Dt 33:16 - Chuj San Sebastian Bible

¹⁶ Wach' cab' tz'aj smasnil sat te lob'tzal te tz'awx 'a sat lum lu'um, yuj swach'c'ojlal Jehová, atn jun sch'oxjnac sb'a 'a scal c'ac' 'aj wan stz'a jun te q'ui'ix. Cot cab' can smasnil jun tzo'n̈ yaxilal tic 'a yib'n̈ eb' yin̈tl José, yujto sic'b'il 'el win 'a scal eb' yu'tac.

Chuj San Mateo Bible

¹⁶ Vach'ocab' tz'aj sat te' avb'en te' tz'el d'a sat sluum eb' yuj svach'c'olal Jehová, aton sch'oxnac sb'a d'a scal te' q'uiix ayoch sc'ac'al. Cotocab'can masanil juntzan̈ vach'c'olal tic d'a yib'an̈ eb' yin̈tilal José, aton vin̈ sic'b'ilel d'a scal eb' yuc'tac.

Dt 33:16 Iomraidhean Croise

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

Gn 37:36

Ax yic xc'och ewin madianita 'a Egipto, xchon̈n can ewin José 'a win Potifar, win syajlil eb' soldado win sreyl Egipto cha.

Gn 37:8

Yuj cha, xta'w eb' yu'tac chi 'a 'ixtic: —¿Am tzyal 'el'ch jun tzal cha, to 'oj och am qui reyloc, ax on̈ a'n mandar tzyal cha? xchi ewinac. Caw wal xwach' cot yowl eb' 'a José, yujto xyal swaych chi 'a eb'.

Gn 43:32

Jun smexa José 'aj xwa sch'ocoj, chuc junx mexa 'aj xwa ewin yu'tac cha. Chuc pax junx mexa 'aj xwa ewin 'aj Egipto, ewin tzwa xon yet' José cha, yujto a ewin 'aj Egipto cha, 'ay yowlal toto junn̈j tzwa ewin yet' ewin hebreo.

Gn 49:26

A smasnil jun tzo'n̈ wach' paxti tzwalcn 'el 'a eb'n̈ tic, an a mamn tic, yel xo niwn yel'ch tas tzwalcn 'ayach, 'a yib'n̈ wach' paxti yaljnac in mam 'a wib'an̈. A smasnil jun tzo'n̈ tic tzwalcn 'el 'a eb'n̈ José, yel xo niwn yel'ch 'a yib'n̈ smasnil tas tzyac' lum jolmctac witz, eb' lum 'ayc' xon 'a yic pecti', caw sic'b'ilch 'el 'a scal eb' o'tac tic.

Salmos 24:1

A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.

Salmos 50:12

Q'uinloc 'ay in wejel, ma'oj wal eyab'i', yujto wic smasnil tas 'ay 'a yolyib'n̈q'uinl tic.

Salmos 89:11

A satcha'an̈ yet' lum lum tic ecn̈ej yaji, ach xa b'o yolyib'n̈q'uinl tic yet' smasnil tas 'ay 'a 'a.

Ex 2:2

Xlajw cha, 'ix 'alj jun swinc 'unn 'ix. A yic xyiln 'och 'ix to caw wach' yilx jun tz'ulc 'unn cha, yuj cha, 'ix sc'ub'n 'el 'ix jun 'unn chi 'a 'oxe 'ujal.

Jeremías 8:16

¡Wan sjaw eb' 'ajc'ojl 'ayn̈ec! ¡Checl xo sjormj yol sn̈i schej eb' 'a chon̈b' Dan! A yic tz'oc' no', caw tz'ib'x lum lum tic yuj no'. Caw tzjaw eb' wul satl jun qui nacion̈ec tic yet' smasnil tas 'ay 'a 'a, yet' jun qui chon̈b'ec tic, yet' pax qui masnil an̈ cajn on̈c 'a 'a, 'oj xchic eb'.

Nm 26:28

Eb' yunnal José, atn eb' tic tzb'inax 'a eb' yin̈tl yuj Manasés yet' Efraín.

Mr 12:26

Palta toxnto checl xon yaji, to 'oj pitzwc pax eb' chamnac. ¿Tom mant 'a 'aj xeyila tas stz'ib'jnac can Moisés 'a Ch'an̈ U'un̈, yic spaxtin Dios 'a scal te q'ui'ix yic yaln 'ixtic: An ton tic sDiosal in Abraham, Isaac, yet' Jacob? xchi.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

A Tas Sc'ulejnac Eb' Schecab' Jesús Hechos 7:35

Palta ax yic xc'och 'a eb' yit chon̈b' cha, toxn may yel'ch 'a sat eb'. 'Ix yaln eb' 'ixtc 'a 'a: ¿Mach ach 'a'n 'och juezal, yuj cha, tzon̈ a'n mandar on̈? xchi eb' 'a 'a. Palta a Dios, 'ix 'a'n yopiso Moisés chi ya'n mandar eb'. 'Ix ya'n pax yopiso yi'n 'elt eb' 'a scal syail. A jun ángel chi 'ix sch'ox sb'a 'a Moisés 'a scal te q'ui'ix, a 'ix 'och yet'oc.

1 Co 10:26

Yujto a yolyib'n̈q'uinl tic, yet' smasnil tas 'ay 'a 'a, yic Cajlilec.

1 Co 10:28

Palta toto 'ay junc mach tzaln 'ayx 'ixtic: A jun chib'j tzyac' win tic, tox x'och xajmb'alil, toto xchi 'ayex, man̈ e chi'. Yujto a jun tzaln 'ayx cha, 'ay smay, toq'ue tzjuw 'el snab'en eyu'uj.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.