Dt 33:17 - Chuj San Sebastian Bible

¹⁷ Caw wach' yilx eb' yin̈tl José, 'icha junc sb'ab'l 'unnal junc no quelm wacax, caw jelan. 'Ay yip 'icha junc no simrón wacx caw niwc sch'a'ac. 'Oj stec smasnil chon̈ab', masnto 'aj tzlajw c'och yolyib'n̈q'uinl tic. A sch'ac chi tzch'oxn 'eli to caw 'ay yip, atn smil-l sb'isl eb' yin̈tl Efraín, yet' smil-l sb'isl eb' yin̈tl Manasés, xchi.

Chuj San Mateo Bible

¹⁷ Te ay smay eb' yin̈tilal José, aton eb' yin̈tilal Efraín man̈xo b'ischajb'enoc yed' eb' yin̈tilal Manasés, smilalxo eb'. Te ay smay eb' icha junoc noc' mam vacax, ma icha yip junoc noc' caltacte'al vacax nivac sch'aac. Ol spech masanil chon̈ab' eb' masanto b'aj slajvic'och yolyib'an̈q'uinal, xchi vin̈.

Dt 33:17 Iomraidhean Croise

Gn 48:19

Palta ma'ix yal sc'ojl smam cha, xlajw cha, xyaln 'ixtic: —Wojc xo ach wunnal, a ni tic niwn nacion̈ 'oj 'el 'a eb' yin̈tl ni b'aq'uin̈, palta ax ni tza'n tic, yel xo wal caw niwquil 'oj 'aj 'el'ch ni b'aq'uin̈. A eb' yin̈tl na, til wal nacion̈ 'oj 'aj 'el'ch eb', xchi winac.

A Ch'an̈ B'ab'el Libro Yic Yab'ixal Eb' Rey 22:11

Ax win Sedequías, win yunnal Quenaana, 'ix sb'o win jun tzo'n̈ q'ue'en, 'icha sch'ac wacx 'ix 'aji. Caw 'ip 'ix 'awj cha'an̈, 'ix yaln 'ixtic: 'Ixtc wal xyutj Jehová yalni: A jun tzo'n̈ yechl sch'ac wacx tic, tzyal el'chi to a ep 'oj 'a'nc ganar eb' 'aj Siria, masnto 'oj a satl eb' smasnil, xchi 'a win rey cha.

1 Cr 12:31

'A spacl eb' yin̈tl Manasés 'ay wajxclajn̈e mil winac, tox 'ix can 'a yib'an̈, yic tz'at ya'nc 'och eb' David 'a reyal.

1 Cr 12:32

'A eb' yin̈tl Isacar, 'ay chab' ciente eb' yajal, 'ix jaw eb' yet' smasnil eb' winc tzyac' mandar. A jun tzo'n̈ eb' tic, caw wal tznachj 'el yuj eb' tas yowlal tzb'o chon̈b' Israel, b'a'n̈ pax 'oj 'el'choc.

1 Cr 5:1

A Rubén, atn win sb'ab'l 'unnal Israel, ax eb' yunnal: atn Hanoc, Falú, Hezrón yet' Carmi. Palta a Rubén ma'ix yij smacl yic sb'ab'l 'unnab'ilal, yujn̈ej to syam cot win yistzil smam. A jun smacl yic sb'ab'l 'unnab'ilal cha, ata x'ajx can 'a eb' yunnal José, atn junx win yunnal pax Israel cha. A yic xb'ey tiempo, a Judá caw niwn yel'ch 'ix 'aj 'a yib'n̈ eb' yu'tac, yujto a 'a x'elt jun yajal, palta ax jun macl yic b'ab'l 'unnab'ilal cha, a 'a José, ata 'aycni.

1 Cr 5:23

Ax junx spacl 'in̈tal eb' yic Manasés, yujto caw 'ix niwtj eb', yuj cha, 'ix c'och cajn eb' 'a jun lum lum 'ay 'a yol yic Basán, masnto tzc'och jun lum chi 'a Baal-hermón, atn Senir mto switzl Hermón.

2 Cr 18:10

Ax Sedequías, yunnal Quenaana, 'ix sb'o jun tzo'n̈ q'uen hierro 'icha yilx no cacha, 'ix yaln 'ixtc 'a caw 'ip: 'Ixtc 'ix yutj Jehová yalni: A yet' jun tzo'n̈ cacha tic 'oj ac' owl yet' eb' sirio, masnto 'oj lajwc eb' smasnil, xchi Dios, xchi cob' Sedequías cha.

Salmos 22:21

Coln 'el 'a yol sc'ab' jun tzo'n̈ eb' 'anma tznib'j tzin milni, eb' lajn 'icha no león c'awn sti', mto 'icha no simron wacx caw 'ay smay yet' sch'a'ac.

Salmos 29:6

Tzya'n 'ib'xoc eb' lum jolmctac witzl yic lum Líbano yet' eb' lum yic Sirión. 'Icha to tzb'atj chan̈ eb' lum 'icha no quelm wacax.

