Dt 33:28 - Chuj San Sebastian Bible

²⁸ Ex wit chon̈ab', yelc'ojlal tzex can cajn 'a sat lum lum cha. A eb' eyin̈til, caw junc'ojlal 'oj 'aj yec' yuj eb' 'a sat lum lum cha. A 'a lum e lum cha, caw wach' 'oj 'aj 'ixm trigo yet' yal uva. May b'a'n̈ 'oj 'och wan ya'n n̈ab' 'a yib'n̈ lu'um.

Chuj San Mateo Bible

²⁸ A on̈ israel yin̈til on̈ vin̈aj Jacob tic, junc'olal ol on̈ ajn̈ejec' yed' quin̈tilal d'a co luum. Te vach' ol aj ixim co trigo yed' sat te' co uva, yujto man̈ ol och vaan yac'an n̈ab' d'a co luum tic.

Dt 33:28 Iomraidhean Croise

Gn 27:28

Ya' cab' cot Dios n̈ab' 'a yib'n̈ a lu'um, sec wach' 'oj 'aj smasnil 'awb'en 'a sat lum lu'um, caw wach' 'oj 'aj a trigo yet' pax a uva.

Gn 27:37

'Ix yaln Isaac chi 'a Esaú 'ixtic: —'Ilto, tox xwa'ch yopiso ni Jacob 'a eb'an̈. Smasnil eb' yu'tac 'oj 'och eb' schecb'oc. An̈jtona', tox 'ix walcni, to til wal 'oj yutc ya'n trigo yet' te uva 'a na. ¿Tasto wal wach' tzach wutj ach wunnal? xchi.

Gn 27:39

Yuj cha, xyaln can pax Isaac 'ixtc 'a 'a: Caw wal najt tzach 'elcn 'a sat lum lum 'ay syaxil sat, yet' 'a 'aj wach' ya'n n̈ab'.

A Ch'an̈ B'ab'el Libro Yic Yab'ixal Eb' Rey 5:5

An tic tox xin na'a, to 'oj wac' b'o chan̈ junc yatut Jehová in Diosal, 'icha yutjnac yaln 'a in mam yic yaln 'ixtic: A jun onnal 'oj wa'ch a jelc 'a a despacho, a 'oj b'onc junc watut, xchi.

Salmos 68:26

E masnil ex yin̈tl Israel to yamn eyaj 'a tic, alc wach' paxti 'a Dios. Alc wach' paxti 'a Jehová.

Ex 33:16

Q'uinloc matz ach 'at quet' ticnec on̈, ¿tas wal 'oj 'aj scheclj 'eli, to tzach tzalj wet'oc, yet' 'a eb' a chon̈b' tic? Toto tzach 'at quet' on̈, 'ixtnta 'oj 'aj scheclj 'eli, to sic'b'iln 'el yet' eb' a chon̈b' tic oj 'a scal eb' chon̈b' 'a sat lum tic, xchi Moisés.

Pr 19:12

A yowl sc'ojl junc win rey, caw 'ay smay, lajn wal 'icha yic tz'el yaw junc no león. Ax swach'c'ojlal winac, lajn wal 'icha yic tz'em chicb'chan̈ 'a yib'n̈ te c'ultac.

Pr 3:20

Yuj sjelnal cha, tzpac' q'uet eb' a a', tzcot pax n̈ab' 'a scal 'asun.

Is 48:1

A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Jeremías 49:31

An Jehová in, an tzwal 'a eb' 'aj Babilonia chi 'ixtic: 'Ixquec, 'at 'a'c owl 'a jun chon̈b' to caw may jac tas tzna'a, caw tzaljc'ojlaln̈ej yajq'ui, may spuertail schon̈ab', may tas macjnac, caw cojn 'ayc' sch'ocoj.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Zacarías 14:11

'Oj 'ajx cajn 'anma 'a Jerusalén jun 'ejm xo, man̈x 'a tas 'oj sna eb' ta', yujto man̈x 'oj ma'xoc 'ejmi.

Zacarías 8:12

'Oj can eb' 'a junc'ojlal. A yuva eb', caw wal 'oj yac' sat. A slum eb', yel xo wach' 'oj yutc ya'n sb'a'al. A satcha'an̈ a 'oj 'a'nc cot chicb'cha'an̈. An xo 'oj wac' smasnil jun tzo'n̈ chi 'a eb' 'anma tzcan to 'a jun chon̈b' tic.

Nm 23:9

Caw wal wach' wiln 'at jun chon̈b' chi 'a sjolm q'uen q'uen 'aj te'n in q'ue tic. Caw wal wach' wiln 'at 'a jolm witz tic: A jun chon̈b' cha, caw wal mun 'ay sch'ocoj, chuc yeli, matz calj sb'a eb' yet' jun tzo'n̈ xo chon̈ab'.

Dt 11:11

Palta ax lum 'aj 'oj e c'och cha, 'ay lum jolmctac witz 'a lu'um, 'ay pax span̈nil, ax n̈ab' tzcot 'a satcha'an̈, a tziclan lu'um.

Dt 12:10

A yic 'oj e c'axw can 'ec' 'a yojl a Jordán cha, ax e cajn lum lum 'oj yac' Jehová 'ayex, tzyal 'el'chi to ex colchj 'el 'a yol sc'ab' eb' 'ajc'ojl yajch 'ayex, man̈x 'a e xiwc'ojlal 'a jun lugar cha.

Dt 32:2

A in cuynb'il 'oj wal tic, lajn wal 'icha yic tz'em n̈ab'. A jun tzo'n̈ in paxti 'oj walcn tic, lajn 'icha yic tz'em chicb'cha'an̈. An̈jtona', 'icha wal yem n̈ab' 'a yib'n̈ te 'itaj, yet' 'a yib'n̈ te c'ultac, 'ixta 'oj 'ajoc.

Dt 32:8

'Ay jun tiempoal 'ix sna jun Mach Caw Niwn Yel'chi, to wach' tzpojcn eb' 'anma yet' snacion̈. 'Ix ya'n checljoc can smon̈jonal slum junjn nacion̈ cha, junjn chon̈ab', palta b'ab'el 'ix sna yuj jantc e b'isl ex wit israelal.

Dt 33:12

'Ix yaln 'ixtc 'a yib'n̈ eb' yin̈tl Benjamín: Caw wal nib'b'il eb' yin̈tl Benjamín yuj Jehová, caw tzaljc'ojlal yaj eb', a Dios caw niwn yel'chi, a tzcolwj yet' eb'. ¡A 'aych stan̈malc eb'! xchi.

Dt 33:13

'Ix yaln 'ixtc 'a yib'n̈ eb' yin̈tl José: Ya' cab' 'ejm Jehová syaxilal 'a yib'n̈ slum eb', a cab' chicb'chan̈ caw wach' tz'ejm 'a yib'an̈, ax a a tzq'uel 'a yol lu'um, a cab' a tzc'an eb'.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.