Dt 33:20 - Chuj San Sebastian Bible

²⁰ 'Ix yaln 'ixtc 'a yib'n̈ eb' yin̈tl Gad: ¡'Ijx cab' chan̈ sb'i Jehová, to a 'ix 'a'n slum eb' yin̈tl Gad, yujto caw lewn slum eb'! Lajn eb' 'icha junc no león tzjil't sc'ab' tzicn cot xil sjolm junc xo no', 'ixta eb' 'a eb' 'ajc'ojl yajch 'a 'a.

Chuj San Mateo Bible

²⁰ Ix yalanpax vin̈ yuj eb' yin̈tilal Gad icha tic: Ic'jocab' chaan̈ Jehová ix ac'an levanb'oc sluum eb' yin̈til Gad. Lajan eb' icha noc' nun choj tz'em cutzan, sjecchitanel sc'ab' yed' sjolom schib'ej. Icha chi' ol yutej eb' yajc'ool eb' yin̈til Gad chi'.

Dt 33:20 Iomraidhean Croise

Gn 49:19

Ach xo ach tic Gad, 'oj c'och ewin 'ajc'ojl 'ayach, yic tzya'n eb' owl et'oc, palta 'oj 'at eb' 'elc 'ayach.

Gn 49:9

Lajn ach wal 'icha junc no quelm león; a yic tzlajw schin 'ejm junc yit noc'al tzmeltzj pax 'a sn̈aq'ue'en. 'Icha junc no niwquil león, tz'em lachan, tzlaj 'ec' pun̈n 'a sat lu'um. ¿Mach wal junc tzte'wtzej sb'a stzuntzni?

1 Cr 4:10

'Ix leslwi win 'a qui Diosalec an̈ israel on̈c tic, 'ix yalni: Tzin tew 'aych Mamin, to tzac' a yaxilal 'a wib'an̈. Tzin nib'j to niwquil in lu'um, tzin nib'j tzach 'och pax wet'oc, yic tzin a coln 'el 'a yailal, sec wach' matz in 'ixtxi, xchi 'a slesal. Ax Dios 'ix 'a'n tas 'ix sc'an cha.

Salmos 18:19

In a colcn 'elta, in a'n can 'a jun lugar caw lewan 'a 'aj may tzin 'i'ni, yujto tzin a chamc'ojlej.

Salmos 18:36

Caw wach' jun b'e 'aj tzin ej b'eyoc, sec wach' matz in tench woc.

Jeremías 2:16

A eb' 'anma 'aj chon̈b' Menfis yet' eb' 'aj chon̈b' Tafnes, sjoxjnac 'el eb' xil e jolom.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Josué 13:10

smasnil jun tzo'n̈ chon̈b' yic win Sihón, sreyl eb' amorreo 'a Hesbón, masnto 'a smon̈jon eb' amonita.

Josué 13:8

A eb' yin̈tl Rubén yet' eb' yin̈tl Gad, yet' spacl xo eb' yin̈tl Manasés, schajnacx can eb' smacl lum 'a Moisés, atn lum ya'jnac can 'a eb', lum 'ay 'a stojlal 'aj tzq'uel c'u 'a sc'axpil 'ec' a Jordán.