Salmos 44:5

O'oj 'ix ca'n ganar yem eb' 'ajc'ojl yajch 'ayn̈ on̈, yet' wal a b'i 'ix ca'n telwc eb' tznib'n tas tzlaj on̈ yutc on̈.

Salmos 60:7

A Galaad yet' Manasés an 'ay wico'; a Efraín 'icha to in q'uen xumpiln yaji, ax Judá lajn yet' jun in c'occh yic wopiso.

Salmos 92:10

Palta ach tza'ch wip 'icha no simron wacax, ach 'ix ac' in tzaljc'ojlal.

Is 34:7

A eb' syajlil eb', caw wal 'ay smay eb' 'icha no simron wacax, no quelm wacax, yet' no mam wacx caw ow; palta junn̈j 'oj 'aj eb' scham yet' eb' comn 'anma'. Caw 'oj macchjoc 'el sat slum eb' yet' schiq'uil, 'oj 'atcn xepual eb' 'a scal spoccal lum lu'um.

Ez 34:21

Ax yajl ex cha, tzlaj e tench e b'a 'a eb' 'emmquilal yeq'ui, najt tzc'ochcn eb' eyecn telwoc. 'Ay eb' tzlaj eyixtoc, tzlaj e pechn b'eyc'oc eb'.

Dn 8:4

Ax xwilni, a jun calnelu cha, a yet' sch'ac chi tzyac' satnc 'el smasnil tas 'ay 'a stojlal 'aj tz'em c'u, 'a stojlal norte yet' pax 'a stojlal sur. May xon junc noc' tztac' ste'wtzan sb'a 'a yojltac, may pax junc mach tztac' scoln sb'a 'a 'a. Tzb'on̈j tas tznib'j sc'ojol. Caw 'ipn yoch yip 'a junjn 'ejem.

Os 5:3

Wojc tas eyaj ex israel 'a yol yic Efraín, ¿tom tze na'a to man̈ wojcoc tas eyaji? 'Ix eya'ch e b'a 'ajmulal, 'ix eyixtj 'el e b'a yuj e maysch'olnilal.

Os 6:4

Xyaln Jehová 'ixtic: ¿Tas wal 'oj ex wutc ex 'aj Efraín? ¿Tas wal 'oj ex wutc ex 'aj Judá? A e chamc'ojlal 'ayin, lajn wal 'icha 'asn 'a yic sq'uin̈b'ial, lajn 'icha chicb'chan̈ tz'em 'a yic 'ayt sacb'i, ax 'a yic tzsacb'i, yajn̈ej tzsatx cha'an̈.

Os 7:1

ata tznachj 'el smul eb' wu'uj, yet' smaysch'olnilal eb'. Yujto jun lajn xoj tzb'eylb'ej eb' 'a'm 'esal. 'Elc'm eb' smasnil. Tojln̈ej yoch eb' 'a yoltc n̈a. Tzlaj 'elc'w pax eb' 'a yoltc caye 'a eb' 'anma'.

Nm 23:22

A Dios, a 'ix 'i'n 'elt eb' 'a Egipto, yuj cha, a 'aych yipc sc'ojl eb'. 'Icha no simbron wacax, a sch'ac no 'aych yipc sc'ojol, 'ixta yaj eb' yet' Dios.

Nm 24:8

A Dios 'ix 'i'n 'elt eb' 'a Egipto, a 'aych yipc sc'ojl eb' 'icha no simbron wacax, a sch'ac no 'aych yipc sc'ojol. A chon̈b' Israel, 'oj smil cham eb' nacion̈ 'ajc'ojl yajch 'a 'a. 'Oj smac' poj sb'acl eb', ax sc'axw 'ec' sjul-lab' 'a eb' 'ajc'ojl cha.

Nm 26:34

A 'ix 'aj chan̈ sb'isl eb' yin̈tl Manasés, 'ay 52,700 eb' winc 'a smasnil.

Nm 26:37

A 'ix 'aj chan̈ sb'isl eb' yin̈tl Efraín, 'ay 32,500 eb' winc 'a smasnil. Atn eb' yin̈tl José tic, 'icha yaj stzol-l yin̈tl eb'.

Josué 17:14

'Ix yaln eb' yin̈tl José 'a win Josué 'ixtic: —¿Tas yuj cojn jun macn̈ lum lum 'ix ac' qui macl lumoc on̈? Palta an̈ tic on̈, caw niwn qui b'isl on̈, yujto a Jehová 'ix ya'n̈j syaxilal 'a quib'n̈ on̈, xchi eb'.

Josué 17:18

A wal lum jolmctac witz, lum caw 'ay stel sat cha, a 'oj eyico'oc, 'oj eyac' e nab'en e c'ann te te 'ay 'a sat lum cha, yujto ax 'oj eyico'oc lum smasnil. A eb' cananeo cajn 'a sat lu'um, 'oj e pechl eb' ta', wach'xam caw jeln eb', wach'xam 'ay pax sq'uen caruaje eb', xchi Josué 'a eb'.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.