Dt 33:27 - Chuj San Sebastian Bible

²⁷ A qui Diosalec 'ayc' 'a jun 'ejmn̈ej, a 'aych qui tan̈maloc. A spoder caw may b'a'n̈ 'ay slajub', a 'aych quet'ec. A 'oj pechnc 'el eb' 'ajc'ojl yajch 'ayn̈ec, a tzalni tzsatx 'el eb' 'ajc'ojl cha.

Chuj San Mateo Bible

²⁷ A Dios ayn̈ejec' qued'oc. D'a masanil tiempo tzon̈ stan̈vej. A jantac spoder malaj slajvub', tzon̈ scol sic'lab'il. A Jehová ol ic'anel eb' cajc'ol d'a quichan̈, ol yalani to ol co satel eb'.

Dt 33:27 Iomraidhean Croise

Gn 49:24

Palta ach tic, caw wal 'ay ep, te'nn̈ej yaj a jul-lab' yuj yip in Diosal an Jacob in tic, atn Wilmal, in Tan̈mal an Israel in tic.

Salmos 102:24

Yuj cha, xwaln 'aych 'ixtic: Ach in Diosal, man̈ in e'l muc'uc, 'a yic to mantzac paclj in q'uinal, xin chi. A 'a q'uinl ach tic Mamin, may b'a'n̈ 'ay slajub'.

Salmos 139:5

Oyn 'och a poder 'a in tz'ey, tzin a tan̈wni paxi.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Salmos 27:5

Yujto a yic 'oj jawc yailal 'a wib'an̈, a 'oj in c'ub'n 'el 'a yatut. 'Icha to 'oj in yac' q'ue 'a sjolm junc niwquil tenam, yic tzin colchji.

Salmos 36:7

Ach in Diosal, man̈x jantcoc satjub'tacl yilx a chamc'ojlal, yuj cha, a 'aych tzqui col qui b'a on̈, 'icha no cotc caxtiln̈ tzcol sb'a 'a yaln̈ sc'axl snun.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 48:3

'Ayc' Dios 'a yol sdespacho, 'ix yac' 'ojcaxc 'eli to cojn 'aj wach' qui colnec qui b'a.

Salmos 55:19

A Dios Yajl 'a jun 'ejmn̈ej, 'oj yab' tas 'oj wala', ax 'oj 'i'nc 'ejm eb' 'ajc'ojl cha, yujto matz jel eb' sb'eyb'al, matz xiw pax eb' 'a Dios.

Salmos 68:34

Tzcham wal eyojcan 'el sjelnal Dios, 'ayc' yip 'a yib'n̈ chon̈b' Israel, a sjelnal tzq'ue'ch 'a satcha'an̈.

Salmos 71:3

'Ochn̈ wen̈loc 'icha junc n̈aq'ue'en, an̈j 'aych tzin col in b'a 'a junjn 'ejem. Ach aljnac to tzin a col-li, yujto 'icha cuartel, 'ixta aj 'ayin.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Salmos 91:9

An̈ec xo tic, a Jehová a x'och qui Colmaloquec, atn jun niwn yel'chi, a 'a wach' qui colnec qui b'a.

Ex 23:28

A yic mantzac ex c'och 'a lum lum cha, ax wa'n somchjoc 'el snab'en eb' 'ajc'ojl cha, ax s'at eb' 'elc eyu'uj, atn eb' heveo, eb' hitita yet' eb' cananeo.

Ex 34:11

Yicljec smasnil tas 'ix wal 'ayx tic, sec an xo 'oj wi'l eb' 'anma chi 'aj 'oj e c'och cha, atn eb' amorreo, eb' cananeo, eb' hitita, eb' ferezeo, eb' heveo yet' eb' jebuseo.

Pr 10:25

A yic tzjaw yailal 'icha junc chacxuxm 'ic', tzsatcn 'el eb' maysch'olnil sb'eyb'al yu'uj, ax eb' wach' sb'eyb'al, te'nn̈ej yaj eb' 'a jun 'ejmn̈ej.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Cantares 2:6

A wal a c'ab' 'a a surito, a chi tzcan 'a yaln̈ in jolom; ax a wach' c'ab', a chi tzin la'ni, xchi 'ix.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Jeremías 50:21

'Ix yaln pax Jehová 'ixtic: An tzex in checa, 'at 'a'c owl 'a yol yic Merataim, yet' 'a smasnil eb' cajn 'a Pecod. Pechc b'eyc'oc eb', milc cham eb', masnto tzsatl eb' smasnil. Yicljec smasnil in checnb'il tic.

Os 11:3

'Ixta x'el sb'on eb', wach'xam an xin quetz b'ey eb', palta ma'ix yojquej 'el eb', toto an tzin tan̈wj eb'.

Miqueas 5:1

Ex 'aj Jerusalén, b'oc chan̈ smuroal 'aj tze col e b'a, yujto tox 'ix 'och oyn eb' 'ajc'ojl 'ayex. 'Oj smac' eb' sat win syajlil chon̈b' Israel yet' jixc'ab'te'.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Habacuc 1:12

Mamin Jehová, ¿tom man̈ toc 'aych 'ec' 'a jun 'ejmn̈ej jun? Ach in Diosal, cojxn̈ej ach ton Dios ach. Ma'oj on̈ a cha satl 'a jun 'ejmn̈ej on̈, qui Colmal aji. Ach 'ix ac' yip eb' caldeo yuj a'n 'och yailal 'a quib'n̈ yuj qui mul on̈.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

Dt 7:2

A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Josué 24:18

A Jehová, a xpechn 'el smasnil eb' chon̈b' 'ayc' 'a yol qui b'e, yet' eb' amorreo cajn 'a jun lugar tic. Yuj cha, 'oj ca' pax servil Jehová on̈, yujto a qui Diosalec yaji, xchi eb'.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

Apoc 20:10

Ax win diablo, win 'ix 'ixtn paxti eb' cha, 'oj julx can 'at 'a scal jun niwquil c'ac' tzn̈ilchji, caln yaj yet' azufre, 'icha pama', atn 'aj julb'il can 'at jun noc' sb'i, yet' jun cob' yaljnac 'och sb'a schecb'oc Dios. Sc'ual yac'wlil 'oj yab' eb' syal ta 'a smasnil tiempo.

A Ch'an̈ B'ab'el Libro Samuel 15:29

Na coti to a Jehová a tz'i'n chan̈ qui chon̈b' tic, caw may 'aj tzyac' 'es, may 'aj tzjel snab'en, yujto man̈ lajnoc yet' 'anma', xchi Samuel.