze ma'n can poj smasnil yechl 'aj tzyal sb'a eb', atn eb' q'uen q'uen b'ob'il yuj eb', q'uen josb'il, yet' smasnil jun tzo'n̈ smacsej eb' 'ay 'a jolmctac witz, c'uxn tzema'cn juwoc.

Dt 32:13

'Oj eyijx 'at yuj 'a lum jolmctac witz, 'oj laj e c'ux tas 'ay 'a sat lum lum cha, 'oj laj eyuc' yal chab' tz'elt 'a sat q'uen q'ue'en, yet' aceite tz'elt 'a te olivo tzlaj pac' 'a sat q'ue'en.

Dt 4:32

Nac cot jun tzo'n̈ tiempo 'e'nc xo can 'a yic pecti', yictax sb'on Dios eb' 'anma 'a yolyib'n̈q'uinl tic. 'Ixquec, 'at c'anb'jec 'ec' 'a smasnil lugar, toto 'ay 'aj ujnac xo, mto 'ay 'aj tz'ab'x yalx junc tas niwn yel'ch 'icha jun wan yuj 'a qui calc tic.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

1 Ti 4:10

Yuj wal jun tic, caw 'ip tzon̈ munlj 'a yic Dios, tzcab'n pax syal yu'uj. Yujto a Dios pitzan, a tzca'ch yipc qui c'ojol. A Dios, sColmal smasnil 'anma yaji. A wal eb' tzya'ch sc'ojl 'a 'a, 'oj colchjoc eb' yu'uj.

Apoc 1:16

A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.

Apoc 19:21

Ax jun tzo'n̈ xo eb', c'uxn xmilx cham eb' yuj jun espada 'ay 'elt 'a yol sti jun 'ay q'ue 'a yib'n̈ chej. Ax e no ch'ic smasnil, caw xlaj b'ut'j e no yuj schib'jal eb'.

Jueces 7:20

A 'oxc'aj eb' soldado cha, jun lajnn̈ej xyutj eb' yutz'n scacha chi smasnil. 'Ix sma'n poj eb' schen' cha. Ax sc'ab' eb' a surito a yamjnac staj eb', xya'n 'el eb' yaw 'ixtic: A yespada Jehová yet' pax yic Gedeón, a tzyac' owal, xchi eb'.