Dt 33:21 - Chuj San Sebastian Bible

²¹ A eb' yin̈tl Gad, 'ix can eb' 'a lum lum caw wach' sat. A jun lum cha, smoj wal to a eb' capitan̈ 'aj x'ajx lu'um. A yic syamn sb'a eb' yichm wincal chon̈b' Israel, ax eb' yin̈tl Gad, a eb' xya'ch sb'a sjucb'tzan eb' chon̈ab', syiclni eb' smasnil tas 'ix yal Jehová yuj eb' schon̈ab', xchi.

Chuj San Mateo Bible

²¹ Ix sic'canel lum luum te vach' eb' yin̈tilal Gad chi'. A jun luum chi' smoj val to a d'a eb' yajal tz'ac'ji luum. Ayic ix smolb'an sb'a eb' yajalil chon̈ab' Israel, a eb' yin̈tilal Gad ix sc'anab'ajej eb' icha val yalan schecnab'il Jehová, xchi vin̈.

Dt 33:21 Iomraidhean Croise

Nm 34:14

Yujto a nan̈l yoxl 'in̈tal eb', tox 'ix schaj eb' smacul, atn eb' yin̈tl Rubén, Gad yet' spacl eb' yic Manasés, atn lum xcan 'a sc'axpil 'e't sti a Jordán, 'a stojlal 'aj tzq'uel c'u, lum tzcan 'a yojltac Jericó, xchi Moisés.

Josué 1:14

Ax ticnec jun, 'actjec can eyistzil, eyunnal yet' smasnil e cajb'en noc' 'a sat lum lum 'aj ex yactj can Moisés, atn lum 'ay 'a stojlal 'aj tzq'uel c'u 'a a Jordán tic. Palta ax xo e masnil ex winc to smoj e at 'a owal, 'ijec eyamc'ab' yic owal. Tzex b'ab'lj yuj eb' quit chon̈b'ec tic, yic tzex colwj yet' eb',

Jueces 5:11

Caw najt tz'at sjaj te son eyu'uj, yet' jun tzo'n̈ q'uen platillo 'aj 'ay a 'uc'b'il a', alc 'el sjelnal Jehová yujto xyac' ganar owal, xyac' ganar yi'n can pax 'ec' yaldeail chon̈b' Israel.

Jueces 5:2

B'itn coyc qui masnil 'a Jehová, yujto a x'a'n 'och jun tzo'n̈ eb' yajl 'a chon̈b' Israel, yujto caw 'ay pax eb' soldado 'a chon̈b' tic caw c'asn sc'ojl ya'n owal.