Dt 33:1 - Chuj San Sebastian Bible

¹ A yic jab'xoj sc'och stiempoal scham Moisés win schecb' Dios, 'ix syamn 'och yaln can wach' paxti 'a yib'n̈ eb' yit israelal.

Chuj San Mateo Bible

¹ Ayic van sc'och stiempoal scham vin̈aj Moisés schecab' Jehová, ix och ijan vin̈ yalancan vach' lolonel d'a eb' yetisraelal.

Dt 33:1 Iomraidhean Croise

Gn 27:4

Tza b'on junc schib'l woch tan tz'aji, wach' tz'aj 'icha wal tzin nib'ej. A yic tzb'o 'el'ch o'oj, tze'n cot 'ayin, ax in wa yet'oc. Ya' sb'a tzin wa cha, ax waln can in wach' paxti 'a eb'an̈, yic mantzac in chami, xchi.

Gn 49:1

'Ix yawtn cot Jacob smasnil eb' yunnal, xyaln 'a eb' 'ixtic: Nitzc cot e b'a 'a in tz'ey ex wunnal, 'oj wala', tas 'oj 'ec' 'a eyib'n̈ b'aq'uin̈:

Gn 49:28

Atn wal yab'xil eb' lajchwan̈ yunnal win Israel tic. A smasnil jun tzo'n̈ paxti tic, xyalcn win 'a yic xyaln can wach' paxti 'a yib'n̈ junjn eb' yunnal, yuj tas 'oj 'ec' 'a yib'n̈ junjn eb'.

A Ch'an̈ B'ab'el Libro Yic Yab'ixal Eb' Rey 13:1

A yic wan ya'n tz'a Jeroboam incienso 'a yib'n̈ jun yet'l xajmb'al cha, 'ix c'och jun schecb' Dios 'a Betel 'a 'a, ata xcot 'a chon̈b' Judá, caw a Jehová xchecn coti.

A Ch'an̈ B'ab'el Libro Yic Yab'ixal Eb' Rey 13:6

Yuj cha, xyaln win rey chi 'a jun schecb' Dios chi 'ixtic: —Tzin tew 'ayach, to tzach leslwi 'a Jehová a Diosal wu'uj, sec tzb'ox can in c'ab' tic, xchi. Xlajw cha, 'ix leslwi jun schecb' Dios cha, 'ix b'ox can sc'ab' win rey chi jun 'ejm xo, 'icha yaj xon 'a yic yalan̈.

1 Cr 23:14

Ax pax eb' yin̈tl Moisés, atn schecb' Dios, 'ix 'och eb' stz'acb'oc eb' yit levitail.

2 Cr 8:14

An̈jtona', sb'on pax 'och munljel 'a stzolil, 'icha yaj yuj smam, atn David, sec wach' a eb' ya'mal 'och sti eb' 'anma', tztac' yiln eb' yopiso, yet' eb' levita, atn eb' 'aych 'a yib'n̈ sb'itn 'a Dios, tzcolwj pax eb' yet' eb' ya'mal 'och sti eb' 'anma 'a junjn c'u 'a tas yowlal tzc'anxi. Yet' pax yic tas tz'aj yoch eb' tan̈m puerta 'a stzol-l 'a junjn puerta, yujto 'ixta yutjnac can David yalni, atn schecb' Dios.

Salmos 90:1

Mamin, 'a yictax pecti', yic xlaj 'ec' jun tzo'n̈ tiempo 'a yalan̈, toxn to qui Colmal aj on̈.

Jeremías 35:4

Xlajw cha, xwi'n 'at eb' 'a yatut Dios, atn 'a jun cuarto yic eb' yunnal Hanán, win yunnal Igdalías, atn jun caw 'ay yel'ch Dios 'a sat. A jun cuarto cha, junn̈j yaj yet' yic eb' yajl yaj 'a yatut Dios cha, a 'a yib'n̈ scuarto Maasías yunnal Salum, ata 'ay. A win cha, yajl yaj 'a eb' tztan̈wni yatut Dios cha.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

2 Ti 3:17

'Ixta yopiso ch'an̈, sec an̈ yic on̈ xo Dios, tz'acn tznachj 'el cu'uj, tzta'n̈j qui b'on jantcn̈ej tas tznib'j Dios.

Josué 14:6

A eb' yin̈tl Judá, 'ix jaw eb' 'a lum Gilgal, yic xpaxtin eb' yet' Josué, ax Caleb win cenezeo yunnal Jefone, 'ix yaln win 'ixtc 'a Josué cha: Na cot tas 'ix yalcn Jehová 'a win Moisés atn win schecab', yic xyaln oj ach tic yet' pax wuj an tic, yic 'ayn̈ 'ec' 'a lum Cades-barnea.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.

Jueces 13:6

Xlajw cha, x'at 'ix 'at yal 'a win yichmil cha, xyaln 'ix 'ixtic: 'Ay wal jun win schecb' Dios xjaw 'a 'aj 'ayn 'ec' cha. Caw wal sat in c'ojl yu'uj. Lajn wal yilx 'och 'icha junc eb' yángel Dios. Ma'ix in c'anb'j 'a 'a, 'ajtil xcoti, man̈oc 'ix aln pax sb'i 'ayin.

A Ch'an̈ B'ab'el Libro Samuel 2:27

A 'a yic jun tiempoal cha, ata xc'och jun win schecb' Dios 'a win Elí. 'Ix yaln 'ixtic: A Jehová 'ixtc wal yaln 'a eb'an̈: A yic 'ayc' eb' a mam echm 'a Egipto, yic tz'a'w servil eb' 'a win faraón, caw wal wach' xwutj in ch'oxn in b'a 'a eb'.